ਸੈਂਸਰ ਬੋਰਡ ਦੇ ਸਾਬਕਾ ਚੇਅਰਮੈਨ ਪਹਿਲਾਜ ਨਿਹਲਾਨੀ ਦਾ ਦਿਹਾਂਤ, ਲੀਵਰ ਸੀਰੋਸਿਸ ਨਾਮਕ ਬੀਮਾਰੀ ਨਾਲ ਸਨ ਪੀੜਤ

ਪੰਜਾਬੀ ਇੰਡਸਟਰੀ ਤੋਂ ਬਾਅਦ ਹੁਣ ਬਾਲੀਵੁੱਡ ਇੰਡਸਟਰੀ ਤੋਂ ਵੀ ਇੱਕ ਮੰਦਭਾਗੀ ਖ਼ਬਰ ਸਾਹਮਣੇ ਆ ਰਹੀ ਹੈ। ਉਹ ਇਹ ਹੈ ਕਿ ਸੈਂਸਰ ਬੋਰਡ ਦੇ ਸਾਬਕਾ ਚੇਅਰਮੈਨ ਪਹਿਲਾਜ ਨਿਹਲਾਨੀ ਦਾ ਦਿਹਾਂਤ ਹੋ ਗਿਆ ਹੈ।ਉਨ੍ਹਾਂ ਦੇ ਦਿਹਾਂਤ ਤੋਂ ਬਾਅਦ ਬਾਲੀਵੁੱਡ ਇੰਡਸਟਰੀ ‘ਚ ਸੋਗ ਦੀ ਲਹਿਰ ਹੈ। ਖਬਰਾਂ ਮੁਤਾਬਕ ਪਹਿਲਾਜ ਨਿਹਲਾਨੀ ਪਿਛਲੇ ਲੰਮੇ ਸਮੇਂ ਤੋਂ ਲੀਵਰ ਸਿਰੋੋਸਿਸ ਨਾਮਕ ਬੀਮਾਰੀ ਦੇ ਨਾਲ ਜੂਝ ਰਹੇ ਸਨ।

ਪਹਿਲਾਜ ਨਿਹਲਾਨੀ ਨੇ ਛਿੱਹਤਰ ਸਾਲ ਦੀ ਉਮਰ ‘ਚ ਆਖਰੀ ਸਾਹ ਲਏ ਹਨ।ਜਿਸ ਤੋਂ ਬਾਅਦ ਬਾਲਵੀਵੁੱਡ ਇੰਡਸਟਰੀ ਦੇ ਸਿਤਾਰਿਆਂ ਨੇ ਵੀ ਉਨ੍ਹਾਂ ਦੇ ਦਿਹਾਂਤ ‘ਤੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ। ਬਤੌਰ ਪ੍ਰੋਡਿਊਸਰ ਉਨ੍ਹਾਂ ਨੇ ਕਈ ਫ਼ਿਲਮਾਂ ਬਣਾਈਆਂ । ਜਿਸ ‘ਚ ਹੱਥਕੜੀ, ਸ਼ੌਅਲਾ ਔਰ ਸ਼ਬਨਮ, ਅੰਦਾਜ਼ , ਆਂਧੀ ਤੂਫ਼ਾਨ ਸਣੇ ਕਈ ਫ਼ਿਲਮਾਂ ਬਣਾਈਆਂ ਹਨ। 

ਸੈਂਸਰ ਬੋਰਡ ਦੇ ਮੁਖੀ ਵਜੋਂ ਲਏ ਸਖਤ ਫੈਸਲੇ 

ਸੈਂਸਰ ਬੋਰਡ ਦੇ ਮੁੱਖੀ ਹੋਣ ਦੇ ਨਾਤੇ ਉਨ੍ਹਾਂ ਨੇ ਕਈ ਸਖਤ ਫੈਸਲੇ ਵੀ ਲਏ ਸਨ । ਜਿਨ੍ਹਾਂ ਕਾਰਨ ਕਾਫੀ Controversy  ਵੀ ਹੋਈ ਸੀ । ਸ਼ਾਹਿਦ ਕਪੂਰ ਤੇ ਆਲੀਆ ਭੱਟ ਸਟਾਰਰ ਫ਼ਿਲਮ ‘ਉੜਤਾ ਪੰਜਾਬ’ ਚੋਂ ਉਨ੍ਹਾਂ ਨੇ ਉਨਾਨਵੇਂ ਸੀਨ ਕੱਟਣ ਦੇ ਹੁਕਮ ਦਿੱਤੇ ਸਨ ਅਤੇ ਇਸ ਦੇ ਨਾਲ ਹੀ ਕਈ ਫ਼ਿਲਮਾਂ ‘ਤੇ ਬੈਨ ਲਗਾਉਣ ਤੇ ਕਿਸ ਸੀਨ ‘ਤੇ ਪਾਬੰਦੀ ਲਗਾਉਣ ਦੇ ਫੈਸਲੇ ਵੀ ਲਏ ਸਨ।