ਇੱਕ ਮਹੀਨੇ ਦੀ ਹੋਈ ਅਦਾਕਾਰ ਰਣਦੀਪ ਹੁੱਡਾ ਦੀ ਧੀ, ਜਾਣੋ ਧੀ ਦਾ ਕੀ ਰੱਖਿਆ ਨਾਮ
ਰਣਦੀਪ ਹੁੱਡਾ ਦੀ ਧੀ ਇੱਕ ਮਹੀਨੇ ਦੀ ਹੋ ਗਈ ਹੈ।ਇੱਕ ਮਹੀਨੇ ਦੀ ਹੋਣ ਤੋਂ ਬਾਅਦ ਉਨ੍ਹਾਂ ਨੇ ਆਪਣੀ ਧੀ ਦਾ ਨਾਮ ਰੱਖਿਆ ਹੈ। ਦੋਵਾਂ ਨੇ ਆਪਣੀ ਧੀ ਦਾ ਨਾਮ ਨਿਓਮਿਕਾ ਰੱਖਿਆ ਹੈ ਅਤੇ ਇੱਕ ਪੋਸਟ ਸਾਂਝੀ ਕਰਦੇ ਹੋਏ ਇਸ ਦਾ ਖੁਲਾਸਾ ਕੀਤਾ ਹੈ। ਫੈਨਸ ਨੇ ਵੀ ਉਨ੍ਹਾਂ ਦੀ ਇਸ ਪੋਸਟ ‘ਤੇ ਰਿਐਕਸ਼ਨ ਦਿੱਤੇ ਹਨ ।
ਰਣਦੀਪ ਹੁੱਡਾ (Randeep Hooda) ਦੀ ਧੀ ਇੱਕ ਮਹੀਨੇ ਦੀ ਹੋ ਗਈ ਹੈ।ਇੱਕ ਮਹੀਨੇ ਦੀ ਹੋਣ ਤੋਂ ਬਾਅਦ ਉਨ੍ਹਾਂ ਨੇ ਆਪਣੀ ਧੀ ਦਾ ਨਾਮ ਰੱਖਿਆ ਹੈ। ਦੋਵਾਂ ਨੇ ਆਪਣੀ ਧੀ ਦਾ ਨਾਮ ਨਿਓਮਿਕਾ ਰੱਖਿਆ ਹੈ ਅਤੇ ਇੱਕ ਪੋਸਟ ਸਾਂਝੀ ਕਰਦੇ ਹੋਏ ਇਸ ਦਾ ਖੁਲਾਸਾ ਕੀਤਾ ਹੈ। ਫੈਨਸ ਨੇ ਵੀ ਉਨ੍ਹਾਂ ਦੀ ਇਸ ਪੋਸਟ ‘ਤੇ ਰਿਐਕਸ਼ਨ ਦਿੱਤੇ ਹਨ । ਇਸ ਦੇ ਨਾਲ ਹੀ ਇਸ ਜੋੜੀ ਨੇ ਇਸ ਨਾਮ ਦੇ ਅਰਥ ਵੀ ਦੱਸੇ ਹਨ । ਇਸ ਨਾਮ ਦਾ ਅਰਥ ਹੈ ਪ੍ਰਮਾਤਮਾ ਦੀ ਕਿਰਪਾ, ਆਜ਼ਾਦੀ ਅਤੇ ਅਸਮਾਨ ਵਾਂਗ ਵਿਸ਼ਾਲ ਹੋਣਾ। ਇਸ ਨਾਮ ਨੂੰ ਹੋਰ ਵੀ ਖ਼ਾਸ ਬਣਾਉਂਦਾ ਹੈ ਕਿ ਇਸ ਨੂੰ ਰਣਦੀਪ ਹੁੱਡਾ ਦੀ ਭੈਣ ਅੰਜਲੀ ਹੁੱਡਾ ਨੇ ਚੁਣਿਆ ਹੈ।
ਜਿਸ ਨਾਲ ਇਹ ਭਾਵਨਾਤਮਕ ਪਰਿਵਾਰਕ ਜੁੜਾਅ ਬਣਦਾ ਹੈ। ਰਣਦੀਪ ਹੁੱਡਾ ਨੇ ਆਪਣੀ ਖੁਸ਼ੀ ਸਾਂਝੀ ਕਰਦੇ ਹੋਏ ਕਿਹਾ ਕਿ ‘ਆਪਣੀ ਧੀ ਦਾ ਨਾਮ ਰੱਖਣਾ ਸਾਡੇ ਲਈ ਬਹੁਤ ਹੀ ਖਾਸ ਤੇ ਭਾਵੁਕ ਪਲ ਰਿਹਾ ਹੈ। ਨਿਓਮਿਕਾ ਨਾਮ ਸੁਣਨ ‘ਚ ਹੀ ਸਾਨੂੰ ਪਹਿਲੀ ਵਾਰ ਹੀ ਵਧੀਆ ਲੱਗਿਆ।ਇਹ ਇੱਕ ਮਹੀਨਾ ਸਾਡੀ ਜ਼ਿੰਦਗੀ ਨੂੰ ਖੂਬਸੂਰਤ ਤਰੀਕੇ ਨਾਲ ਬਦਲ ਦੇਣ ਵਾਲਾ ਰਿਹਾ ਹੈ ਅਤੇ ਸਾਡੇ ਮਾਤਾ ਪਿਤਾ ਬਣਨ ਦੇ ਇਸ ਨਵੇਂ ਸਫਰ ਦੇ ਹਰ ਪਲ ਨੂੰ ਪੂਰੀ ਤਰ੍ਹਾਂ ਜੀ ਰਹੇ ਹਾਂ’ ।
ਰਣਦੀਪ ਹੁੱਡਾ ਦਾ ਵਰਕ ਫ੍ਰੰਟ
ਰਣਦੀਪ ਹੁੱਡਾ ਦੇ ਵਰਕ ਫ੍ਰੰਟ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਜਾਟ, ਹਾਈਵੇ, ਜਿਸਮ ੨, ਸਰਬਜੀਤ ਅਤੇ ਕਿੱਕ ਵਰਗੀਆਂ ਫ਼ਿਲਮਾਂ ‘ਚ ਕੰਮ ਕੀਤਾ ਹੈ। ਉਨ੍ਹਾਂ ਨੇ ਹਰ ਫ਼ਿਲਮ ‘ਚ ਵੱਖਰੀ ਤਰ੍ਹਾਂ ਦਾ ਕਿਰਦਾਰ ਨਿਭਾਇਆ ਹੈ ਅਤੇ ਉਨ੍ਹਾਂ ਦੀ ਅਦਾਕਾਰੀ ਨੂੰ ਦਰਸ਼ਕਾਂ ਦੇ ਵੱਲੋਂ ਬਹੁਤ ਜ਼ਿਆਦਾ ਪਸੰਦ ਕੀਤਾ ਜਾਂਦਾ ਹੈ।