ਗਾਇਕ ਜਸਬੀਰ ਜੱਸੀ ਨੇ ਦਵਿੰਦਰ ਖੰਨੇ ਵਾਲਾ ਦੇ ਨਾਲ ਤਸਵੀਰਾਂ ਸ਼ੇਅਰ ਕਰਕੇ ਪੁਰਾਣਾ ਕਿੱਸਾ ਕੀਤਾ ਸਾਂਝਾ

ਗਾਇਕ ਦਵਿੰਦਰ ਖੰਨੇ ਵਾਲਾ ਦੇ ਨਾਲ ਜਸਬੀਰ ਜੱਸੀ ਨੇ ਦੋ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ ਨੂੰ ਸਾਂਝਾ ਕਰਦੇ ਹੋਏ ਗਾਇਕ ਨੇ ਲਿਖਿਆ ‘ਦਵਿੰਦਰ ਭਾਜੀ ਨੂੰ ਮੈਂ ੧੯੯੨ ‘ਚ ਮਿਲਿਆ ਸੀ । ਭਾਜੀ ਨੇ ਮੇਰੇ ਚੰਨਾ ਵੇ ਤੇਰੀ ਚਾਨਣੀ ਗੀਤ ਵਿੱਚ ਮੇਰਾ ਸਟਾਰਟ ਵਾਲਾ ਸਿਹਰ ਠੀਕ ਕਰਕੇ ਦਿੱਤੀ ਤੇ ਕਈ ਹੋਰ ਗਾਣੇ ਵੀ ਦਿੱਤੇ । ਜਿਸ ‘ਚ ਛੱਡ ਗਏ ਨੇ ਸਿਹਰ ਬਲਬੀਰ ਬੀਰਾ ਨੇ ਰਿਕਾਰਡ ਕਰਿਆ ਸੀ।

ਇਸ ਤੋਂ ਬਾਦ ਕੋਕਾ ਦਿੱਤਾ ਅਤੇ ਭਾਜੀ ਮੈਨੂੰ ਕਦੇ ਕਦਾਈਂ ਲੋੜ ਪੈਣ ‘ਤੇ ਕਿਰਾਇਆ ਵੀ ਦੇ ਦਿੰਦੇ। ਅੱਜ ‘ਅਖਾੜਾ’ ਫ਼ਿਲਮ ਵਿੱਚ ਵੀ ਨਾਲ ਖੜ੍ਹ ਗਏ ਆ ਕੇ । ਥੈਂਕ ਯੂ ਭਾਜੀ ਏਨੀਂ ਸਪੋਟ ਦੇਣ ਦੇ ਲਈ”। ਦੱਸ ਦਈਏ ਕਿ ਦਵਿੰਦਰ ਖੰਨੇ ਵਾਲਾ ਇੰਡਸਟਰੀ ਦੇ ਮਸ਼ਹੂਰ ਗੀਤਕਾਰਾਂ ਚੋਂ ਇੱਕ ਹਨ । ਉਨ੍ਹਾਂ ਦੇ ਲਿਖੇ ਗੀਤ ਕਈ ਵੱਡੇ ਗਾਇਕਾਂ ਨੇ ਗਾਏ ਹਨ। ਬੀਤੇ ਦਿਨੀਂ ਉਨ੍ਹਾਂ ਦੇ ਨਾਲ ਹਰਭਜਨ ਮਾਨ ਨੇ ਵੀ ਇੱਕ ਵੀਡੀਓ ਸਾਂਝਾ ਕੀਤਾ ਸੀ ਅਤੇ ਜਲਦ ਹੀ ਕੋਈ ਨਵਾਂ ਗੀਤ ਗਾਉਣ ਦਾ ਵੀ ਐਲਾਨ ਕੀਤਾ ਸੀ।

 

ਜਸਬੀਰ ਜੱਸੀ ਦਾ ਵਰਕ ਫ੍ਰੰਟ 

ਜਸਬੀਰ ਜੱਸੀ ਦੇ ਵਰਕ ਫ੍ਰੰਟ ਦੀ ਗੱਲ ਕਰੀਏ ਤਾਂ ਉਹ ਪਿਛਲੇ ਕਈ ਸਾਲਾਂ ਤੋਂ ਪੰਜਾਬੀ ਇੰਡਸਟਰੀ ‘ਚ ਸਰਗਰਮ ਹਨ ਅਤੇ ਇੱਕ ਤੋਂ ਬਾਅਦ ਇੱਕ ਹਿੱਟ ਗੀਤਾਂ ਦੇ ਨਾਲ ਸਰੋਤਿਆਂ ਦਾ ਮਨੋਰੰਜਨ ਕਰਦੇ ਆ ਰਹੇ ਹਨ। ਉਨ੍ਹਾਂ ਦੇ ਹਿੱਟ ਗੀਤਾਂ ਦੀ ਲਿਸਟ ਕਾਫੀ ਲੰਮੀ ਹੈ। ਪਰ ਇੱਥੇ ਉਨ੍ਹਾਂ ਦੇ ਕੁਝ ਕੁ ਗੀਤਾਂ ਦਾ ਜ਼ਿਕਰ ਕਰਾਂਗੇ ਜਿਸ ‘ਚ ਦਿਲ ਲੈ ਗਈ ਕੁੜੀ ਗੁਜਰਾਤ ਦੀ, ਕੁੜੀ ਜ਼ਹਿਰ ਦੀ ਪੁੜੀ, ਚੰਨੋ ਦਾ ਜਵਾਨੀ ਵਿੱਚ ਪੈਰ ਪੈ ਗਿਆ ਸਣੇ ਕਈ ਗੀਤ ਉਨ੍ਹਾਂ ਦੇ ਹਿੱਟ ਗੀਤਾਂ ਦੀ ਲਿਸਟ ‘ਚ ਸ਼ਾਮਿਲ ਹਨ।