ਮਨੋਰੰਜਨ ਜਗਤ ਤੋਂ ਹੈਰਾਨ ਕਰਨ ਵਾਲੀ ਖ਼ਬਰ, ਮਸ਼ਹੂਰ ਅਦਾਕਾਰਾ ਹੈ ਬਾਈਸੈਕਸ਼ੂਅਲ

ਮਨੋਰੰਜਨ ਜਗਤ ਤੋਂ ਹੈਰਾਨ ਕਰ ਦੇਣ ਵਾਲੀ ਖ਼ਬਰ ਸਾਹਮਣੇ ਆ ਰਹੀ ਹੈ। ਉਹ ਇਹ ਕਿ ‘ਲਾਕ ਅੱਪ ਸ਼ੋਅ ਸੀਜ਼ਨ-2’ ‘ਚ ਭਾਗ ਲੈ ਰਹੀ ਅਕਾਂਕਸ਼ਾ ਚਮੋਲਾ ਨੇ ਦਾਅਵਾ ਕੀਤਾ ਸੀ ਕਿ ਉਹ ਜਲਦ ਹੀ ਆਪਣੇ ਪਤੀ ਤੋਂ ਤਲਾਕ ਲੈ ਰਹੀ ਹੈ।ਜਿਸ ਤੋਂ ਬਾਅਦ ਮੀਡੀਆ ‘ਚ ਦੋਵਾਂ ਦੇ ਰਿਸ਼ਤੇ ਨੂੰ ਲੈ ਕੇ ਕਾਫੀ ਖ਼ਬਰਾਂ ਸਾਹਮਣੇ ਆਈਆਂ ਸਨ। ਪਰ ਹੁਣ ਅਕਾਂਕਸ਼ਾ ਬਾਰੇ ਇੱਕ ਹੋਰ ਖੁਲਾਸਾ ਹੋਇਆ ਹੈ।

ਹਾਲ ਦੀ ਦੇ ਪ੍ਰਸਾਰਿਤ ਹੋਏ ਐਪੀਸੋਡ ‘ਚ ਸ਼ੋਅ ਦੀ ਕੰਟੈਸਟੈਂਟ ਅਤੇ ਇਨਫਲੂਐਂਸਰ ਸ਼੍ਰੇਆ ਕਾਲਰਾ ਨੇ ਦਾਅਵਾ ਕੀਤਾ ਹੈ ਕਿ ਅਕਾਂਕਸ਼ਾ ਬਾਈਸੈਕਸ਼ੂਅਲ ਹੈ।ਇਸ ਗੱਲ ਦਾ ਖੁਲਾਸਾ ਉਸ ਨੇ ਉਸ ਵੇਲੇ ਕੀਤਾ ਜਦੋਂ  ਅਕਾਂਕਸ਼ਾ ਨੇ ਸ਼੍ਰੇਆ ਕਾਲਰਾ ਖਿਲਾਫ ‘ਚਾਰਜਸ਼ੀਟ’ ਦਾਇਰ ਕੀਤੀ। ਜਿਸ ਤੋਂ ਨਾਰਾਜ਼ ਸ਼੍ਰੇਆ ਨੇ ਅਕਾਂਕਸ਼ਾ ਤੋਂ ਬਦਲਾ ਲੈਣ ਦੀ ਸੋਚੀ।ਸ਼੍ਰੇਆ ਨੇ ਸ਼ੋਅ ‘ਚ ਸ਼ਾਮਿਲ ਇੱਕ ਹੋਰ ਪ੍ਰਤੀਭਾਗੀ ਦੇ ਨਾਲ ਗੱਲਬਾਤ ਕਰਦਿਆਂ ਕਿਹਾ ‘ਜੇ ਮੈਂ ਇਹ ਰਾਜ਼ ਖੋਲ੍ਹ ਦੇਵਾਂਗੀ ਤਾਂ ਭੈੜੀ ਇਨਸਾਨ ਬਣ ਜਾਵਾਂਗੀ।

ਜਿਸ ‘ਤੇ ਦੂਜੀ ਪ੍ਰਤੀਭਾਗੀ ਨੇ ਜਵਾਬ ਦਿੱਤਾ ਕਿ ਇਹ ਤਾਂ ਮਹਿਜ਼ ਇੱਕ ਗੇਮ ਹੈ। ਇਸ ਤੋਂ ਬਾਅਦ ਸ਼੍ਰੇਆ ਨੇ ਦਾਵਾ ਕੀਤਾ ਕਿ ‘ਅਕਾਂਕਸ਼ਾ ਬਾਈਸੈਕਸ਼ੂਅਲ ਹੈ’। ਸੋਸ਼ਲ ਮੀਡੀਆ ਤੇ ਸ਼੍ਰੇਆ ਦਾ ਇਹ ਵੀਡੀਓ ਤੇਜ਼ੀ ਦੇ ਨਾਲ ਵਾਇਰਲ ਹੋ ਰਿਹਾ ਹੈ। ਦੱਸ ਦਈਏ ਕਿ ਬੀਤੇ ਦਿਨੀਂ ਹੀ ਗੌਰਵ ਖੰਨਾ ਦੇ ਨਾਲ ਅਕਾਂਕਸ਼ਾ ਨੇ ਵੱਖ ਹੋਣ ਦਾ ਫੈਸਲਾ ਲਿਆ ਹੈ।