ਪੰਜਾਬ ‘ਚ ਹੋੋਇਆ ਝੋਨਾ ਲਾਉਣ ਦਾ ਮੁਕਾਬਲਾ, ਪਿੰਡ ਮਾਖੇਵਾਲਾ ਰਿਹਾ ਜੇਤੂ, ਡੇਢ ਘੰਟੇ ਤੋਂ ਪਹਿਲਾਂ ਤਿੰਨ ਕਿੱਲਿਆਂ ‘ਚ ਲਗਾਇਆ ਝੋਨਾ

ਪੰਜਾਬ ‘ਚ ਇਨ੍ਹੀਂ ਦਿਨੀਂ ਝੋਨੇ ਦੀ ਲਵਾਈ ਦਾ ਕੰਮ ਚੱਲ ਰਿਹਾ ਹੈ। ਅਜਿਹੇ ‘ਚ ਪਿੰਡਾਂ ‘ਚ ਝੋਨਾ ਲਗਾਉਣ ਦੇ ਮੁਕਾਬਲੇ ਵੀ ਚੱਲ ਰਹੇ ਹਨ । ਦੋ ਪਿੰਡਾਂ ‘ਚ ਝੋਨਾ ਲਗਾਉਣ ਦਾ ਮੁਕਾਬਲਾ ਹੋਇਆ । ਜਿਸ ਪਿੰਡ ਮਾਖੇਵਾਲਾ ਤੇ ਕੁਸਲੇ ‘ਚ ਮੁਕਾਬਲਾ ਹੋਇਆ ਹੈ। ਜਿਸ ‘ਚ ਪਿੰਡ ਮਾਖੇਵਾਲਾ ਜੇਤੂ ਰਿਹਾ ਹੈ।ਮਾਨਸਾ ਦੇ ਮਾਖੇਵਾਲਾ ਪਿੰਡ ਦੀ ਟੀਮ ਨੂੰ ਬਤੌਰ ਇਨਾਮ ਪੰਜਾਹ ਹਜ਼ਾਰ ਰੁਪਏ ਦਿੱਤੇ ਗਏ ਹਨ ।

ਇਸ ਪਿੰਡ ਦੇ ਬੱਤੀ ਮੁੰਡਿਆਂ ਨੇ ਇੱਕ ਘੰਟਾ ਵੀਹ ਮਿੰਟ ‘ਚ ਤਿੰਨ ਕਿੱਲਿਆਂ ‘ਚ ਝੋਨਾ ਲਗਾ ਦਿੱਤਾ ਹੈ। ਜਿਸ ਤੋਂ ਬਾਅਦ ਪਿੰਡ ਦੀ ਟੀਮ ਨੂੰ ਟਰਾਫੀ ਤੇ ਪੰਜਾਹ ਹਜ਼ਾਰ ਰੁਪਏ ਨਾਲ ਸਨਮਾਨਿਤ ਕੀਤਾ ਗਿਆ ।

ਸੋਸ਼ਲ ਮੀਡੀਆ ‘ਤੇ ਇਸ ਪਿੰਡ ਦੇ ਮੁੰਡਿਆਂ ਦੀ ਤਾਰੀਫ ਹੋ ਰਹੀ ਹੈ ਅਤੇ ਹਰ ਕੋਈ ਇਸ ਤੋਂ ਖੁਸ਼ ਵੀ ਹੈ । ਇਸ ਦੇ ਨਾਲ ਹੀ ਲੋਕ ਅਜਿਹੇ ਮੁਕਾਬਲੇ ਕਰਵਾਉਣ ਦੀ ਸ਼ਲਾਘਾ ਵੀ ਕਰ ਰਹੇ ਹਨ। 

ਨਸ਼ਾ ਮੁਕਤ ਹਨ ਸਾਰੇ ਨੌਜਵਾਨ 

ਮਾਖੇਵਾਲਾ ਪਿੰਡ ਦੇ ਸਾਰੇ ਨੌਜਵਾਨ ਨਸ਼ਾਰਹਿਤ ਹਨ ਅਤੇ ਨੌਜਵਾਨਾਂ ਦਾ ਕਹਿਣਾ ਹੈ ਕਿ ਪੰਜਾਬ ਨੂੰ ਅਕਸਰ ਨਸ਼ੇੜੀ ਕਹਿ ਕੇ ਬਦਨਾਮ ਕੀਤਾ ਜਾਂਦਾ ਹੈ। ਪਰ ਅੱਜ ਦੇ ਇਸ ਮੁਕਾਬਲੇ ਨੇ ਸਾਬਿਤ ਕਰ ਦਿੱਤਾ ਹੈ ਕਿ ਪੰਜਾਬ ਦੀ ਜਵਾਨੀ ‘ਚ ਅੱਜ ਵੀ ਓਨਾਂ ਹੀ ਜੋਸ਼ ਹੈ ਜਿੰਨਾ ਕਿ ਪਹਿਲਾਂ ਉਨ੍ਹਾਂ ਦੇ ਵੱਡੇ ਵਡੇਰਿਆਂ ‘ਚ ਹੁੰਦਾ ਸੀ।