ਮਾਨਸੂਨ ਦੇ ਸੀਜ਼ਨ ‘ਚ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ, ਨਹੀਂ ਤਾਂ ਹੋ ਸਕਦਾ ਹੈ ਸਿਹਤ ਨੂੰ ਨੁਕਸਾਨ

ਮਾਨਸੂਨ ਦਾ ਸੀਜ਼ਨ ਸ਼ੁਰੂ ਹੋ ਚੁੱਕਿਆ ਹੈ। ਅਜਿਹੇ ‘ਚ ਕਈ ਤਰ੍ਹਾਂ ਦੀਆਂ ਬੀਮਾਰੀਆਂ ਵੀ ਪੈਦਾ ਹੋ ਜਾਂਦੀਆਂ ਹਨ । ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਮਾਨਸੂਨ ਦੇ ਸੀਜ਼ਨ ‘ਚ ਕਿਨ੍ਹਾਂ ਗੱਲਾਂ ਦਾ ਧਿਆਨ ਤੁਸੀਂ ਰੱਖ ਕੇ ਖੁਦ ਨੂੰ ਤੰਦਰੁਸਤ ਰੱਖ ਸਕਦੇ ਹੋ। 

ਕੱਟੇ ਹੋਏ ਫ਼ਲ ਤੇ ਸਬਜ਼ੀਆਂ 

ਅਕਸਰ ਮਾਨਸੂਨ ਦੇ ਸੀਜ਼ਨ ‘ਚ ਮੌਸਮੀ ਫਲਾਂ ਦਾ ਅਨੰਦ ਲੈਂਦੇ ਹਾਂ ਅਤੇ ਫ਼ਲ ਹਰ ਕਿਸੇ ਨੂੰ ਪਸੰਦ ਹੁੰਦੇ ਹਨ। ਪਰ ਕਈ ਵਾਰ ਇਹ ਮੌਸਮੀ ਫਲ ਅਸੀਂ ਥੋੜ੍ਹਾ ਜਿਹਾ ਖਾਣ ਤੋਂ ਬਾਅਦ ਬਚਦਾ ਹੋਈ ਫਰਿੱਜ ‘ਚ ਰੱਖ ਦਿੰਦੇ ਹਾਂ।ਜਿਸ ਕਾਰਨ ਉਹ ਫਲ ਖ਼ਰਾਬ ਤਾਂ ਹੋ ਹੀ ਜਾਂਦਾ ਹੈ, ਪਰ ਉਸ ਨੂੰ ਖਾਣ ਦੇ ਨਾਲ ਤੁਹਾਡੀ ਸਿਹਤ ‘ਤੇ ਵੀ ਅਸਰ ਪੈ ਸਕਦਾ ਹੈ। ਇਸ ਦੇ ਨਾਲ ਹੀ ਹਰੀਆਂ ਤੇ ਪੱਤੇਦਾਰ ਸਬਜ਼ੀਆਂ ਦੇ ਇਸਤੇਮਾਲ ਕਰਨ ਤੋਂ ਪਹਿਲਾਂ ਵੀ ਉਨ੍ਹਾਂ ਨੂੰ ਚੰਗੀ ਤਰ੍ਹਾਂ ਧੋ ਲਓ। ਕਿਉਂਕਿ ਸਾਉਣ ਦੇ ਮਹੀਨੇ ‘ਚ ਕੀੜਿਆਂ ਦੀ ਸੰਭਾਵਨਾ ਜ਼ਿਆਦਾ ਵਧ ਜਾਂਦੀ ਹੈ।

ਸਟ੍ਰੀਟ ਫੂਡ ਖਾਣ ਦੇ ਸ਼ੁਕੀਨ ਸਾਵਧਾਨ 

ਬਰਸਾਤੀ ਮੌਸਮ ‘ਚ ਅਕਸਰ ਅਸੀਂ ਕੁਝ ਚਟਪਟਾ, ਗਰਮਾ ਗਰਮ ਖਾਣ ਲਈ ਕਈ ਵਾਰ ਸਟ੍ਰੀਟ ਫੂਡ ਖਾ ਲੈਂਦੇ ਹਾਂ। ਪਰ ਕਈ ਵਾਰ ਸਟ੍ਰੀਟ ਫੂਡ ਤਿਆਰ ਕਰਨ ਵਾਲੇ ਖਾਣ ਵਾਲੀ ਸਮੱਗਰੀ ਨੂੰ ਸਾਫ਼ ਸੁਥਰੇ ਤਰੀਕੇ ਨਾਲ ਤਿਆਰ ਨਹੀਂ ਕਰਦੇ । ਜਿਸ ਕਾਰਨ ਮੱਖੀਆਂ, ਮੱਛਰ ਖਾਣੇ ਤੇ ਭਿਣਕਦੇ ਰਹਿੰਦੇ ਹਨ । ਜਿਸ ਕਾਰਨ ਸਾਨੂੰ ਉਲਟੀ ਤੇ ਦਸਤ ਵਰਗੀ ਦਿੱਕਤ ਹੋ ਸਕਦੀ ਹੈ। ਇਸ ਲਈ ਸਟ੍ਰੀਟ ਫੂਡ ਖਾਣ ਤੋਂ ਬਚਣਾ ਚਾਹੀਦਾ ਹੈ।