ਪੰਜਾਬੀ ਇੰਡਸਟਰੀ ਤੋਂ ਮੰਦਭਾਗੀ ਖ਼ਬਰ, ਗਾਇਕ ਜਮਨਾ ਰਸੀਲਾ ਦਾ ਦਿਹਾਂਤ, ਹਾਰਬੀ ਸੰਘਾ ਨੇ ਜਤਾਇਆ ਦੁੱਖ

ਪੰਜਾਬੀ ਇੰਡਸਟਰੀ ਤੋਂ ਇੱਕ ਤੋਂ ਬਾਅਦ ਇੱਕ ਬੁਰੀਆਂ ਖ਼ਬਰਾਂ ਲਗਾਤਾਰ ਸਾਹਮਣੇ ਆ ਰਹੀਆਂ ਹਨ । ਪਹਿਲਾਂ ਮਸ਼ਹੂਰ ਅਦਾਕਾਰ ਜਸਵਿੰਦਰ ਭੱਲਾ ਦਾ ਦਿਹਾਂਤ ਹੋਇਆ । ਉਸ ਤੋਂ ਬਾਅਦ ਰਾਜਵੀਰ ਜਵੰਦਾ ਇੱਕ ਸੜਕ ਹਾਦਸੇ ਦਾ ਸ਼ਿਕਾਰ ਹੋਏ ਅਤੇ ਕਈ ਦਿਨਾਂ ਹਸਪਤਾਲ ‘ਚ ਇਲਾਜ ਕਰਵਾਉਣ ਤੋਂ ਬਾਅਦ ਉਨ੍ਹਾਂ ਨੇ ਵੀ ਦਮ ਤੋੜ ਦਿੱਤਾ ਸੀ। ਇਨ੍ਹਾਂ ਸਿਤਾਰਿਆਂ ਦੇ ਗਮ ਤੋਂ ਹਾਲੇ ਦਰਸ਼ਕ ਤੇ ਇੰਡਸਟਰੀ ਉੱਭਰੀ ਵੀ ਨਹੀਂ ਸੀ ਕਿ ਬੀਤੇ ਦਿਨੀਂ ਅਦਾਕਾਰ ਧਰਮਿੰਦਰ ਨੇ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਆਖ ਦਿੱਤਾ ।ਹੁਣ ਇੱਕ ਹੋਰ ਗਾਇਕ ਨੇ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਆਖ ਦਿੱਤਾ ਹੈ।

ਅਦਾਕਾਰ ਹਾਰਬੀ ਸੰਘਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਗਾਇਕ ਜਮਨਾ ਰਸੀਲਾ (Jamna Rasila) ਦੇ ਦਿਹਾਂਤ ਦੀ ਖ਼ਬਰ ਸਾਂਝੀ ਕੀਤੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਇੱਕ ਭਾਵੁਕ ਪੋਸਟ ਵੀ ਸ਼ੇਅਰ ਕੀਤੀ ਹੈ।ਉਸਤਾਦ ਜੀ ਜਮਨਾ ਰਾਸੀਲਾ ਸਾਹਿਬ ਸਾਡੇ ਪਿੰਡ ਸੰਘਿਆਂ ਦਾ ਮਾਣ ਸੀ ਦਿਲਦਾਰ ਤੇ ਮਹਾਨ ਗਾਇਕ ਤੇ ਉਚੀ ਹੇਕ ਦਾ  ਮਾਲਕ ਸੀ ।ਰਿਪ ਗ੍ਰੇਟ ਸਿੰਗਰ ਜਮਨਾ ਰਸੀਲਾ ਜੀ"।

View this post on Instagram

A post shared by Harby Sangha (@harbysangha)

"ਕਿਸੇ ਦੀ ਗਰੀਬੀ ਦਾ ਮਜਾਕ ਨਹੀਂ ਉਡਾਈਦਾ,ਇਸ ਗੀਤ ਨਾਲ ਮਸ਼ਹੂਰ ਹੋਏ ਪਿੰਡ ਸੰਘੇ ਜਾਗੀਰ ਦੇ ਪ੍ਰਸਿੱਧ ਗਾਇਕ ਜਮਨਾ ਰਸੀਲਾ ਸੁਰਿੰਦਰ ਸ਼ਿੰਦਾ ਦੇ ਲਾਡਲੇ ਸ਼ਾਗਿਰਦ ਅੱਜ ਇਸ ਦੁਨੀਆਂ ਨੂੰ ਅਲਵਿਦਾ ਆਖ ਗਏ, ਕੁਦਰਤ ਉਨ੍ਹਾਂ ਦੀ ਆਤਮਾ ਨੂੰ ਸ਼ਾਂਤੀ ਦੇਵੇ” । ਜਿਉਂ ਹੀ ਹਾਰਬੀ ਸੰਘਾ ਨੇ ਇਸ ਪੋਸਟ ਨੂੰ ਸਾਂਝਾ ਕੀਤਾ ਤਾਂ ਜਮਨਾ ਰਸੀਲਾ ਦੇ ਦਿਹਾਂਤ ‘ਤੇ ਫੈਨਸ ਦੇ ਨਾਲ-ਨਾਲ ਸੈਲੀਬ੍ਰੇਟੀਜ਼ ਨੇ ਵੀ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ। 

- GTC PUNJABI