ਸੁਰਾਂ ਦੀ ਮਲਿਕਾ ਦਾ ਦਰਦਨਾਕ ਸਫ਼ਰ: ਜਦੋਂ ਧੀ ਦੀ ਖੁਦਕੁਸ਼ੀ ਨੇ ਤੋੜ ਦਿੱਤਾ ਸੀ ਆਸ਼ਾ ਭੋਂਸਲੇ ਦਾ ਦਿਲ

 ਮਸ਼ਹੂਰ ਗਾਇਕਾ ਆਸ਼ਾ ਭੋਸਲੇ ਦੀ ਜ਼ਿੰਦਗੀ ਕਾਫੀ ਉਤਰਾਅ-ਚੜ੍ਹਾਅ ਵਾਲੀ ਰਹੀ ਹੈ । 20 ਭਾਸ਼ਾਵਾਂ ਵਿੱਚ 12,000 ਤੋਂ ਵੱਧ ਗੀਤ ਗਾਉਣ ਵਾਲੀ ਆਸ਼ਾ ਭੋਸਲੇ ਉਹ ਪਹਿਲੀ ਭਾਰਤੀ ਗਾਇਕਾ ਸੀ ਜਿਸਨੂੰ ਗ੍ਰੈਮੀ ਪੁਰਸਕਾਰ ਲਈ ਨਾਮੀਨੇਟ ਕੀਤਾ ਗਿਆ । ਇਹਨਾਂ ਉਪਲੱਬਧੀਆਂ ਦੇ ਬਾਵਜੂਦ ਆਸ਼ਾ ਨੂੰ ਕਈ ਦੁੱਖ ਤਕਲੀਫਾ ਦਾ ਸਾਹਮਣਾ ਕਰਨਾ ਪਿਆ । ਸਭ ਤੋਂ ਵੱਡਾ ਝਟਕਾ ਆਸ਼ਾ ਭੋਸਲੇ ਨੂੰ ਉਦੋਂ ਲੱਗਾ ਜਦੋਂ ਉਹਨਾਂ ਦੀ ਧੀ ਵਰਸ਼ਾ ਨੇ ਖੁਦ ਨੂੰ ਗੋਲੀ ਮਾਰ ਕੇ ਖੁਦਕੁਸ਼ੀ ਕਰ ਲਈ ।

ਜਿਸ ਸਮੇਂ ਵਰਸ਼ਾ ਨੇ ਖੁਦਕੁਸ਼ੀ ਵਰਗਾ ਕਦਮ ਉਠਾਇਆ ਉਸ ਸਮੇਂ ਆਸ਼ਾ ਆਪਣੇ ਘਰ ਵਿੱਚ ਮੌਜੂਦ ਨਹੀਂ ਸੀ ਉਹ ਕਿਸੇ ਅਵਾਰਡ ਸਮਰੋਹ ਵਿੱਚ ਗਈ ਹੋਈ ਸੀ । ਵਰਸ਼ਾ ਨੇ ਖੁਦਕੁਸ਼ੀ ਵਰਗਾ ਕਦਮ ਕਿਉਂ ਤੇ ਕਿਨ੍ਹਾਂ ਹਲਾਤਾਂ ਵਿੱਚ ਚੁੱਕਿਆ ਇਸ ਦਾ ਅੱਜ ਤੱਕ ਖੁਲਾਸਾ ਨਹੀਂ ਹੋਇਆ । 

ਕੁਝ ਲੋਕਾਂ ਦਾ ਮੰਨਣਾ ਏ ਕਿ ਉਹ ਡਿਪਰੈਸ਼ਨ ਦਾ ਸ਼ਿਕਾਰ ਸੀ ਤੇ ਦੂਜਾ ਉਹ ਮੋਟਾਪੇ ਤੇ ਆਪਣੀਆਂ ਬਿਮਾਰੀਆਂ ਤੋਂ ਪਰੇਸ਼ਾਨ ਸੀ । ਵਰਸ਼ਾ ਦੀ ਪ੍ਰੋਫੈਸ਼ਨਲ ਜ਼ਿੰਦਗੀ ਦੀ ਗੱਲ ਕੀਤੀ ਜਾਵੇ ਤਾਂ ਉਹ ਹਿੰਦੀ ਤੇ ਮਰਾਠੀ ਫਿਲਮਾਂ ਵਿੱਚ ਗਾਉਂਦੀ ਸੀ ਅਤੇ ਵੱਖ ਵੱਖ ਅਖਬਾਰਾਂ ਲਈ ਲਿਖਦੀ ਸੀ । ਵਰਸ਼ਾ ਨੇ ਆਣੇ ਭਰਾ ਦੀ ਪਿਸਤੌਲ ਨਾਲ ਹੀ ਖੁਦ ਨੂੰ ਗੋਲੀ ਮਾਰੀ ਸੀ । ਇਸ ਦੌਰਾਨ ਉਸ ਕੋਲੋਂ ਕੋਈ ਵੀ ਖੁਦਕੁਸ਼ੀ ਵਾਲਾ ਨੋਟ ਨਹੀਂ ਮਿਲਿਆ ਸੀ ਇਸ ਕਰਕੇ ਵਰਸ਼ਾ ਦੀ ਖੁਦਕੁਸ਼ੀ ਦਾ ਕਾਰਨ ਹਾਲੇ ਤੱਕ ਰਾਜ਼ ਬਣਿਆ ਹੋਇਆ ।