ਅਦਾਕਾਰਾ ਨਿਸ਼ਾ ਬਾਨੋ ਦੀ ਮਾਂ ਦਾ ਦਿਹਾਂਤ, 10 ਮਾਰਚ ਨੂੰ ਹੋਣਗੀਆਂ ਅੰਤਿਮ ਰਸਮਾਂ

ਅਦਾਕਾਰਾ ਨਿਸ਼ਾ ਬਾਨੋ (Nisha Bano) ਦੀ ਮਾਂ ਦਾ ਅੱਠ ਮਾਰਚ ਨੂੰ ਦਿਹਾਂਤ ਹੋ ਗਿਆ । ਜਿਸ ਦੀ ਜਾਣਕਾਰੀ ਅਦਾਕਾਰਾ ਨੇ ਖੁਦ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸਾਂਝੀ ਕੀਤੀ ਹੈ। ਇਸ ਜਾਣਕਾਰੀ ਨੂੰ ਸਾਂਝਾ ਕਰਦੇ ਹੋਏ ਅਦਾਕਾਰਾ ਨੇ ਲਿਖਿਆ ‘ਇੱਕ ਮਾਂ ਹੀ ਰਹਿ ਗਈ ਸੀ ਰੱਬਾ’। ਦੱਸ ਦਈਏ ਕਿ ਕੁਝ ਸਮਾਂ ਪਹਿਲਾਂ ਅਦਾਕਾਰਾ ਦੇ ਪਿਤਾ ਦਾ ਦਿਹਾਂਤ ਹੋ ਗਿਆ ਸੀ ਅਤੇ ਦੋਵਾਂ ਦੇ ਜਾਣ ਤੋਂ ਬਾਅਦ ਨਿਸ਼ਾ ਬਾਨੋ ਬਹੁਤ ਹੀ ਗਮਗੀਨ ਹੈ। ਪੰਜਾਬੀ ਇੰਡਸਟਰੀ ਦੇ ਕਈ ਸਿਤਾਰਿਆਂ ਨੇ ਉਨ੍ਹਾਂ ਦੀ ਮਾਂ ਦੇ ਦਿਹਾਂਤ ‘ਤੇ ਸੋਗ ਜਤਾਇਆ ਹੈ ਅਤੇ ਅਦਾਕਾਰਾ ਨੂੰ ਦਿਲਾਸਾ ਦਿੱਤਾ ਹੈ। 

10 ਮਾਰਚ ਨੂੰ ਹੋਣਗੀਆਂ ਅੰਤਿਮ ਰਸਮਾਂ 

ਨਿਸ਼ਾ ਬਾਨੋ ਨੇ ਆਪਣੀ ਮਾਂ ਦੀਆਂ ਅੰਤਿਮ ਰਸਮਾਂ ਦੇ ਬਾਰੇ ਜਾਣਕਾਰੀ ਸਾਂਝੀ ਕਰਦੇ ਹੋਏ ਲਿਖਿਆ “ਮਿਤੀ ਅੱਠ ਮਾਰਚ ਨੂੰ ਮਜੀਦਾ ਬੇਗਮ ਦਾ ਦਿਹਾਂਤ ਹੋ ਗਿਆ ਹੈ। ਉਨ੍ਹਾਂ ਦੀ ਮੱਗਫ਼ਿਰਤ ਦੀ ਦੁਆ (ਕੁਲ) ਮਿਤੀ 10 ਮਾਰਚ 2026, ਦਿਨ ਮੰਗਲਵਾਰ ਨੂੰ ਸਵੇਰੇ ਦਸ ਵਜੇ, ਸਥਾਨ ਵਿਸ਼ਵਕਰਮਾ ਭਵਨ, ਮਾਨਸਾ ਵਿੱਚ ਪੜ੍ਹਿਆ ਜਾਵੇਗਾ ਜੀ ।

ਆਪ ਸਭ ਨੇ ਦੁਆ ‘ਚ ਸ਼ਾਮਿਲ ਹੋਣ ਦੀ ਕਿਰਪਾਲਤਾ ਕਰਨੀ ਜੀ”। ਨਿਸ਼ਾ ਬਾਨੋ ਇਸ ਸਮੇਂ ਡੂੰਘੇ ਸਦਮੇ ਚੋਂ ਗੁਜ਼ਰ ਰਹੀ ਹੈ ਅਤੇ ਉਨ੍ਹਾਂ ਦੇ ਘਰ ਦੁੱਖ ਜਤਾਉਣ ਦੇ ਲਈ ਕਈ ਇੰਡਸਟਰੀ ਦੇ ਸਿਤਾਰੇ ਪਹੁੰਚ ਰਹੇ ਹਨ ।ਦੱਸ ਦਈਏ ਕਿ ਨਿਸ਼ਾ ਬਾਨੋ ਨੇ ਜ਼ਿੰਦਗੀ ‘ਚ ਬਹੁਤ ਹੀ ਉਤਰਾਅ ਚੜ੍ਹਾਅ ਵੇਖੇ ਹਨ । ਉਨ੍ਹਾਂ ਦੇ ਭਰਾ ਦਾ ਵੀ ਦਿਹਾਂਤ ਹੋ ਗਿਆ ਹੈ । ਜਿਸ ਤੋਂ ਬਾਅਦ ਉਨ੍ਹਾਂ ਦੇ ਪਿਤਾ ਦਾ ਸਾਇਆ ਵੀ ਉਨ੍ਹਾਂ ਤੋਂ ਉੱਠ ਗਿਆ ਅਤੇ ਹੁਣ ਮਾਂ ਦੇ ਜਾਣ ਦਾ ਗਮ ਉਹ ਸਹਾਰ ਨਹੀਂ ਪਾ ਰਹੇ ।