ਰਣਜੀਤ ਬਾਵਾ ਦੀ ਨਵੀਂ ਈਪੀ 'ਗ੍ਰਾਫ' 5 ਨਵੰਬਰ ਨੂੰ ਹੋਵੇਗੀ ਰਿਲੀਜ਼, ਫੈਨਸ ਵੀ ਐਕਸਾਈਟਡ

ਰਣਜੀਤ ਬਾਵਾ (Ranjit Bawa)ਦੀ ਨਵੀਂ ਈਪੀ 'ਗ੍ਰਾਫ' (Graph) ਜਲਦ ਹੀ ਰਿਲੀਜ਼ ਹੋਣ ਜਾ ਰਹੀ  ਹੈ। ਇਸ ਬਾਰੇ ਗਾਇਕ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਜਾਣਕਾਰੀ ਸਾਂਝੀ ਕੀਤੀ ਹੈ। ਰਣਜੀਤ ਬਾਵਾ ਦੀ ਨਵੀਂ ਈਪੀ 'ਗ੍ਰਾਫ'  ਪੰਜ ਨਵੰਬਰ ਨੂੰ ਰਿਲੀਜ਼ ਹੋਣ ਜਾ ਰਹੀ  ਹੈ। ਇਸ ਤੋਂ ਪਹਿਲਾਂ ਇਸ ਨਵੀਂ ਈਪੀ 'ਗ੍ਰਾਫ'  ਨੂੰ ਲੈ ਕੇ ਰਣਜੀਤ ਬਾਵਾ ਕਾਫੀ ਐਕਸਾਈਟਡ ਹਨ । ਰਣਜੀਤ ਬਾਵਾ ਦੇਸੀ ਕਰਿਊ ਅਤੇ ਬੰਟੀ ਬੈਂਸ ਦੀ ਤਿੱਕੜੀ ਜਲਦ ਹੀ ਆਪਣੇ ਇਸ ਨਵੀਂ ਈਪੀ ਦੇ ਨਾਲ ਧੁੰਮਾਂ ਪਾਉਣ ਜਾ ਰਹੀ ਹੈ ਅਤੇ ਫੈਨਸ ਵੀ ਬੇਸਬਰੀ ਦੇ ਨਾਲ ਇਸ ਨਵੀਂ ਈਪੀ ਦੀ ਉਡੀਕ ਕਰ ਰਹੇ ਹਨ ।

ਰਣਜੀਤ ਬਾਵਾ ਦਾ ਵਰਕ ਫ੍ਰੰਟ 

ਰਣਜੀਤ ਬਾਵਾ ਦੇ ਵਰਕ ਫ੍ਰੰਟ ਦੀ ਗੱਲ ਕਰੀਏ ਤਾਂ ਉਹ ਪਿਛਲੇ ਕਈ ਸਾਲਾਂ ਤੋਂ ਪੰਜਾਬੀ ਇੰਡਸਟਰੀ ‘ਚ ਸਰਗਰਮ ਹਨ ਅਤੇ ਇੱਕ ਤੋਂ ਬਾਅਦ ਇੱਕ ਹਿੱਟ ਗੀਤਾਂ ਦੇ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰਦੇ ਆ ਰਹੇ ਹਨ । ਰਣਜੀਤ ਬਾਵਾ ਨੇ ਹਮੇਸ਼ਾ ਹੀ ਸੁਰੀਲੇ ਤੇ ਪਰਿਵਾਰ ‘ਚ ਬੈਠ ਕੇ ਸੁਣਨ ਵਾਲੇ ਗੀਤ ਗਾਏ ਹਨ । ਇਹੀ ਕਾਰਨ ਹੈ ਕਿ ਉਨ੍ਹਾਂ ਦੇ ਸਰੋਤਿਆਂ ‘ਚ ਹਰ ਉਮਰ ਦੇ ਸਰੋਤੇ ਸ਼ਾਮਿਲ ਹਨ ।

ਰਣਜੀਤ ਬਾਵਾ ਜਿੱਥੇ ਆਪਣੀ ਵਧੀਆ ਗਾਇਕੀ ਦੇ ਲਈ ਜਾਣੇ ਜਾਂਦੇ ਹਨ, ਉਥੇ ਹੀ ਵਧੀਆ ਅਦਾਕਾਰੀ ਦੇ ਲਈ ਵੀ ਉਹ ਮਸ਼ਹੂਰ ਹਨ । ਹੁਣ ਤੱਕ ਉਹ ਕਈ ਫ਼ਿਲਮਾਂ ‘ਚ ਅਦਾਕਾਰੀ ਕਰ ਚੁੱਕੇ ਹਨ । ਜਿਸ ‘ਚ ਮਿਸੇਜ ਐਂਡ ਮਿਸੇਜ਼ ਚਾਰ ਸੌ ਵੀਹ, ਤਾਰਾ ਮੀਰਾ, ਹਾਈਐਂਡ ਯਾਰੀਆਂ, ਤੂਫਾਨ ਸਿੰਘ ਸਣੇ ਕਈ ਫ਼ਿਲਮਾਂ ਸ਼ਾਮਿਲ ਹਨ ।

- GTC PUNJABI