ਸ਼ਾਹਰੁਖ ਖ਼ਾਨ ਦੇ ‘ਮੰਨਤ’ ਬੰਗਲੇ ਦੀ ਰੈਨੋਵੇਸ਼ਨ ਦਾ ਰਸਤਾ ਸਾਫ਼, ਗੌਰੀ ਤੇ ਸ਼ਾਹਰੁਖ ਖ਼ਾਨ ਨੂੰ ਸੁਪਰੀਮ ਕੋਰਟ ਤੋਂ ਵੱਡੀ ਰਾਹਤ
ਬਾਲੀਵੁੱਡ ਦੇ 'ਕਿੰਗ ਖ਼ਾਨ' ਯਾਨੀ ਸ਼ਾਹਰੁਖ ਖ਼ਾਨ ਦਾ ਬੰਗਲਾ ‘ਮੰਨਤ' ਸਿਰਫ਼ ਇੱਕ ਘਰ ਨਹੀਂ, ਸਗੋਂ ਮੁੰਬਈ ਆਉਣ ਵਾਲੇ ਹਰ ਸੈਲਾਨੀ ਲਈ ਇੱਕ ਯਾਦਗਾਰ ਲੈਂਡਮਾਰਕ ਹੈ। ਹਾਲ ਹੀ ਵਿੱਚ ਇਸ ਆਲੀਸ਼ਾਨ ਬੰਗਲੇ ਨੂੰ ਲੈ ਕੇ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਸੁਪਰੀਮ ਕੋਰਟ ਨੇ ‘ਮੰਨਤ' ਦੇ ਵਿਸਥਾਰ ਅਤੇ ਰੈਨੋਵੇਸ਼ਨ ਦੇ ਰਸਤੇ ਵਿੱਚ ਆ ਰਹੀਆਂ ਕਾਨੂੰਨੀ ਅੜਚਨਾਂ ਨੂੰ ਦੂਰ ਕਰ ਦਿੱਤਾ ਹੈ।
ਬਾਲੀਵੁੱਡ ਦੇ 'ਕਿੰਗ ਖ਼ਾਨ' ਯਾਨੀ ਸ਼ਾਹਰੁਖ ਖ਼ਾਨ ਦਾ ਬੰਗਲਾ ‘ਮੰਨਤ' ਸਿਰਫ਼ ਇੱਕ ਘਰ ਨਹੀਂ, ਸਗੋਂ ਮੁੰਬਈ ਆਉਣ ਵਾਲੇ ਹਰ ਸੈਲਾਨੀ ਲਈ ਇੱਕ ਯਾਦਗਾਰ ਲੈਂਡਮਾਰਕ ਹੈ। ਹਾਲ ਹੀ ਵਿੱਚ ਇਸ ਆਲੀਸ਼ਾਨ ਬੰਗਲੇ ਨੂੰ ਲੈ ਕੇ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਸੁਪਰੀਮ ਕੋਰਟ ਨੇ ‘ਮੰਨਤ' ਦੇ ਵਿਸਥਾਰ ਅਤੇ ਰੈਨੋਵੇਸ਼ਨ ਦੇ ਰਸਤੇ ਵਿੱਚ ਆ ਰਹੀਆਂ ਕਾਨੂੰਨੀ ਅੜਚਨਾਂ ਨੂੰ ਦੂਰ ਕਰ ਦਿੱਤਾ ਹੈ। 14 ਜੁਲਾਈ 2026 ਨੂੰ ਸੁਪਰੀਮ ਕੋਰਟ ਨੇ ਬੰਗਲੇ ਦੇ ਕੋਸਟਲ ਰੈਗੂਲੇਸ਼ਨ ਜ਼ੋਨ (CRZ) ਕਲੀਅਰੈਂਸ ਦੇ ਖਿਲਾਫ਼ ਦਾਇਰ ਪਟੀਸ਼ਨ ਨੂੰ ਖਾਰਜ ਕਰ ਦਿੱਤਾ ਹੈ, ਜਿਸ ਨਾਲ ਹੁਣ ਸ਼ਾਹਰੁਖ ਖ਼ਾਨ ਆਪਣੇ ਘਰ ਵਿੱਚ ਦੋ ਹੋਰ ਮੰਜ਼ਿਲਾਂ ਜੋੜ ਸਕਣਗੇ।
18 ਕਰੋੜ ਤੋਂ 300 ਕਰੋੜ ਤੱਕ ਦਾ ਸਫ਼ਰ
ਸ਼ਾਹਰੁਖ ਖ਼ਾਨ ਨੇ 'ਮਨੱਤ' ਨੂੰ ਸਾਲ 2001 ਵਿੱਚ ਲਗਭਗ 13.32 ਕਰੋੜ ਰੁਪਏ (ਰਜਿਸਟ੍ਰੇਸ਼ਨ ਅਤੇ ਹੋਰ ਖਰਚਿਆਂ ਸਮੇਤ ਲਗਭਗ 18 ਕਰੋੜ) ਵਿੱਚ ਖਰੀਦਿਆ ਸੀ। ਅੱਜ ਇਸ ਪ੍ਰਾਪਰਟੀ ਦੀ ਕੀਮਤ 300 ਕਰੋੜ ਰੁਪਏ ਤੋਂ ਵੀ ਵੱਧ ਦੱਸੀ ਜਾਂਦੀ ਹੈ। ਪਰ ਇਸ ਬੰਗਲੇ ਨੂੰ ਹਾਸਲ ਕਰਨ ਪਿੱਛੇ ਇੱਕ ਬਹੁਤ ਹੀ ਦਿਲਚਸਪ ਕਹਾਣੀ ਹੈ।
ਗੱਲ 1997 ਦੀ ਹੈ, ਜਦੋਂ ਸ਼ਾਹਰੁਖ ਖ਼ਾਨ ਆਪਣੀ ਫ਼ਿਲਮ 'ਯੇਸ ਬੌਸ' ਦੇ ਮਸ਼ਹੂਰ ਗਾਣੇ 'ਚਾਂਦ ਤਾਰੇ' ਦੀ ਸ਼ੂਟਿੰਗ ਕਰ ਰਹੇ ਸਨ। ਉਸ ਸਮੇਂ ਉਨ੍ਹਾਂ ਨੇ ਪਹਿਲੀ ਵਾਰ ਇਸ ਖੂਬਸੂਰਤ ਬੰਗਲੇ ਨੂੰ ਦੇਖਿਆ ਸੀ। ਹਾਲਾਂਕਿ, ਜਦੋਂ ਉਹ ਇਸ ਦੇ ਨੇੜੇ ਗਏ ਤਾਂ ਸੁਰੱਖਿਆ ਕਰਮਚਾਰੀਆਂ ਨੇ ਉਨ੍ਹਾਂ ਨੂੰ ਉੱਥੋਂ ਭਜਾ ਦਿੱਤਾ ਸੀ। ਉਸ ਸਮੇਂ ਸ਼ਾਹਰੁਖ ਨੇ ਮਜ਼ਾਕ ਵਿੱਚ ਕਿਹਾ ਸੀ ਕਿ ਇੱਕ ਦਿਨ ਇਹ ਪ੍ਰਾਪਰਟੀ ਉਨ੍ਹਾਂ ਦੀ ਹੋਵੇਗੀ। ਕੌਣ ਜਾਣਦਾ ਸੀ ਕਿ ਕੁਝ ਸਾਲਾਂ ਬਾਅਦ ਇਹ ਸੁਪਨਾ ਹਕੀਕਤ ਬਣ ਜਾਵੇਗਾ।
'ਵਿਲਾ ਵਿਏਨਾ' ਤੋਂ '‘ਮੰਨਤ'' ਤੱਕ
ਇਹ ਬੰਗਲਾ ਪਹਿਲਾਂ 'ਬਾਈ ਖੋਰਸ਼ੇਦ ਭਾਨੂ ਸੰਜਨਾ ਟਰੱਸਟ' ਦੀ ਮਲਕੀਅਤ ਸੀ ਅਤੇ ਇਸ ਦਾ ਨਾਂ 'ਵਿਲਾ ਵਿਏਨਾ' ਸੀ। ਸ਼ਾਹਰੁਖ ਨੇ ਇਸ ਨੂੰ ਗੁਜਰਾਤੀ ਕਾਰੋਬਾਰੀ ਨਰੀਮਨ ਦੁਬਾਸ਼ ਤੋਂ ਖਰੀਦਿਆ ਸੀ। ਸ਼ੁਰੂ ਵਿੱਚ ਸ਼ਾਹਰੁਖ ਇਸ ਦਾ ਨਾਂ 'ਜੰਨਤ' ਰੱਖਣਾ ਚਾਹੁੰਦੇ ਸਨ, ਪਰ ਜਿਵੇਂ ਹੀ ਉਨ੍ਹਾਂ ਨੇ ਇਹ ਘਰ ਖਰੀਦਿਆ, ਉਨ੍ਹਾਂ ਦੀਆਂ ਸਾਰੀਆਂ ਮਨੋਕਾਮਨਾਵਾਂ ਪੂਰੀਆਂ ਹੋਣ ਲੱਗੀਆਂ, ਇਸ ਲਈ ਉਨ੍ਹਾਂ ਨੇ ਇਸ ਦਾ ਨਾਂ ਬਦਲ ਕੇ ‘ਮੰਨਤ'ਰੱਖ ਦਿੱਤਾ।
ਮਨੱਤ ਦਾ ਇੰਟੀਰੀਅਰ ਖੁਦ ਗੌਰੀ ਖ਼ਾਨ ਨੇ ਡਿਜ਼ਾਈਨ ਕੀਤਾ ਹੈ। ਦੱਸਿਆ ਜਾਂਦਾ ਹੈ ਕਿ ਗੌਰੀ ਦੇ ਇੰਟੀਰੀਅਰ ਡਿਜ਼ਾਈਨਿੰਗ ਕਰੀਅਰ ਦੀ ਸ਼ੁਰੂਆਤ ਵੀ ਇਸੇ ਬੰਗਲੇ ਤੋਂ ਹੋਈ ਸੀ। ਅੱਜ ਇਸ ਵਿੱਚ ਉਹ ਸਾਰੀਆਂ ਸਹੂਲਤਾਂ ਮੌਜੂਦ ਹਨ ਜਿਨ੍ਹਾਂ ਦਾ ਕੋਈ ਸੁਪਨਾ ਹੀ ਲੈ ਸਕਦਾ ਹੈ।
ਮਨੱਤ ਦੀਆਂ ਖ਼ਾਸ ਗੱਲਾਂ:
ਪ੍ਰਾਈਵੇਟ ਆਡੀਟੋਰੀਅਮ: ਘਰ ਦੇ ਅੰਦਰ ਹੀ 42 ਸੀਟਾਂ ਵਾਲਾ ਇੱਕ ਆਲੀਸ਼ਾਨ ਪ੍ਰਾਈਵੇਟ ਸਿਨੇਮਾ ਹਾਲ ਹੈ।
ਲਾਇਬ੍ਰੇਰੀ ਅਤੇ ਜਿਮ: ਪੜ੍ਹਨ ਦੇ ਸ਼ੌਕੀਨਾਂ ਲਈ ਇੱਕ ਵਿਸ਼ਾਲ ਲਾਇਬ੍ਰੇਰੀ ਅਤੇ ਵਿਸ਼ਵ ਪੱਧਰੀ ਜਿਮ।
ਟੈਰੇਸ ਗਾਰਡਨ: ਸਮੁੰਦਰ ਵੱਲ ਮੂੰਹ ਕਰਦਾ ਇੱਕ ਖੂਬਸੂਰਤ ਟੈਰੇਸ ਗਾਰਡਨ।
ਵਿਸ਼ੇਸ਼ ਸਪੇਸ: ਮਨੱਤ ਵਿੱਚ ਵੱਖ-ਵੱਖ ਮੀਟਿੰਗ ਰੂਮ ਅਤੇ ਅਵਾਰਡ ਰੂਮ ਵੀ ਹਨ।
ਸੁਪਰੀਮ ਕੋਰਟ ਦਾ ਵੱਡਾ ਫੈਸਲਾ: ਮਿਲਿਆ ਵਿਸਥਾਰ ਦਾ ਰਾਹ
14 ਜੁਲਾਈ 2026 ਨੂੰ ਚੀਫ਼ ਜਸਟਿਸ ਸੂਰਿਆਕਾਂਤ, ਜਸਟਿਸ ਜੌਏਮਾਲਿਆ ਬਾਗਚੀ ਅਤੇ ਜਸਟਿਸ ਵੀ. ਮੋਹਨਾ ਦੀ ਬੈਂਚ ਨੇ ਇੱਕ ਅਹਿਮ ਫੈਸਲਾ ਸੁਣਾਇਆ। ਅਦਾਲਤ ਨੇ ਸਮਾਜਿਕ ਕਾਰਕੁਨ ਸੰਤੋਸ਼ ਦੌਂਡਕਰ ਵੱਲੋਂ ਦਾਇਰ ਪਟੀਸ਼ਨ ਨੂੰ ਖਾਰਜ ਕਰ ਦਿੱਤਾ, ਜਿਸ ਵਿੱਚ ਮਨੱਤ ਨੂੰ ਦਿੱਤੇ ਗਏ ਕੋਸਟਲ ਰੈਗੂਲੇਸ਼ਨ ਜ਼ੋਨ (CRZ) ਕਲੀਅਰੈਂਸ ਨੂੰ ਚੁਣੌਤੀ ਦਿੱਤੀ ਗਈ ਸੀ।
ਕੋਰਟ ਦੀਆਂ ਮੁੱਖ ਟਿੱਪਣੀਆਂ:
ਪਟੀਸ਼ਨਰ ਦੀ ਨੀਅਤ 'ਤੇ ਸਵਾਲ: ਸੁਪਰੀਮ ਕੋਰਟ ਨੇ ਨੈਸ਼ਨਲ ਗ੍ਰੀਨ ਟ੍ਰਿਬਿਊਨਲ (NGT) ਦੇ ਫੈਸਲੇ ਨੂੰ ਬਰਕਰਾਰ ਰੱਖਿਆ ਅਤੇ ਪਟੀਸ਼ਨਰ ਦੀ ਨੀਅਤ (bona fides) 'ਤੇ ਸਵਾਲ ਉਠਾਏ। ਕੋਰਟ ਨੇ ਮੰਨਿਆ ਕਿ ਇਹ ਪਟੀਸ਼ਨ ਸਿਰਫ਼ ਵਿਵਾਦ ਪੈਦਾ ਕਰਨ ਲਈ ਲਗਾਈ ਗਈ ਸੀ।
7ਵੀਂ ਅਤੇ 8ਵੀਂ ਮੰਜ਼ਿਲ ਦੀ ਮਨਜ਼ੂਰੀ: ਅਦਾਲਤ ਦੇ ਇਸ ਫੈਸਲੇ ਤੋਂ ਬਾਅਦ ਹੁਣ ਮਨੱਤ ਦੀਆਂ ਮੌਜੂਦਾ 6 ਮੰਜ਼ਿਲਾਂ ਉੱਪਰ 2 ਹੋਰ ਮੰਜ਼ਿਲਾਂ (7ਵੀਂ ਅਤੇ 8ਵੀਂ) ਜੋੜਨ ਦਾ ਰਾਹ ਸਾਫ਼ ਹੋ ਗਿਆ ਹੈ।
ਕਾਨੂੰਨੀ ਕਲੀਅਰੈਂਸ: ਮਹਾਰਾਸ਼ਟਰ ਕੋਸਟਲ ਜ਼ੋਨ ਮੈਨੇਜਮੈਂਟ ਅਥਾਰਟੀ (MCZMA) ਨੇ ਜਨਵਰੀ 2025 ਵਿੱਚ ਹੀ CRZ ਕਲੀਅਰੈਂਸ ਦੇ ਦਿੱਤੀ ਸੀ। ਇਸ ਤੋਂ ਇਲਾਵਾ, ਬ੍ਰਿਹਨਮੁੰਬਈ ਮਿਉਂਸਪਲ ਕਾਰਪੋਰੇਸ਼ਨ (MCGM) ਨੇ 7 ਨਵੰਬਰ 2024 ਨੂੰ ਬਿਲਡਿੰਗ ਪਲਾਨ ਨੂੰ ਮਨਜ਼ੂਰੀ ਦਿੱਤੀ ਸੀ।
CRZ-II ਸ਼੍ਰੇਣੀ: ਜਾਂਚ ਵਿੱਚ ਪਾਇਆ ਗਿਆ ਕਿ ਇਹ ਸਾਈਟ CRZ-II ਕੈਟੇਗਰੀ ਵਿੱਚ ਆਉਂਦੀ ਹੈ, ਜਿੱਥੇ ਨਿਯਮਾਂ ਅਨੁਸਾਰ ਉਸਾਰੀ ਦੀ ਇਜਾਜ਼ਤ ਦਿੱਤੀ ਜਾ ਸਕਦੀ ਹੈ।
ਰੀਨੋਵੇਸ਼ਨ ਲਈ ਹੋਏ ਸਨ ਸ਼ਿਫਟ
ਇਹ ਵੀ ਦੱਸਣਯੋਗ ਹੈ ਕਿ ਅਪ੍ਰੈਲ 2025 ਵਿੱਚ, ਜਦੋਂ ਰੀਨੋਵੇਸ਼ਨ ਦਾ ਕੰਮ ਸ਼ੁਰੂ ਹੋਇਆ ਸੀ, ਤਾਂ ਸ਼ਾਹਰੁਖ ਖ਼ਾਨ ਆਪਣੇ ਪਰਿਵਾਰ ਸਮੇਤ ਪਾਲੀ ਹਿੱਲ ਸਥਿਤ 'ਪੂਜਾ ਕਾਸਾ' ਨਾਮਕ ਇਮਾਰਤ ਵਿੱਚ ਸ਼ਿਫਟ ਹੋ ਗਏ ਸਨ। ਹੁਣ ਜਦੋਂ ਸੁਪਰੀਮ ਕੋਰਟ ਤੋਂ ਹਰੀ ਝੰਡੀ ਮਿਲ ਗਈ ਹੈ, ਤਾਂ ਉਮੀਦ ਹੈ ਕਿ 'ਮਨੱਤ' ਪਹਿਲਾਂ ਨਾਲੋਂ ਵੀ ਵੱਡਾ ਅਤੇ ਸ਼ਾਨਦਾਰ ਬਣ ਕੇ ਉਭਰੇਗਾ।
ਸ਼ਾਹਰੁਖ ਖ਼ਾਨ ਦੇ ਪ੍ਰਸ਼ੰਸਕਾਂ ਲਈ ਇਹ ਖ਼ੁਸ਼ੀ ਦੀ ਖ਼ਬਰ ਹੈ ਕਿਉਂਕਿ ਉਨ੍ਹਾਂ ਦੇ ਮਨਪਸੰਦ ਸਿਤਾਰੇ ਦਾ ਘਰ ਹੁਣ ਕਾਨੂੰਨੀ ਤੌਰ 'ਤੇ ਨਵੀਆਂ ਉਚਾਈਆਂ ਨੂੰ ਛੂਹਣ ਲਈ ਤਿਆਰ ਹੈ।