ਸੰਨੀ ਦਿਓਲ ‘ਤੇ ਪ੍ਰੀਤੀ ਜ਼ਿੰਟਾ ਦੀ ਫ਼ਿਲਮ ‘ਬਟਵਾਰਾ 1947’ ਦਾ ਟੀਜ਼ਰ ਰਿਲੀਜ਼, ਵੰਡ ਦੇ ਦਰਦ ਦੀ ਦਾਸਤਾਨ

ਸੰਨੀ ਦਿਓਲ (Sunny Deol) ਤੇ ਪ੍ਰੀਤੀ ਜ਼ਿੰਟਾ ਦੀ ਫ਼ਿਲਮ ‘ਬਟਵਾਰਾ 1947’ ਦਾ ਟੀਜ਼ਰ ਰਿਲੀਜ਼ ਹੋ ਚੁੱਕਿਆ ਹੈ। ਇਸ ਟੀਜ਼ਰ ‘ਚ ਵੰਡ ਦੇ ਦਰਦ ਨੂੰ ਬਿਆਨ ਕੀਤਾ ਗਿਆ ਹੈ ਕਿ ਦੇਸ਼ ਜਦੋਂ ਦੋ ਹਿੱਸਿਆਂ ‘ਚ ਵੰਡਿਆਂ ਗਿਆ ਤਾਂ ਕਿਵੇਂ ਹਰ ਪਾਸੇ ਦੰਗੇ ਫੈਲ ਗਏ ਅਤੇ ਧਰਮਾਂ ਦੇ ਨਾਂਅ ‘ਤੇ ਵੰਡੀਆਂ ਪੈ ਗਈਆਂ। ਪਰ ਇਸ ਵੰਡ ਦਾ ਦਰਦ ਕਿੰਨਾ ਭਿਆਨਕ ਸੀ । ਇਸ ਨੂੰ ਆਪਣੇ ਪਿੰਡਿਆਂ ‘ਤੇ ਹੰਡਾਉਣ ਵਾਲੇ ਲੋਕ ਹੀ ਇਹ ਜਾਣ ਸਕਦੇ ਹਨ ।

ਕਿਵੇਂ ਲੋਕ ਆਪਣਿਆਂ ਤੋਂ ਹੀ ਵਿੱਛੜ ਗਏ, ਕੁਝ ਹਿੰਦੁਸਤਾਨ ਆ ਗਏ ਤੇ ਕੁਝ ਪਾਕਿਸਤਾਨ ਹੀ ਰਹਿ ਗਏ ਸਨ । ਜਿਸ ਕਾਰਨ ਉਨ੍ਹਾਂ ਦਾ ਮੁੜ ਕਦੇ ਵੀ ਮਿਲਾਪ ਨਾ ਹੋ ਸਕਿਆ। ਫ਼ਿਲਮ ਚੌਦਾਂ ਅਗਸਤ ਨੂੰ ਸਿਨੇਮਾਂ ਘਰਾਂ ‘ਚ ਰਿਲੀਜ਼ ਹੋਣ ਜਾ ਰਹੀ ਹੈ। ਫ਼ਿਲਮ ‘ਚ ਸੰਨੀ ਦਿਓਲ ਤੇ ਪ੍ਰੀਤੀ ਜ਼ਿੰਟਾ ਤੋਂ ਇਲਾਵਾ ਸ਼ਬਾਨਾ ਆਜ਼ਮੀ, ਅਲੀ ਫੈਜ਼ਲ, ਕਰਣ ਦਿਓਲ, ਕਨਿਕਾ ਕਪੂਰ ਸਣੇ ਕਈ ਕਲਾਕਾਰ ਦਿਖਾਈ ਦੇਣਗੇ ।

ਫ਼ਿਲਮ ਦੀ ਡਾਇਰੈਕਸ਼ਨ ਅਤੇ ਸਕਰੀਨ ਪਲੇਅ ਰਾਜ ਕੁਮਾਰ ਸੰਤੋਸ਼ੀ ਦੇ ਵੱਲੋਂ ਕੀਤਾ ਗਿਆ ਹੈ। ਜਦੋਂਕਿ ਪ੍ਰੋਡਿਊਸ ਕੀਤਾ ਹੈ ਆਮਿਰ ਖ਼ਾਨ ਅਤੇ ਅਰਪਨਾ ਪੁਰੋਹਿਤ ਦੇ ਵੱਲੋਂ।

ਇਸ ਫ਼ਿਲਮ ਦਾ ਟੀਜ਼ਰ ਦਰਸ਼ਕਾਂ ਨੂੰ ਪਸੰਦ ਆ ਰਿਹਾ ਹੈ ਅਤੇ ਹੁਣ ਦਰਸ਼ਕਾਂ ਦੀ ਐਕਸਾਈਟਮੈਂਟ ਹੋਰ ਵੀ ਜ਼ਿਆਦਾ ਵਧ ਗਈ ਹੈ। ਦਰਸ਼ਕ ਹੁਣ ਚੌਦਾਂ ਅਗਸਤ ਦਾ ਇੰਤਜ਼ਾਰ ਕਰ ਰਹੇ ਹਨ । ਜਿਸ ਦਿਨ ਇਹ ਫ਼ਿਲਮ ਰਿਲੀਜ਼ ਹੋਏਗੀ।