ਜਸਵਿੰਦਰ ਭੱਲਾ ਦੇ ਸਨਮਾਨ ਕਰਵਾਇਆ ਜਾਵੇਗਾ ਪਹਿਲਾ ਕਾਮੇਡੀ ਅਵਾਰਡ ਸ਼ੋਅ,ਜੀਟੀਸੀ ਵੱਲੋਂ ਹੋਵੇਗਾ ਆਯੋਜਨ

ਚਾਰ ਮਈ ਨੂੰ ਜਸਵਿੰਦਰ ਭੱਲਾ ਦਾ ਜਨਮ ਦਿਨ ਹੈ। ਇਸ ਮੌਕੇ ‘ਤੇ ਮੁਹਾਲੀ ‘ਚ ਇੱਕ ਪੋ੍ਰੋਗਰਾਮ ਰੱਖਿਆ ਜਾ ਰਿਹਾ ਹੈ। ਜਿਸ ‘ਚ ਜਸਵਿੰਦਰ ਭੱਲਾ ਦੀ ਯਾਦ ‘ਚ ਪਹਿਲਾ ਕਾਮੇਡੀ ਅਵਾਰਡ ਸ਼ੋਅ ਕਰਵਾਇਆ ਜਾ ਰਿਹਾ ਹੈ। ਜਿਸ ਦਾ ਆਯੋਜਨ ਜੀਟੀਸੀ ਦੇ ਵੱਲੋਂ ਕਰਵਾਇਆ ਜਾਵੇਗਾ। ਇਸ ਅਵਾਰਡ ਸ਼ੋਅ ‘ਚ ਹਰ ਉਮਰ ਵਰਗ ਦੇ ਬੱਚੇ ਭਾਗ ਲੈ ਸਕਣਗੇ ।ਜਿਸ ‘ਚ ਮੇਲ ਤੇ ਫੀਮੇਲ ਦੋਨੋਂ ਸ਼ਾਮਿਲ ਹੋ ਸਕਦੇ ਹਨ ਜਿਸ ‘ਚ ਵੱਖ-ਵੱਖ ਕੈਟਾਗਿਰੀ ਦੇ ਤਹਿਤ ਸਨਮਾਨਿਤ ਕੀਤਾ ਜਾਵੇਗਾ। ਇਸ ਦੀ ਜਾਣਕਾਰੀ ਜਸਵਿੰਦਰ ਭੱਲਾ ਦੇ ਦੋਸਤ ਬਾਲ ਮੁਕੰਦ ਸ਼ਰਮਾ ਨੇ ਦਿੱਤੀ ਹੈ। ਇਸ ਮੌਕੇ ‘ਤੇ ਉਨ੍ਹਾਂ ਨੇ ਬੱਚਿਆਂ ਨੂੰ ਸਾਰਥਕ ਤੇ ਵਿਅੰਗਆਤਮਕ ਕਾਮੇਡੀ ਕਰਨ ਦੀ ਨਸੀਹਤ ਵੀ ਦਿੱਤੀ ਹੈ।

ਜਸਵਿੰਦਰ ਭੱਲਾ ਦਾ ਵਰਕ ਫ੍ਰੰਟ 

ਜਸਵਿੰਦਰ ਭੱਲਾ ਦਾ ਬੀਤੇ ਸਾਲ ਦਿਹਾਂਤ ਹੋ ਗਿਆ ਸੀ । ਜਸਵਿੰਦਰ ਭੱਲਾ ਨੇ ਆਪਣੇ ਕਰੀਅਰ ਦੇ ਦੌਰਾਨ ਕਈ ਹਿੱਟ ਫ਼ਿਲਮਾਂ ‘ਚ ਕੰਮ ਕੀਤਾ ਅਤੇ ਕਾਮੇਡੀ ਦੇ ਨਾਲ ਦਰਸ਼ਕਾਂ ਦੇ ਢਿੱਡੀਂ ਪੀੜਾਂ ਪਾਈਆਂ ਸਨ । ਉਹਨਾਂ ਦੀ ਬਾਕਮਾਲ ਕਾਮੇਡੀ ਤੇ ਅਦਾਕਾਰੀ ਦਾ ਹਰ ਕੋਈ ਕਾਇਲ ਸੀ । ਉਨ੍ਹਾਂ ਦੇ ਵੱਲੋਂ ਲਾਏ ਗਏ ਅਦਾਕਾਰੀ ਦੇ ਬੂਟੇ ਨੂੰ ਉਨ੍ਹਾਂ ਦਾ ਪੁੱਤਰ ਪੁਖਰਾਜ ਭੱਲਾ ਅੱਗੇ ਵਧਾ ਰਹੇ ਹਨ।ਜਸਵਿੰਦਰ ਭੱਲਾ ਨੇ ਛਣਕਾਟੇ ਦੇ ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ ਅਤੇ ਨੱਬੇ ਦੇ ਦਹਾਕੇ ‘ਚ ਇਹ ਏਨਾਂ ਕੁ ਮਸ਼ਹੂਰ ਹੋਇਆ ਸੀ ਕਿ ਇਸ ਤੋਂ ਬਾਅਦ ਹਰ ਸਾਲ ਜਸਵਿੰਦਰ ਭੱਲਾ ਨੇ ‘ਛਣਕਾਟਾ’ ਕੱਢਣਾ ਸ਼ੁਰੂ ਕਰ ਦਿੱਤਾ ਸੀ।