ਗੁਰਮੀਤ ਸਾਜਨ (Gurmeet Sajan) ਪੰਜਾਬੀ ਇੰਡਸਟਰੀ ਦੇ ਮਸ਼ਹੂਰ ਅਦਾਕਾਰਾਂ ਚੋਂ ਇੱਕ ਹਨ। ਉਨ੍ਹਾਂ ਨੇ ਪੰਜਾਬੀ ਇੰਡਸਟਰੀ ਨੂੰ ਕਈ ਹਿੱਟ ਫ਼ਿਲਮਾਂ ਦਿੱਤੀਆਂ ਹਨ । ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਤੇ ਕਰੀਅਰ ਦੇ ਨਾਲ ਜੁੜੀਆਂ ਕੁਝ ਗੱਲਾਂ ਦੱਸਾਂਗੇ।ਗੁਰਮੀਤ ਸਾਜਨ ਪੰਜਾਬੀ ਇੰਡਸਟਰੀ ਦੇ ਮਸ਼ਹੂਰ ਸਿਤਾਰਿਆਂ ਚੋਂ ਇੱਕ ਹਨ ਅਤੇ ਆਪਣੇ ਹਰ ਕਿਰਦਾਰ ਨੂੰ ਉਹ ਜੀਵੰਤ ਬਣਾ ਦਿੰਦੇ ਹਨ।
ਉਨ੍ਹਾਂ ਦਾ ਜਨਮ ਪਿੰਡ ਲੰਡਿਆਂ ਜੋ ਕਿ ਮੋਗਾ ‘ਚ ਆਉਂਦਾ ਹੈ ‘ਚ ਹੋਇਆ ਸੀ ।ਉਨ੍ਹ੍ਹਾਂ ਨੂੰ ਬਚਪਨ ਤੋਂ ਸੰਗੀਤ ਨਾਲ ਲਗਾਅ ਸੀ ਆਪਣੇ ਇਸ ਸ਼ੌਂਕ ਨੂੰ ਪੂਰਾ ਕਰਨ ਦੇ ਲਈ ਉਨ੍ਹਾਂ ਨੇ ਬੜੀ ਮਿਹਨਤ ਕੀਤੀ ।ਪਿਤਾ ਨੇ ਵੀ ਪੁੱਤਰ ਦੇ ਇਸ ਸ਼ੌਕ ਨੂੰ ਪੂਰਾ ਕਰਨ ਦੇ ਲਈ ਹਰ ਕਦਮ ‘ਤੇ ਉਨ੍ਹਾਂ ਦਾ ਸਾਥ ਦਿੱਤਾ ਸੀ ।
ਫਰੀਦਕੋਟ ਦੇ ਸਰਕਾਰੀ ਬਰਜਿੰਦਰਾ ਕਾਲਜ ਤੋਂ ਉਨ੍ਹਾਂ ਨੇ ਆਪਣੀ ਸਿੱਖਿਆ ਹਾਸਲ ਕੀਤੀ ਸੀ। ਉਨ੍ਹਾਂ ਨੇ ਪ੍ਰੋ ਕਿਸ਼ਨਕਾਂਤ ਤੋਂ ਗਾਇਕੀ ਦੀਆਂ ਬਾਰੀਕੀਆਂ ਸਿੱਖੀਆਂ ਸਨ ਅਤੇ ਇਸੇ ਦੌਰਾਨ ਹੀ ਕਾਲਜ ਸਮੇਂ ‘ਚ ਉਨ੍ਹਾਂ ਨੇ ਥੀਏਟਰ ਵੀ ਕਰਨਾ ਸ਼ੁਰੂ ਕਰ ਦਿੱਤਾ ਅਤੇ ਕਈ ਨਾਟਕ ਵੀ ਖੇਡੇ। ਗਾਇਕੀ ਦੇ ਨਾਲ ਜੁੜੇ ਹੋਣ ਦੇ ਕਾਰਨ ਉਨ੍ਹਾਂ ਨੇ ਕਈ ਕੈਸੇਟਾਂ ਵੀ ਕੱਢੀਆਂ ।ਇਸ ਤੋਂ ਇਲਾਵਾ ਉਨ੍ਹਾਂ ਨੂੰ ਕਈ ਨਿੱਜੀ ਚੈਨਲਾਂ ‘ਤੇ ਲੜੀਵਾਰ ਬਨਾਉਣ ਦਾ ਵੀ ਕੰਮ ਕੀਤਾ ।
ਗੁਰਮੀਤ ਸਾਜਨ ਨੇ ਸਿੱਖਿਆ ਕਲਾਸੀਕਲ ਮਿਊਜ਼ਿਕ
ਗੁਰਮੀਤ ਸਾਜਨ ਨੇ ਕਲਾਸੀਕਲ ਮਿਊਜ਼ਿਕ ਸਿੱਖਿਆ ਹੋਇਆ ਹੈ ਅਤੇ ਆਪਣੀ ਕਲਾ ਦਾ ਪ੍ਰਦਰਸ਼ਨ ਉਹ ਅਕਸਰ ਕਰਦੇ ਰਹਿੰਦੇ ਸਨ ਤੇ ਕਈ ਅਖਾੜੇ ਵੀ ਉਨ੍ਹਾਂ ਨੇ ਲਗਾਏ ਸਨ। ਜਿਸ ਦੇ ਉਨ੍ਹਾਂ ਨੇ ਕਈ ਵੀਡੀਓ ਵੀ ਸਾਂਝੇ ਕੀਤੇ ਹਨ।ਜਿਸ ‘ਚ ਉਹ ਆਪਣੀ ਗਾਇਕੀ ਦੇ ਹੁਨਰ ਨੂੰ ਵਿਖਾਉਂਦੇ ਹੋਏ ਨਜ਼ਰ ਆ ਰਹੇ ਹਨ।
ਕੁਝ ਸਮਾਂ ਅਦਾਕਾਰੀ ਤੋਂ ਕੀਤਾ ਕਿਨਾਰਾ
ਉਨ੍ਹਾਂ ਨੇ ਕਈ ਕਲਾਕਾਰਾਂ ਦੇ ਨਾਲ ਕੰਮ ਕੀਤਾ । ਪਰ ਅਦਾਕਾਰੀ ‘ਚ ਕੁਝ ਜ਼ਿਆਦਾ ਵਧੀਆ ਕੰਮ ਨਾ ਮਿਲਣ ਕਾਰਨ ਉਨ੍ਹਾਂ ਨੇ ਅਦਾਕਾਰੀ ਦੇ ਖੇਤਰ ਤੋਂ ਕੁਝ ਸਮਾਂ ਦੂਰੀ ਬਣਾ ਲਈ ਸੀ । ਜਿਸ ਤੋਂ ਬਾਅਦ ਉਹ ‘ਅੰਗਰੇਜ਼’ ਫ਼ਿਲਮ ਦੇ ਨਾਲ ਉਨ੍ਹਾਂ ਨੇ ਵਾਪਸੀ ਕੀਤੀ । ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਪਿੱਛੇ ਮੁੜ ਕੇ ਨਹੀਂ ਵੇਖਿਆ ਅਤੇ ਹੁਣ ਉਹ ਹਰ ਦੂਜੀ ਫ਼ਿਲਮ ‘ਚ ਨਜ਼ਰ ਆ ਰਹੇ ਹਨ।
- GTC PUNJABI
Add GTC Punjabi on Google
