ਰਾਜਪਾਲ ਯਾਦਵ ਦੀ ਮਦਦ ਦੇ ਲਈ ਅੱਗੇ ਆਏ ਰਾਵ ਇੰਦਰਜੀਤ ਸਿੰਘ ਯਾਦਵ

  ਅਦਾਕਾਰ ਰਾਜਪਾਲ ਯਾਦਵ (Rajpal Yadav)  ਜੋ ਕਿ ਤਿਹਾੜ ਜੇਲ੍ਹ ‘ਚ ਸਜ਼ਾ ਕੱਟ ਰਹੇ ਹਨ । ਉਨ੍ਹਾਂ ਦੀ ਮਦਦ ਦੇ ਲਈ ਹੁਣ ਰਾਵ ਇੰਦਰਜੀਤ ਸਿੰਘ ਯਾਦਵ ਵੀ ਅੱਗੇ ਆਏ ਹਨ। ਉਨ੍ਹਾਂ ਨੇ 1.11 ਕਰੋੜ ਦੀ ਆਰਥਿਕ ਮਦਦ ਦੇਣ ਦਾ ਐਲਾਨ ਕੀਤਾ ਹੈ। ਭੂਲ ਭੁਲਈਆ, ਹੰਗਾਮਾ ਅਤੇ ਵੈਲਕੇ, ਵਰਗੀਆਂ ਫ਼ਿਲਮਾਂ ‘ਚ ਆਪਣੀ ਬਿਹਤਰੀਨ ਅਦਾਕਾਰੀ ਦੇ ਲਈ ਜਾਣੇ ਜਾਂਦੇ ਅਦਾਕਾਰ ਰਾਜਪਾਲ ਯਾਦਵ ਇਨ੍ਹੀਂ ਦਿਨੀਂ ਆਪਣੀ ਜ਼ਿੰਦਗੀ ਦੇ ਔਖੇ ਦੌਰ ‘ਚੋਂ ਲੰਘ ਰਹੇ ਹਨ।ਉਨ੍ਹਾਂ ਨੂੰ ਚੈਕ ਬਾਊਂਸ ਦੇ ਮਾਮਲੇ ‘ਚ ਜੇਲ੍ਹ ਭੇਜਿਆ ਗਿਆ ਹੈ ।

ਰਾਜਪਾਲ ਯਾਦਵ ਨੇ ਜੇਲ੍ਹ ਜਾਣ ਤੋਂ ਪਹਿਲਾਂ ਕਿਹਾ ਸੀ ਕਿ ਉਸ ਕੋਲ ਪੈਸੇ ਨਹੀਂ ਹਨ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਜੇਲ੍ਹ ਭੇਜ ਦਿੱਤਾ ਗਿਆ ਸੀ।ਜਿਸ ਤੋਂ ਬਾਅਦ ਰਾਵ ਇੰਦਰਜੀਤ ਯਾਦਵ ਉਨ੍ਹਾਂ ਦੀ ਮਦਦ ਕਰਨ ਦੇ ਲਈ ਅੱਗੇ ਆਏ ਹਨ।ਰਾਵ ਇੰਦਰਜੀਤ ਯਾਦਵ ਜੈਮ ਟਿਊਨਜ਼ ਮਿਊਜ਼ਿਕ ਅਤੇ ਸੰਗੀਤ ਨਿਰਮਾਤਾ ਹਨ । 

ਸੋਨੂੰ ਸੂਦ ਨੇ ਵੀ ਕੀਤਾ ਸੀ ਮਦਦ ਦਾ ਐਲਾਨ 

ਸੋਨੂੰ ਸੂਦ ਵੀ ਰਾਜਪਾਲ ਯਾਦਵ ਦੀ ਮਦਦ ਦੇ ਲਈ ਅੱਗੇ ਆਏ ਸਨ ਅਤੇ ਉਨ੍ਹਾਂ ਨੇ ਹੋਰਨਾਂ ਕਲਾਕਾਰਾਂ ਨੂੰ ਵੀ ਮਦਦ ਦੇ ਲਈ ਅੱਗੇ ਆਉਣ ਦੇ ਲਈ ਆਖਿਆ ਸੀ । ਜਿਸ ਤੋਂ ਬਾਅਦ ਕਈ ਕਲਾਕਾਰ ਉਨ੍ਹਾਂ ਦੀ ਮਦਦ ਦੇ ਲਈ ਅੱਗੇ ਆ ਰਹੇ ਹਨ ।