ਨੂਰਾਂ ਸਿਸਟਰਸ ਦੇ ਪਿਤਾ ਦਾ ਹਾਲ ਚਾਲ ਜਾਨਣ ਪਹੁੰਚੇ ਮਾਸਟਰ ਸਲੀਮ, ਸਿਹਤ ‘ਚ ਦਿੱਸਿਆ ਸੁਧਾਰ

ਨੂਰਾਂ ਸਿਸਟਰਸ ਦੇ ਪਿਤਾ ਦਾ ਇਲਾਜ ਇਨ੍ਹੀਂ ਦਿਨੀਂ ਚੱਲ ਰਿਹਾ ਹੈ। ਉਹ ਹਸਪਤਾਲ ‘ਚ ਜ਼ੇਰੇ ਇਲਾਜ ਹਨ ਅਤੇ ਕਿਡਨੀ ਦੀ ਬੀਮਾਰੀ ਦੇ ਨਾਲ ਜੂਝ ਰਹੇ ਹਨ । ਮਾਸਟਰ ਸਲੀਮ ਵੀ ਗੁਲਸ਼ਨ ਮੀਰ ਦਾ ਹਾਲਚਾਲ ਜਾਨਣ ਦੇ ਲਈ ਹਸਪਤਾਲ ‘ਚ ਪਹੁੰਚੇ । ਇਸ ਮੌਕੇ ਮਾਸਟਰ ਸਲੀਮ ਗੁਲਸ਼ਨ ਮੀਰ ਦੇ ਨਾਲ ਗੱਲਬਾਤ ਕਰਦੇ ਹੋਏ ਨਜ਼ਰ ਆ ਰਹੇ ਹਨ ।

ਵੀਡੀਓ ‘ਚ ਤੁਸੀਂ ਵੇਖ ਸਕਦੇ ਹੋ ਕਿ ਗੁਲਸ਼ਨ ਮੀਰ ਬਿਨ੍ਹਾਂ ਕਿਸੇ ਲਾਈਫ ਸਪੋਟ ਤੋਂ ਨਜ਼ਰ ਆ ਰਹੇ ਹਨ।ਹਾਲਾਂਕਿ ਉਨ੍ਹਾਂ ਦੀ ਧੀ ਰਿਤੂ ਨੂਰਾਂ ਦੇ ਵੱਲੋਂ ਇਲਾਜ ਦੇ ਲਈ ਪੈਸੇ ਮੰਗਣ ਦੇ ਲਈ ਕਿਊ ਆਰ ਕੋਡ ਵੀ ਜਾਰੀ ਕੀਤਾ ਗਿਆ ਸੀ ।ਮਾਸਟਰ ਸਲੀਮ ਨੇ ਗੁਲਸ਼ਨ ਨੂਰ ਨੂੰ ਸ਼ੇਰ ਕਿਹਾ ਅਤੇ ਉਨ੍ਹਾਂ ਦੇ ਜਲਦ ਠੀਕ ਹੋਣ ਦੀ ਦੁਆ ਵੀ ਕੀਤੀ ।  

ਸੁਲਤਾਨਾ ਨੂਰਾਂ ਦਾ ਵੀਡੀਓ ਆਇਆ ਸਾਹਮਣੇ 

ਇਸੇ ਦੌਰਾਨ ਸੁਲਤਾਨਾ ਨੂਰਾਂ ਦਾ ਇੱਕ ਵੀਡੀਓ ਵੀ ਸਾਹਮਣੇ ਆਇਆ ਸੀ । ਜਿਸ ‘ਚ ਉਨ੍ਹਾਂ ਨੇ ਆਪਣੇ ਫੈਨਸ ਨੂੰ ਪਿਤਾ ਦੀ ਸਿਹਤ ਦੇ ਲਈ ਦੁਆ ਕਰਨ ਦੇ ਲਈ ਆਖਿਆ ਸੀ । ਇਸ ਦੇ ਨਾਲ ਹੀ ਗਾਇਕਾ ਦਾ ਕਹਿਣਾ ਸੀ ਕਿ ਹਾਲ ਹੀ ‘ਚ ਉਨ੍ਹਾਂ ਦਾ ਵੱਡਾ ਐਕਸੀਡੈਂਟ ਹੋਇਆ ਸੀ। ਜਿਸ ਕਾਰਨ ਉਹ ਆਪਣੇ ਪਿਤਾ ਦਾ ਹਾਲ ਚਾਲ ਜਾਨਣ ਦੇ ਲਈ ਹਸਪਤਾਲ ‘ਚ ਨਹੀਂ ਜਾ ਸਕੀ। ਡਾਕਟਰਾਂ ਦੇ ਮੁਤਾਬਕ ਗੁਲਸ਼ਨ ਮੀਰ ਦੀ ਹਾਲਤ ਨੂੰ ਵੇਖਦੇ ਹੋਏ ਡਾਕਟਰਾਂ ਨੇ ਉਨ੍ਹਾਂ ਨੂੰ ਕਿਡਨੀ ਟ੍ਰਾਂਸਪਲਾਂਟ ਕਰਨ ਦੀ ਸਲਾਹ ਦਿੱਤੀ ਹੈ।