ਫਰਮਾਨ ਦੇ ਨਾਲ ਵਿਆਹ ਤੋਂ ਬਾਅਦ ਵਧੀਆਂ ਮੋਨਾਲੀਸਾ ਦੀਆਂ ਮੁਸ਼ਕਿਲਾਂ, ਸਹੁਰੇ ਨੇ ਕਿਹਾ ‘ਘਰ ‘ਚ ਨਹੀਂ ਵੜ੍ਹਨ ਦਿਆਂਗਾ’

ਕੁੰਭ ਮੇਲੇ ‘ਚ ਵਾਇਰਲ ਹੋਈ ਕੁੜੀ ਮੋਨਾਲੀਸਾ ਨੇ ਬੀਤੇ ਦਿਨੀਂ ਫਰਮਾਨ ਨਾਮ ਦੇ ਮੁਸਲਿਮ ਮੁੰਡੇ ਦੇ ਨਾਲ ਵਿਆਹ ਕਰਵਾ ਲਿਆ ।ਜਿਸ ਤੋਂ ਬਾਅਦ ਉਸ ਦੀਆਂ ਮੁਸ਼ਕਿਲਾਂ ਵਧਦੀਆਂ ਦਿਖਾਈ ਦੇ ਰਹੀਆਂ ਹਨ।ਮੋਨਾਲੀਸਾ ਨੇ ਬਾਗਪਤ ਦੇ ਮੁਸਲਿਮ ਮੁੰਡੇ ਫਰਮਾਨ ਦੇ ਨਾਲ ਵਿਆਹ ਕਰਵਾਇਆ ਹੈ।ਫਰਮਾਨ ਦਾ ਸਬੰਧ ਬਾਗਪਤ ਦੇ ਪਲੜੀ ਪਿੰਡ ਦੇ ਨਾਲ ਹੈ ਅਤੇ ਉਹ ਦਿੱਲੀ ‘ਚ ਫ਼ਿਲਮਾਂ ਅਤੇ ਵੈੱਬ ਪ੍ਰੋਜੈਕਟਸ ‘ਚ ਕੰਮ ਕਰਦਾ ਹੈ।ਫਰਮਾਨ ਫ਼ਿਲਮ ‘ਮਣੀਪੁਰ ਫਾਈਲਸ’ ਦੀ ਸ਼ੂਟਿੰਗ ਦੇ ਦੌਰਾਨ ਮੋਨਾਲੀਸਾ ਨੂੰ ਮਿਲਿਆ ਸੀ ਅਤੇ ਇਸੇ ਦੌਰਾਨ ਦੋਵਾਂ ਦੀਆਂ ਨਜ਼ਦੀਕੀਆਂ ਵਧੀਆਂ ਸਨ ।

ਪਰਿਵਾਰ ਵਿਆਹ ਤੋਂ ਨਹੀਂ ਖੁਸ਼ 

ਮੋਨਾਲੀਸਾ ਤੇ ਫਰਮਾਨ ਦਾ ਪਰਿਵਾਰ ਇਸ ਵਿਆਹ ਤੋਂ ਖੁਸ਼ ਨਹੀਂ ਹੈ। ਫਰਮਾਨ ਨੂੰ ਤਾਂ ਉਸ ਦੇ ਘਰ ਵਾਲਿਆਂ ਨੇ ਘਰ ‘ਚ ਦਾਖਲੇ ‘ਤੇ ਰੋਕ ਲਗਾ ਦਿੱਤੀ ਹੈ।ਫਰਮਾਨ ਨੇ ਇੰਟਰ ਕਾਲਜ ਤੋਂ ਪੜ੍ਹਾਈ ਕੀਤੀ ਹੈ ਅਤੇ ਇਸ ਤੋਂ ਬਾਅਦ ਵੈਦਿਕ ਜਨਤਾ ਕਾਲਜ ਤੋਂ ਗ੍ਰੈਜੁਏਸ਼ਨ ਕੀਤੀ ਹੈ।ਜਿਸ ਤੋਂ ਬਾਅਦ ਉਸ ਨੇ ਕੰਮ ਦੀ ਭਾਲ ਲਈ ਦਿੱਲੀ ਦਾ ਰੁਖ ਕੀਤਾ । ਇਸੇ ਦੌਰਾਨ ਹੀ ਉਸ ਦੀ ਮੁਲਾਕਾਤ ਮੋਨਾਲੀਸਾ ਦੇ ਨਾਲ ਹੋਈ ।ਇਸੇ ਦੌਰਾਨ ਹੀ ਦੋਵਾਂ ਦੀ ਦੋਸਤੀ ਹੋਈ ਜੋ ਬਾਅਦ ‘ਚ ਪਿਆਰ ਵਿੱਚ ਬਦਲ ਗਈ।ਹੁਣ ਦੋਵਾਂ ਨੇ ਵਿਆਹ ਰਚਾ ਲਿਆ ।

ਦੋਵਾਂ ਦਾ ਵਿਆਹ ਹੁਣ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ।ਫਰਮਾਨ ਦੇ ਵਿਆਹ ਦੇ ਫੈਸਲੇ ਤੋਂ ਪਰਿਵਾਰ ਨਰਾਜ਼ ਹੈ ਅਤੇ ਉਸ ਦੇ ਪਿਤਾ ਜ਼ਾਫਰ ਅਲੀ ਅਤੇ ਭਰਾ ਸਮਦ ਦਾ ਕਹਿਣਾ ਹੈ ਕਿ ਪਰਿਵਾਰ ਨੂੰ ਇਸ ਵਿਆਹ ਦੇ ਬਾਰੇ ਕੋਈ ਵੀ ਜਾਣਕਾਰੀ ਨਹੀਂ ਹੈ ਅਤੇ ਨਾ ਹੀ ਉਹ ਇਸ ਰਿਸ਼ਤੇ ਤੋਂ ਖੁਸ਼ ਹਨ।ਉਸ ਦੇ ਪਿਤਾ ਦਾ ਕਹਿਣਾ ਹੈ ਕਿ “ਮੈਂ ਸਾਰੀਆਂ ਬਰਾਦਰੀਆਂ ‘ਚ ਬੈਠਦਾ ਹਾਂ, ਪੰਡਤ, ਜਾਟ ਸਭ ਮੈਨੂੰ ਜਾਣਦੇ ਹਨ । ਮੈਂ ਖੁਦ ਵੀ ਜੱਟ ਮੁਸਲਿਮ ਹਾਂ’।ਪਰ ਮੈਨੂੰ ਆਪਣੇ ਪੁੱਤਰ ਦੇ ਵਿਆਹ ਦੀ ਖ਼ਬਰ ਟੀਵੀ ਤੋਂ ਪਤਾ ਲੱਗੀ ਹੈ।ਮੈਂ ਫਰਮਾਨ ਨੂੰ ਘਰ ‘ਚ ਦਾਖਲ ਨਹੀਂ ਹੋਣ ਦੇਵਾਂਗਾ।