ਹਸਪਤਾਲ ‘ਚ ਕਿਸੇ ਦਾ ਹਾਲ ਚਾਲ ਜਾਨਣ ਲਈ ਪਹੁੰਚੇ ਸਲਮਾਨ ਖ਼ਾਨ ਨੂੰ ਮੀਡੀਆ ‘ਤੇ ਆਇਆ ਗੁੱਸਾ, ਕਿਹਾ ‘ਤੁਹਾਡਾ ਦਿਮਾਗ ਹੈ’

ਸਲਮਾਨ ਖ਼ਾਨ (Salman Khan)ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਜਿਸ ‘ਚ ਉਹ ਹਸਪਤਾਲ ‘ਚ ਕਿਸੇ ਦਾ ਹਾਲ ਚਾਲ ਜਾਨਣ ਦੇ ਲਈ ਪਹੁੰਚੇ ਹੋਏ ਹਨ ਪਰ ਉੱਥੇ ਸਲਮਾਨ ਖ਼ਾਨ ਦੇ ਹੋਣ ਦੀ ਖ਼ਬਰ ਮਿਲਦੇ ਹੀ ਮੀਡੀਆ ਵੀ ਪਹੁੰਚ ਜਾਂਦਾ ਹੈ। ਮੀਡੀਆ ਨੂੰ ਉੱਥੇ ਵੇਖ ਕੇ ਸਲਮਾਨ ਖ਼ਾਨ ਦਾ ਪਾਰਾ ਚੜ੍ਹ ਜਾਂਦਾ ਹੈ ਅਤੇ ਉਹ ਮੀਡੀਆ ਨੂੰ ਵੇਖ ਕੇ ਭੜਕ ਜਾਂਦੇ ਹਨ ।

ਵੀਡੀਓ ‘ਚ ਤੁਸੀਂ ਵੇਖ ਸਕਦੇ ਹੋ ਸਲਮਾਨ ਖ਼ਾਨ ਮੱਥੇ ‘ਤੇ ਉਂਗਲ ਰੱਖਦੇ ਹੋਏ ਕਹਿ ਰਹੇ ਹਨ ਕਿ ਤੁਹਾਡਾ ਦਿਮਾਗ ਹੈਗਾ ਜਾਂ ਨਹੀਂ। ਜਿਸ ਤੋਂ ਬਾਅਦ ਮੀਡੀਆ ਕਰਮੀ ਉੱਥੋਂ ਹੱਟਦੇ ਨਹੀਂ ਅਤੇ ਸਲਮਾਨ ਖ਼ਾਨ ਦੀਆਂ ਤਸਵੀਰਾਂ ਲੈਂਦੇ ਰਹਿੰਦੇ ਹਨ ਅਤੇ ‘ਭਾਈ ਸੌਰੀ, ਭਾਈ ਸੌਰੀ’ ਕਹਿੰਦੇ ਰਹਿੰਦੇ ਹਨ ਪਰ ਉੱਥੋਂ ਜਾਂਦੇ ਨਹੀਂ ।

ਸੋਸ਼ਲ ਮੀਡੀਆ ‘ਤੇ ਸਲਮਾਨ ਖ਼ਾਨ ਦਾ ਇਹ ਵੀਡੀਓ ਤੇਜ਼ੀ ਦੇ ਨਾਲ ਵਾਇਰਲ ਹੋ ਰਿਹਾ ਹੈ ਅਤੇ ਫੈਨਸ ਵੀ ਇਸ ‘ਤੇ ਰਿਐਕਸ਼ਨ ਦਿੰਦੇ ਹੋਏ ਦਿਖਾਈ ਦੇ ਰਹੇ ਹਨ । ਕੁਝ ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਸਲਮਾਨ ਦੇ ਇਸ ਰਵੱਈਏ ਨੂੰ ਸਹੀ ਦੱਸਦੇ ਹੋਏ ਮੀਡੀਆ ਕਰਮੀਆਂ ਨੂੰ ਝਾੜ ਪਾਈ ਹੈ। ਜਦੋਂਕਿ ਕੁਝ ਸਲਮਾਨ ਖ਼ਾਨ ਦੇ ਮੀਡੀਆ ਦੇ ਨਾਲ ਇਸ ਰਵਈਏ ਦੀ ਨਿਖੇਧੀ ਕਰ ਰਹੇ ਹਨ।ਵਾਇਰਲ ਭਿਆਨੀ ਨੇ ਲਿਖਿਆ “ਤੁਹਾਨੂੰ ਮੀਡੀਆ ਵਾਲਿਆਂ ਨੂੰ ਸੱਚਮੁੱਚ ਥੋੜ੍ਹੀ ਸ਼ਰਮ ਆਉਣੀ ਚਾਹੀਦੀ ਹੈ।

ਐਸਕੇ ਨੇ ਤੁਹਾਨੂੰ ਕਦੇ ਨਹੀਂ ਟਾਲਿਆ, ਪਰ ਹਸਪਤਾਲ ਦੇ ਬਾਹਰ ਇਸ ਤਰ੍ਹਾਂ ਚੀਕਣਾ ਬਿਲਕੁਲ ਘਿਣਾਉਣਾ ਹੈ। ਕੁਝ ਬੁਨਿਆਦੀ ਹਮਦਰਦੀ ਅਤੇ ਮਨੁੱਖਤਾ ਰੱਖੋ। ਲੋਕ ਇਲਾਜ ਅਤੇ ਸ਼ਾਂਤੀ ਲਈ ਹਸਪਤਾਲ ਜਾਂਦੇ ਹਨ, ਤੁਹਾਡੇ ਮਨੋਰੰਜਨ ਸਰਕਸ ਲਈ ਨਹੀਂ।ਐਸਕੇ ਇੱਥੇ ਬਿਲਕੁਲ ਸਹੀ ਹੈ ਅਤੇ ਮੀਡੀਆ ਦੇ ਅਸੰਵੇਦਨਸ਼ੀਲ ਅਤੇ ਅਣਮਨੁੱਖੀ ਵਿਵਹਾਰ ਪ੍ਰਤੀ ਉਸਦਾ ਗੁੱਸਾ ਪੂਰੀ ਤਰ੍ਹਾਂ ਜਾਇਜ਼ ਹੈ”।