ਭਾਰਤੀ ਸਿੰਘ ਦੂਜੀ ਵਾਰ ਬਣੀ ਮਾਂ, ਬੇਟੇ ਨੂੰ ਦਿੱਤਾ ਜਨਮ, ਸਾਥੀਆਂ ਨੇ ਸੈੱਟ ਤੇ ਵੰਡੀਆਂ ਮਠਿਆਈਆਂ

ਭਾਰਤੀ ਸਿੰਘ (Bharti Singh) ਦੂਜੀ ਵਾਰ ਮਾਂ ਬਣੀ ਹੈ। ਕਾਮੇਡੀਅਨ ਨੇ ਇੱਕ ਪੁੱਤਰ ਨੂੰ ਜਨਮ ਦਿੱਤਾ ਹੈ। ਜਿਉਂ ਹੀ ਭਾਰਤੀ ਸਿੰਘ ਦੇ ਦੂਜੀ ਵਾਰ ਮਾਂ ਬਣਨ ਦੀ ਖ਼ਬਰ ਉਨ੍ਹਾਂ ਦੇ ਸੈੱਟ ‘ਤੇ ਪਹੁੰਚੀ ਤਾਂ ਉਸ ਦੇ ਸਾਥੀ ਕਲਾਕਾਰਾਂ ਦੇ ਵਲੋਂ ਸੈੱਟ ਤੇ ਖੁਸ਼ੀ ਮਨਾਈ ਗਈ ਅਤੇ ਲੱਡੂ ਵੰਡੇ ਗਏ ।ਭਾਰਤੀ ਦੂਜੀ ਵਾਰ ਪੁੱਤਰ ਦੀ ਮਾਂ ਬਣੀ ਹੈ ਗੋਲਾ ਨੂੰ ਹੁਣ ਉਸ ਦਾ ਛੋਟਾ ਭਰਾ ਮਿਲ ਗਿਆ ਹੈ। 

ਭਾਰਤੀ ਦੀ ਇੱਛਾ ਰਹੀ ਅਧੂਰੀ 

ਭਾਰਤੀ ਸਿੰਘ ਦੂਜੀ ਔਲਾਦ ਦੇ ਰੂਪ ‘ਚ ਧੀ ਚਾਹੁੰਦੀ ਸੀ, ਪਰ ਉਸ ਦੇ ਘਰ ਮੁੜ ਤੋਂ ਪੁੱਤਰ ਦਾ ਜਨਮ ਹੋੋਇਆ । ਜਿਸ ਕਾਰਨ ਧੀ ਪੈਦਾ ਹੋਣ ਦੀ ਉਸ ਦੀ ਆਸ ਅਧੂਰੀ ਰਹਿ ਗਈ । ਦੱਸ ਦਈਏ ਕਿ ਕੁਝ ਚਿਰ ਪਹਿਲਾਂ ਭਾਰਤੀ ਸਿੰਘ ਨੇ ਕਿਹਾ ਸੀ ਕਿ ਉਹ ਔਲਾਦ ਦੇ ਰੂਪ ‘ਚ ਧੀ ਚਾਹੁੰਦੀ ਹੈ। ਉਸ ਦਾ ਵੀ ਜੀਅ ਕਰਦਾ ਹੈ ਕਿ ਉਹ ਆਪਣੀ ਧੀ ਦੇ ਲਈ ਲਹਿੰਗਾ ਬਣਾਵੇ ਅਤੇ ਉਸ ਨੂੰ ਵੱਖ ਵੱਖ ਤਰ੍ਹਾਂ ਦੀ ਡਰੈੱਸ ਪਹਿਨਾਵੇ । 

ਭਾਰਤੀ ਸਿੰਘ ਦਾ ਵਰਕ ਫਰੰਟ 

ਭਾਰਤੀ ਸਿੰਘ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਉਹ ਪਿਛਲੇ ਕਈ ਸਾਲਾਂ ਤੋਂ ਕਾਮੇਡੀ ਦੇ ਖੇਤਰ ‘ਚ ਸਰਗਰਮ ਹੈ ਅਤੇ ਉਹ ਹਰ ਕਿਸੇ ਨੂੰ ਆਪਣੇ ਕਾਮੇਡੀ ਪੰਚਸ ਦੇ ਨਾਲ ਹਸਾ-ਹਸਾ ਕੇ ਢਿੱਡੀਂ ਪੀੜਾਂ ਪਾਉਂਦੀ ਹੈ। ਉਸ ਦੇ ਵੱਲੋਂ ਕਾਮੇਡੀ ਸ਼ੋਅ ‘ਚ ਨਿਭਾਏ ਗਏ ਲੱਲੀ ਦੇ ਕਿਰਦਾਰ ਨੇ ਹਰ ਕਿਸੇ ਦਾ ਦਿਲ ਜਿੱਤਿਆ ਹੈ।