ਪੰਜਾਬ ਕਾਂਗਰਸ ਦੇ ਉੱਘੇ ਆਗੂ ਦੇ ਪੁੱਤਰ ਦੀ ਫ਼ਿਲਮਾਂ ‘ਚ ਐਂਟਰੀ, ਜਾਣੋ ਕਿਸ ਫ਼ਿਲਮ ‘ਚ ਆਉਣਗੇ ਨਜ਼ਰ

ਪੰਜਾਬ ਕਾਂਗਰਸ ਦੇ ਉੱਘੇ ਕਾਂਗਰਸੀ ਆਗੂ ਪ੍ਰਤਾਪ ਸਿੰਘ ਬਾਜਵਾ ਦੇ ਪੁੱਤਰ ਵਿਕਰਮ  ਬਾਜਵਾ (Vikram Bajwa)ਪੰਜਾਬੀ ਸਿਨੇਮਾ ‘ਚ ਐਂਟਰੀ ਕਰ ਰਹੇ ਹਨ ।ਉਹ ਆਪਣੀ ਪਹਿਲੀ ਫ਼ਿਲਮ ‘ਸੰਨੀ ਦੀ ਬੰਨੀ’ ਦੇ ਨਾਲ ਫ਼ਿਲਮਾਂ ‘ਚ ਐਂਟਰੀ ਕਰਨ ਜਾ ਰਹੇ ਹਨ।ਇਨ੍ਹੀਂ ਦਿਨੀਂ ਇਸ ਫ਼ਿਲਮ ਦੀ ਸ਼ੂਟਿੰਗ ਜ਼ੋਰਾਂ ਸ਼ੋਰਾਂ ਦੇ ਨਾਲ ਚੱਲ ਰਹੀ ਹੈ।   

ਰੋਮਾਂਸ ਤੇ ਕਾਮੇਡੀ ਦਾ ਤੜਕਾ

ਫ਼ਿਲਮ ‘ਚ ਰੋਮਾਂਸ ਤੇ ਕਾਮੇਡੀ ਦਾ ਤੜਕਾ ਵੇਖਣ ਨੂੰ ਮਿਲੇਗਾ । ਇਸ ਫ਼ਿਲਮ ਦਾ ਨਿਰਦੇਸ਼ਨ ਉੱਘੇ ਡਾਇਰੈਕਟਰ ਸਮੀਪ ਕੰਗ ਕਰ ਰਹੇ ਹਨ । ਜੋ ਕਿ ਇੰਡਸਟਰੀ ਲਈ ਹਿੱਟ ਫ਼ਿਲਮਾਂ ਦਾ ਨਿਰਦੇਸ਼ਨ ਕਰ ਚੁੱਕੇ ਹਨ ।ਇਹ ਫ਼ਿਲਮ 2026 ‘ਚ ਰਿਲੀਜ਼ ਹੋਵੇਗੀ ਤੇ ਇਸ ‘ਚ ਮੁੱਖ ਭੂਮਿਕਾ ‘ਚ ਵਿਕਰਮ ਪ੍ਰਤਾਪ ਬਾਜਵਾ ਅਤੇ ਅਦਾਕਾਰਾ ਮਾਹੀ ਸ਼ਰਮਾ ਨਜ਼ਰ ਆਉਣਗੇ ।

ਪ੍ਰਤਾਪ ਸਿੰਘ ਬਾਜਵਾ ਦੇ ਪੁੱਤ ਹਨ ਵਿਕਰਮ ਬਾਜਵਾ 

ਵਿਕਰਮ ਸਿੰਘ ਬਾਜਵਾ ਪੰਜਾਬ ਕਾਂਗਰਸ ਦੇ ਉੱਘੇ ਆਗੂ ਪ੍ਰਤਾਪ ਸਿੰਘ ਬਾਜਵਾ ਦੇ ਪੁੱਤਰ ਹਨ । ਪਰ ਵਿਕਰਮ ਬਾਜਵਾ ਨੇ ਪਿਤਾ ਪੁਰਖੀ ਰਾਜਨੀਤੀ ਦਾ ਪੱਲਾ ਛੱਡ ਕੇ ਕਲਾਕਾਰੀ ਦਾ ਰਸਤਾ ਅਪਣਾਇਆ ਹੈ ਅਤੇ ਜਲਦ ਹੀ ਉਹ ਆਪਣੀ ਇਸ ਫ਼ਿਲਮ ਦੇ ਨਾਲ ਦਰਸ਼ਕਾਂ ‘ਚ ਹਾਜ਼ਰ ਹੋਣਗੇ ।ਫ਼ਿਲਮ ਨੂੰ ਲੈ ਕੇ ਜਿੱਥੇ ਵਿਕਰਮ ਬਾਜਵਾ ਖੁਦ ਐਕਸਾਈਟਡ ਹਨ, ਉੱਥੇ ਹੀ ਦਰਸ਼ਕ ਵੀ ਇੱਕ ਸਿਆਸਤਦਾਨ ਦੇ ਪੁੱਤਰ ਨੂੰ ਸਕਰੀਨ ਤੇ ਵੇਖਣ ਦੇ ਲਈ ਕਾਹਲੇ ਹਨ। ਵਿਕਰਮ ਬਾਜਵਾ ਦਾ ਕਹਿਣਾ ਹੈ ਕਿ ਅਦਾਕਾਰੀ ‘ਚ ਉਨ੍ਹਾਂ ਨੂੰ ਬਚਪਨ ਤੋਂ ਹੀ ਬੜੀ ਦਿਲਚਸਪੀ ਸੀ ਇਹੀ ਕਾਰਨ ਹੈ ਕਿ ਉਨ੍ਹਾਂ ਨੇ ਰਾਜਨੀਤੀ ਦੀ ਬਜਾਏ ਅਦਾਕਾਰੀ ਦਾ ਖੇਤਰ ਕਰੀਅਰ ਦੇ ਲਈ ਚੁਣਿਆ ਹੈ। 

- GTC PUNJABI