ਗਰਮੀ ਦੇ ਮੌਸਮ ‘ਚ ਇਨ੍ਹਾਂ ਗੱਲਾਂ ਦਾ ਰੱਖੋ ਖ਼ਾਸ ਖ਼ਿਆਲ, ਨਹੀਂ ਤਾਂ ਪਵੇਗਾ ਪਛਤਾਉਣਾ

ਪੂਰੇ ਉੱਤਰ ਭਾਰਤ ‘ਚ ਅੰਤਾਂ ਦੀ ਗਰਮੀ ਪੈ ਰਹੀ ਹੈ। ਅਜਿਹੇ ਖੁਦ ਨੂੰ ਹਾਈਡ੍ਰੇਟ ਰੱਖਣ ਦੇ ਨਾਲ ਨਾਲ ਤੁਹਾਨੂੰ ਆਪਣੀ ਸਿਹਤ ਦਾ ਖ਼ਾਸ ਖਿਆਲ ਰੱਖਣਾ ਪਵੇਗਾ। ਜੀ ਹਾਂ ਗਰਮੀ ਦੇ ਮੌਸਮ ‘ਚ ਦਸਤ, ਉਲਟੀ ਦੀ ਸਮੱਸਿਆ ਆਮ ਹੋ ਜਾਂਦੀ ਹੈ। ਇਸ ਤੋਂ ਇਲਾਵਾ ਗਰਮੀ ਦੇ ਕਾਰਨ ਸਰੀਰ ਦਾ ਤਾਪਮਾਨ ਵੀ ਵਧ ਜਾਂਦਾ ਹੈ । ਅਜਿਹੇ ‘ਚ ਤੁਸੀਂ ਖੁਦ ਨੂੰ ਤਰੋਤਾਜ਼ਾ ਰੱਖਣ ਦੇ ਲਈ ਠੰਢੇ ਪਦਾਰਥਾਂ ਦਾ ਸੇਵਨ ਕਰੋ । ਪਰ ਕੋਸ਼ਿਸ਼ ਕਰੋ ਕਿ ਘਰ ਦਾ ਬਣਿਆ ਖਾਣਾ ਹੀ ਖਾਧਾ ਜਾਵੇ ।

ਕੱਟੇ ਹੋਏ ਫਲਾਂ ਦਾ ਸੇਵਨ ਕਰਨ ਤੋਂ ਬਚੋ 

ਤਾਜ਼ੇ ਫ਼ਲਾਂ ਦਾ ਸੇਵਨ ਹੀ ਤੁਹਾਨੂੰ ਕਰਨਾ ਚਾਹੀਦਾ ਹੈ। ਪਹਿਲਾਂ ਤੋਂ ਕੱਟੇ ਹੋਏ ਫ਼ਲ ਖਾਣ ਤੋਂ ਗੁਰੇਜ਼ ਕਰੋ । ਕਿਉਂਕਿ ਗਰਮੀਆਂ ‘ਚ ਫ਼ਲ ਖਰਾਬ ਹੋ ਜਾਂਦੇ ਹਨ । ਅਜਿਹੇ ‘ਚ ਜਦੋਂ ਫ਼ਲ ਖਾਣਾ ਹੋਵੇ ਉਸ ਵੇਲੇ ਹੀ ਫ਼ਲਾਂ ਨੂੰ ਕੱਟੋ ।

ਸਟ੍ਰੀਟ ਫੂਡ ਖਾਣ ਤੋਂ ਰੱਖੋ ਪਰਹੇਜ਼ 

ਅਕਸਰ ਜਦੋਂ ਅਸੀਂ ਬਜ਼ਾਰ ਜਾਂਦੇ ਹਾਂ ਤਾਂ ਉਥੇ ਗੋਲ ਗੱਪੇ, ਸਮੋਸੇ, ਟਿੱਕੀ ਤੇ ਹੋਰ ਸਟ੍ਰੀਟ ਫੂਡ ਖਾ ਲੈਂਦੇ ਹਾਂ। ਪਰ ਕਈ ਵਾਰ ਰੇਹੜੀ ਵਾਲੇ ਸਾਫ਼ ਸਫ਼ਾਈ ਦਾ ਧਿਆਨ ਨਹੀਂ ਰੱਖਦੇ । ਜਿਸ ਕਾਰਨ ਉਨ੍ਹਾਂ ਖਾਣ ਵਾਲੀਆਂ ਚੀਜ਼ਾਂ ‘ਚ ਕਈ ਤਰ੍ਹਾਂ ਦੇ ਕੀਟਾਣੂ ਪੈਦਾ ਹੋ ਜਾਂਦੇ ਹਨ। ਜਿਸ ਕਾਰਨ ਸਾਨੂੰ ਪੇਟ ਦੇ ਨਾਲ ਸਬੰਧਤ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। 

ਹਰੀਆਂ, ਪੱਤੇਦਾਰ ਸਬਜ਼ੀਆਂ ਦਾ ਇਸਤੇਮਾਲ

ਹਮੇਸ਼ਾ ਘਰ ‘ਚ ਹੀ ਬਣਿਆ ਭੋਜਨ ਹੀ ਖਾਣਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ ਗਰਮੀਆਂ ‘ਚ ਹਰੀਆਂ ਤੇ ਪੱਤੇਦਾਰ ਸਬਜ਼ੀਆਂ ਦਾ ਹੀ ਇਸਤੇਮਾਲ ਕਰਨਾ ਚਾਹੀਦਾ ਹੈ। ਜ਼ਿਆਦਾ ਮਸਾਲੇ ਵਾਲਾ ਤੇ ਤਲਿਆ ਭੋਜਨ ਕਰਨ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ।  

- GTC PUNJABI