ਗੁਰਲੇਜ ਅਖਤਰ ਦਾ ਅੱਜ ਹੈ ਜਨਮ ਦਿਨ, ਜਾਣੋ ਗਾਇਕਾ ਦੀ ਜ਼ਿੰਦਗੀ ਨਾਲ ਜੁੜੀਆਂ ਖ਼ਾਸ ਗੱਲਾਂ

ਗਾਇਕਾ ਗੁਰਲੇਜ ਅਖਤਰ (Gurlej Akhtar)ਦਾ ਅੱਜ ਜਨਮ ਦਿਨ (Birthday) ਹੈ। ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਦੀ ਜ਼ਿੰਦਗੀ ਨਾਲ ਜੁੜੀਆਂ ਕੁਝ ਦਿਲਚਸਪ ਗੱਲਾਂ ਦੱਸਾਂਗੇ ।ਗੁਰਲੇਜ ਅਖਤਰ ਨੂੰ ਗਾਇਕੀ ‘ਚ ਬਚਪਨ ਤੋਂ ਹੀ ਦਿਲਚਸਪੀ ਸੀ ਅਤੇ ਗਾਇਕੀ ਦੀ ਗੁੜ੍ਹਤੀ ਉਨ੍ਹਾਂ ਨੂੰ ਆਪਣੇ ਘਰੋਂ ਹੀ ਮਿਲੀ ਸੀ । ਬਹੁਤ ਹੀ ਛੋਟੀ ਉਮਰ ‘ਚ ਗਾਇਕਾ ਦੇ ਪਿਤਾ ਦਾ ਦਿਹਾਂਤ ਹੋ ਗਿਆ ਸੀ ।

ਜਿਸ ਤੋਂ ਬਾਅਦ ਘਰ ‘ਚ ਵੱਡੀ ਹੋਣ ਦੇ ਨਾਤੇ ਮਾਂ ਦੇ ਨਾਲ –ਨਾਲ ਪਰਿਵਾਰ ਦੇ ਪਾਲਣ ਪੋਸ਼ਣ ਦੀ ਜ਼ਿੰਮੇਵਾਰੀ ਗੁਰਲੇਜ ਅਖਤਰ ਤੇ ਵੀ ਆ ਪਈ ਸੀ । ਜਿਸ ਕਾਰਨ ਗਾਇਕਾ ਨੇ ਛੋਟੀ ਉਮਰ ‘ਚ ਹੀ ਗਾਉਣਾ ਸ਼ੁਰੂ ਕਰ ਦਿੱਤਾ ਸੀ । ਕਾਫੀ ਸਾਲਾਂ ਤੋਂ ਗੁਰਲੇਜ ਅਖਤਰ ਇੰਡਸਟਰੀ ‘ਚ ਸਰਗਰਮ ਹਨ । 

ਕੁਲਵਿੰਦਰ ਕੈਲੀ ਦੇ ਨਾਲ ਮੁਲਾਕਾਤ 

ਗਾਇਕਾ ਗੁਰਲੇਜ ਅਖਤਰ ਦੀ ਕੁਲਵਿੰਦਰ ਕੈਲੀ ਦੇ ਨਾਲ ਮੁਲਾਕਾਤ ਇੱਕ ਸ਼ੋਅ ‘ਚ ਹੋਈ ਸੀ । ਗਾਇਕਾ ਉਸ ਵੇਲੇ ਵਿਦੇਸ਼ ‘ਚ ਪਰਫਾਰਮ ਕਰਨ ਗਈ ਸੀ ।ਇਸ ਦੌਰਾਨ ਹੀ ਦੋਨਾਂ ਨੇ ਸ਼ੋਅ ਨੂੰ ਲੈ ਕੇ ਗੱਲਬਾਤ ਕੀਤੀ । ਵਿਦੇਸ਼ ‘ਚ ਹੀ ਦੋਵਾਂ ਨੇ ਆਪੋ ਆਪਣੇ ਫੋਨ ਨੰਬਰ ਇੱਕ ਦੂਜੇ ਨੂੰ ਦਿੱਤੇ । ਜਿਸ ਤੋਂ ਬਾਅਦ ਭਾਰਤ ਪਰਤਣ ‘ਤੇ ਦੋਵੇਂ ਫੋਨ ‘ਤੇ ਇੱਕ ਦੂਜੇ ਦੇ ਨਾਲ ਗੱਲਬਾਤ ਕਰਨ ਲੱਗ ਪਏ ।

ਹੌਲੀ-ਹੌਲੀ ਗੱਲਬਾਤ ਦਾ ਸਿਲਸਿਲਾ ਵੱਧਦਾ ਗਿਆ ਅਤੇ ਦੋਵਾਂ ‘ਚ ਦੋਸਤੀ ਹੋ ਗਈ। ਇਸ ਤੋਂ ਬਾਅਦ ਦੋਵਾਂ ਨੇ ਇੱਕ ਦੂਜੇ ਨੂੰ ਆਪਣਾ ਹਮਸਫ਼ਰ ਬਨਾਉਣ ਦਾ ਫ਼ੈਸਲਾ ਕਰ ਲਿਆ ਅਤੇ ਦੋਵਾਂ ਨੇ ਪਰਿਵਾਰ ਦੀ ਰਜ਼ਾਮੰਦੀ ਦੇ ਨਾਲ ਵਿਆਹ ਕਰਵਾ ਲਿਆ ।ਇਸ ਜੋੜੀ ਦੇ ਹੁਣ ਦੋ ਬੱਚੇ ਹਨ । ਇੱਕ ਧੀ ਹਰਗੁਨਵੀਰ ਕੌਰ ਅਤੇ ਪੁੱਤਰ ਦਾਨਵੀਰ ਸਿੰਘ।

ਪੁੱਤਰ ਦਾਨਵੀਰ ਸਿੰਘ ਤਾਂ ਆਪਣੇ ਮਾਪਿਆਂ ਦੇ ਵਾਂਗ ਗਾਇਕੀ ਦੀਆਂ ਬਾਰੀਕੀਆਂ ਸਿੱਖ ਰਿਹਾ ਹੈ। ਹੁਣ ਤੱਕ ਦਾਨਵੀਰ ਸਿੰਘ ਦੀ ਆਵਾਜ਼ ‘ਚ ਕਈ ਗੀਤ ਵੀ ਰਿਲੀਜ਼ ਹੋ ਚੁੱਕੇ ਹਨ । ਕੁਲਵਿੰਦਰ ਕੈਲੀ ਵੀ ਵਧੀਆ ਗਾਇਕ ਹਨ ਤੇ ਇਸ ਜੋੜੀ ਨੇ ਕਈ ਹਿੱਟ ਗੀਤ ਪੰਜਾਬੀ ਇੰਡਸਟਰੀ ਨੂੰ ਦਿੱਤੇ ਹਨ। 

View this post on Instagram

A post shared by Gurlej Akhtar (@gurlejakhtarmusic)

- GTC PUNJABI