ਪੁੱਤ ਸਿੱਧੂ ਮੂਸੇਵਾਲਾ ਦੀ ਪੇਂਟਿੰਗ ਨੂੰ ਵੇਖ ਕੇ ਭਾਵੁਕ ਹੋਈ ਮਾਂ ਚਰਨ ਕੌਰ, ਵੀਡੀਓ ਹੋ ਰਿਹਾ ਵਾਇਰਲ

ਸਿੱਧੂ ਮੂਸੇਵਾਲਾ (Sidhu Moose wala) ਦੀ ਮਾਂ ਅਕਸਰ ਆਪਣੇ ਪੁੱਤਰ ਨੂੰ ਯਾਦ ਕਰਕੇ ਭਾਵੁਕ ਹੋ ਜਾਂਦੀ ਹੈ। ਸਿੱਧੂ ਮੂਸੇਵਾਲਾ ਦਾ ਇੱਕ ਫੈਨ ਉਸ ਦੀ ਪੇਂਟਿੰਗ ਬਣਾ ਕੇ ਮਾਤਾ ਚਰਨ ਕੌਰ ਕੋਲ ਪਹੁੰਚਿਆ । ਜਿਸ ਨੂੰ ਵੇਖ ਕੇ ਮਾਤਾ ਚਰਨ ਕੌਰ ਭਾਵੁਕ ਹੋ ਗਏ। ਇਸ ਤੋਂ ਬਾਅਦ ਉਸ ਨੇ ਛੋਟੇ ਸਿੱਧੂ ਮੂਸੇਵਾਲਾ ਦੀ ਤਸਵੀਰ ਵੀ ਬਣਾਈ । ਇਸ ਵੀਡੀਓ ‘ਚ ਤੁਸੀਂ ਵੇਖ ਸਕਦੇ ਹੋ ਕਿ ਸਿੱਧੂ ਮੂਸੇਵਾਲਾ ਦੀ ਮਾਂ ਉਸ ਨੂੰ ਕਿੰਨਾ ਪਿਆਰ ਕਰਦੇ ਸਨ ।

ਭਰ ਜਵਾਨੀ ‘ਚ ਆਪਣੇ ਪੁੱਤਰ ਦੀ ਮੌਤ ਨੂੰ ਮਾਂ ਹਾਲੇ ਵੀ ਭੁਲਾ ਨਹੀਂ ਸਕੀ ਹੈ। ਹਾਲਾਂਕਿ ਪੋਤਰੇ ਪੋਤਰੀਆਂ ਖਿਡਾਉਣ ਦੀ ਉਮਰ ‘ਚ ਮਾਂ ਨੇ ਫਿਰ ਤੋਂ ਛੋਟੇ ਸ਼ੁਭ ਨੂੰ ਜਨਮ ਦਿੱਤਾ ਤਾਂ ਕਿ ਹਵੇਲੀ ਨੂੰ ਉਸ ਦਾ ਵਾਰਿਸ ਮਿਲ ਸਕੇ । ਕਿਉਂਕਿ ਸਿੱਧੂ ਮੂਸੇਵਾਲਾ ਉਸ ਦਾ ਇੱਕਲੌਤਾ ਪੁੱਤਰ ਸੀ । 

View this post on Instagram

A post shared by 𝕽𝖆𝖍𝖚𝖑 ßehaℓ (@rahii_art)

ਸਿੱਧੂ ਮੂਸੇਵਾਲਾ ਦਾ ਹੋਇਆ ਸੀ ਕਤਲ

ਸਿੱਧੂ ਮੂਸੇਵਾਲਾ ਦਾ ਕੁਝ ਸਮਾਂ ਪਹਿਲਾਂ ਕਤਲ ਕਰ ਦਿੱਤਾ ਸੀ । ਪਿੰਡ ਜਵਾਹਰਕੇ ਦੇ ਕੋਲ ਸਿੱਧੂ ਮੂਸੇਵਾਲਾ ਜਦੋਂ ਆਪਣੀ ਬਿਮਾਰ ਮਾਸੀ ਦਾ ਹਾਲ ਚਾਲ ਜਾਨਣ ਦੇ ਲਈ ਆਪਣੀ ਥਾਰ ‘ਚ ਸਵਾਰ ਹੋ ਕੇ ਜਾ ਰਿਹਾ ਸੀ ਤਾਂ ਸਿੱਧੂ ਮੂਸੇਵਾਲਾ ਦਾ ਪਿੱਛਾ ਕਰ ਰਹੇ ਬਦਮਾਸ਼ਾਂ ਨੇ ਪਿੰਡ ਜਵਾਹਰਕੇ ਦੇ ਕੋਲ ਚਾਰੇ ਪਾਸਿਓਂ ਘੇਰ ਕੇ ਸਿੱਧੂ ਮੂਸੇਵਾਲਾ ਦਾ ਕਤਲ ਕਰ ਦਿੱਤਾ ਸੀ । 

ਦੇਸ਼ ਦੁਨੀਆ ‘ਚ ਕਮਾਇਆ ਨਾਮ 

ਸਿੱਧੂ ਮੂਸੇਵਾਲਾ ਦੀ ਜ਼ਿੰਦਗੀ ਬੇਸ਼ੱਕ ਬਹੁਤ ਛੋਟੀ ਸੀ, ਪਰ ਉਸ ਨੇ ਆਪਣੇ ਗੀਤਾਂ ਦੇ ਜ਼ਰੀਏ ਪੂਰੀ ਦੁਨੀਆ ‘ਚ ਨਾਮਣਾ ਖੱਟਿਆ ਸੀ ।ਛੋਟੇ ਜਿਹੇ ਕਰੀਅਰ ‘ਚ ਉਸ ਨੇ ਜੋ ਜਗ੍ਹਾ ਸਰੋਤਿਆਂ ਦੇ ਦਿਲਾਂ ‘ਚ ਬਣਾਈ ਸੀ, ਉਹ ਜਗ੍ਹਾ ਬਨਾਉਣ ਦੇ ਲਈ ਕਈ ਵਾਰ ਲੋਕਾਂ ਨੂੰ ਸਾਰੀ ਉਮਰ ਲੱਗ ਜਾਂਦੀ ਹੈ।  

- GTC PUNJABI