‘ਟਟੀਹਰੀ’ ਗੀਤ ਵਿਵਾਦ ਤੋਂ ਬਾਅਦ ਹੁਣ ਬਾਦਸ਼ਾਹ ਨੂੰ ਲਾਰੈਂਸ ਬਿਸ਼ਨੋਈ ਤੋਂ ਮਿਲੀ ਧਮਕੀ

ਰੈਪਰ ‘ਤੇ ਗਾਇਕ ਬਾਦਸ਼ਾਹ (Badshah) ਦੀਆਂ ਮੁਸ਼ਕਿਲਾਂ ਘਟਦੀਆਂ ਨਜ਼ਰ ਨਹੀਂ ਆ ਰਹੀਆਂ ਹਨ।ਹੁਣ ਗਾਇਕ ਨੂੰ ਲਾਰੈਂਸ ਬਿਸ਼ਨੋਈ ਤੋਂ ਧਮਕੀ ਮਿਲੀ ਹੈ। ਲਾਰੈਂਸ਼ ਬਿਸ਼ਨੋਈ ਗਿਰੋਹ ਦੇ ਮੈਂਬਰਾਂ ਦੇ ਵੱਲੋਂ ਕਥਿਤ ਪੋਸਟ ‘ਚ ਬਾਦਸ਼ਾਹ ਨੂੰ ‘ਮੱਥੇ ‘ਤੇ ਗੋਲੀ ਮਾਰਨ’ ਦੀ ਧਮਕੀ ਦਿੱਤੀ ਗਈ ਹੈ।ਇਸ ਪੋਸਟ ‘ਚ ਲਿਖਿਆ ਹੈ ‘ਗਾਇਕ ਬਾਦਸ਼ਾਹ ਤੁੂੰ ਹਰਿਆਣਾ ਦੇ ਸੱਭਿਆਚਾਰ ਨੂੰ ਬਰਬਾਦ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ।ਅਸੀਂ 2024 ‘ਚ ਤੇਰੇ ਕਲੱਬ ‘ਚ ਤੈਨੂੰ ਟ੍ਰੇਲਰ ਵਿਖਾਇਆ ਸੀ, ਅਗਲੀ ਵਾਰ ਤੇਰੇ ਮੱਥੇ ‘ਚ ਸਿੱਧੀ ਗੋਲੀ ਮਾਰ ਦਿਆਂਗੇ’।

ਦੱਸ ਦਈਏ ਕਿ 2024 ‘ਚ ਚੰਡੀਗੜ੍ਹ ਦੇ ਇੱਕ ਕਲੱਬ ਦੇ ਲਾਊਂਜ ਦੇ ਬਾਹਰ ਇੱਕ ਵਿਸਫੋਟ ਹੋਇਆ ਸੀ ।ਜਿਸਦੀ ਮਾਲਕੀ ਗਾਇਕ ਤੇ ਰੈਪਰ ਬਾਦਸ਼ਾਹ ਦੇ ਕੋਲ ਹੈ।ਇਸ ਦੀ ਜ਼ਿੰਮੇਵਾਰੀ ਕੈਨੇਡਾ ਸਥਿਤ ਗੈਂਗਸਟਰ ਗੋਲਡੀ ਬਰਾੜ ਨੇ ਲਈ ਸੀ, ਜਿਸ ਦਾ ਸਬੰਧ ਲਾਰੈਂਸ ਬਿਸ਼ਨੋਈ ਦੇ ਨਾਲ ਸੀ।

  ‘ਟਟੀਹਰੀ’ ਗਾ ਕੇ ਬੁਰੇ ਫਸੇ ਬਾਦਸ਼ਾਹ 

  ਕੁਝ ਦਿਨ ਪਹਿਲਾਂ ਬਾਦਸ਼ਾਹ ਦਾ ਗੀਤ ‘ਟਟੀਹਰੀ’ ਰਿਲੀਜ਼ ਹੋਇਆ ਹੈ। ਜਿਸ ‘ਚ ਕੁਝ ਇਤਰਾਜ਼ਯੋਗ ਸ਼ਬਦਾਂ ਦਾ ਇਸਤੇਮਾਲ ਕੀਤਾ ਗਿਆ ਹੈ। ਜਿਸ ਤੋਂ ਬਾਅਦ ਮਹਿਲਾ ਕਮਿਸ਼ਨ ਦੇ ਵੱਲੋਂ ਕਰੜਾ ਇਤਰਾਜ਼ ਜਤਾਉਂਦੇ ਬਾਦਸ਼ਾਹ ਨੂੰ ਪੇਸ਼ ਹੋਣ ਦੇ ਹੁਕਮ ਕੀਤੇ ਗਏ ਸਨ ।ਪਰ ਬਾਦਸ਼ਾਹ ਕਮਿਸ਼ਨ ਦੇ ਸਾਹਮਣੇ ਪੇਸ਼ ਨਹੀਂ ਹੋਏ ਅਤੇ ਬੀਤੇ ਦਿਨੀਂ ਉਨ੍ਹਾਂ ਨੇ ਆਪਣੇ ਵਕੀਲ ਨੂੰ ਭੇਜਿਆ ਸੀ ਪਰ ਪਾਣੀਪਤ ਦੀ ਮਹਿਲਾ ਕਮਿਸ਼ਨ ਦੀ ਚੇਅਰ ਪਰਸਨ ਨੇ ਵਕੀਲ ਦੇ ਨਾਲ ਗੱਲ ਕਰਨੋਂ ਇਨਕਾਰ ਕਰ ਦਿੱਤਾ ਸੀ ਅਤੇ ਬਾਦਸ਼ਾਹ ਦੀ ਗ੍ਰਿਫਤਾਰੀ ਦੇ ਹੁਕਮ ਜਾਰੀ ਕੀਤੇ ਸਨ।