ਫ਼ਿਲਮ ‘ਤੂੰ ਮੇਰੀ, ਮੈਂ ਤੇਰਾ’ ਰਿਲੀਜ਼ ਹੋਣ ਤੋਂ ਬਾਅਦ ਕਾਰਤਿਕ ਆਰੀਅਨ ਤੇ ਅਨੰਨਿਆ ਪਾਂਡੇ ਗੁਰਦੁਆਰਾ ਸਾਹਿਬ ‘ਚ ਹੋਏ ਨਤਮਸਤਕ

ਕਾਰਤਿਕ ਆਰੀਅਨ (Kartik Aaryan) ਤੇ ਅਨੰਨਿਆ ਪਾਂਡੇ (Ananya Pandey) ਦੀ ਫ਼ਿਲਮ ‘ਤੂੰ ਮੇਰੀ ਮੈਂ ਤੇਰਾ’ ਰਿਲੀਜ਼ ਹੋ ਚੁੱਕੀ ਹੈ। ਇਸ ਫ਼ਿਲਮ ਦੇ ਰਿਲੀਜ਼ ਹੋਣ ਤੋਂ ਬਾਅਦ ਇਹ ਸਟਾਰ ਜੋੜੀ ਗੁਰਦੁਆਰਾ ਬੰਗਲਾ ਸਾਹਿਬ ‘ਚ ਨਤਮਸਤਕ ਹੋਣ ਦੇ ਲਈ ਪਹੁੰਚੀ । ਜਿੱਥੇ ਦੋਵਾਂ ਨੇ ਫ਼ਿਲਮ ਦੀ ਕਾਮਯਾਬੀ ਦੇ ਲਈ ਅਰਦਾਸ ਕੀਤੀ ਅਤੇ ਗੁਰਦੁਆਰਾ ਸਾਹਿਬ ‘ਚ ਕੁਝ ਸਮਾਂ ਬਿਤਾ ਕੇ ਸ਼ਬਦ ਕੀਰਤਨ ਤੇ ਗੁਰਬਾਣੀ ਦਾ ਵੀ ਅਨੰਦ ਮਾਣਿਆ ।

ਇਸ ਮੌਕੇ ਕਾਰਤਿਕ ਆਰੀਅਨ ਤੇ ਅਨੰਨਿਆ ਪਾਂਡੇ ਨੇ ਸਰੋਵਰ ਕਿਨਾਰੇ ਕੁਝ ਤਸਵੀਰਾਂ ਵੀ ਕਲਿੱਕ ਕਰਵਾਈਆਂ । ਜੋ ਕਿ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਹੀਆਂ ਹਨ । 

ਰੋਮਾਂਟਿਕ ਕਾਮੇਡੀ ਫ਼ਿਲਮ ਹੈ ‘ਤੂੰ ਮੇਰੀ ਮੈਂ ਤੇਰਾ’

ਕਾਰਤਿਕ ਆਰੀਅਨ ਤੇ ਅਨੰਨਿਆ ਪਾਂਡੇ ਦੀ ਇਹ ਫ਼ਿਲਮ ਰੋਮਾਂਟਿਕ ਕਾਮੇਡੀ ਹੈ। ਜਿਸ ਨੂੰ ਸਮੀਰ ਵਿਦਵਾਂਸ ਦੇ ਵੱਲੋਂ ਨਿਰਦੇਸ਼ਿਤ ਕੀਤਾ ਗਿਆ ਹੈ। ਇਹ ਫ਼ਿਲਮ ਕ੍ਰਿਸਮਸ ਦੇ ਮੌਕੇ ‘ਤੇ ਰਿਲੀਜ਼ ਕੀਤੀ ਗਈ ਹੈ। ਕਰਣ ਜੌਹਰ ਦੇ ਧਰਮਾ ਪ੍ਰੋਡਕਸ਼ਨ ਦੇ ਬੈਨਰ ਹੇਠ ਬਣੀ ਇਸ ਫ਼ਿਲਮ ‘ਚ ਕਾਰਤਿਕ ਤੇ ਅਨੰਨਿਆ ਤੋਂ ਇਲਾਵਾ ਜੈਕੀ ਸ਼ਰਾਫ ਅਤੇ ਨੀਨਾ ਗੁਪਤਾ ਵੀ ਅਹਿਮ ਕਿਰਦਾਰਾਂ ‘ਚ ਹਨ ।

ਇਸ ਤੋਂ ਪਹਿਲਾਂ ਫ਼ਿਲਮ ਦੇ ਗੀਤ ਰਿਲੀਜ਼ ਹੋਏ ਸਨ। ਜਿਨ੍ਹਾਂ ਨੂੰ ਦਰਸ਼ਕਾਂ ਦੇ ਵੱਲੋਂ ਬਹੁਤ ਜ਼ਿਆਦਾ ਪਸੰਦ ਕੀਤਾ ਗਿਆ ਸੀ ।ਇਸ ਦੇ ਨਾਲ ਹੀ ਫ਼ਿਲਮ ‘ਚ ਦਿਵਿਆ ਭਾਰਤੀ ਦੇ ਸੁਪਰ ਹਿੱਟ ਗੀਤ ‘ਸਾਤ ਸਮੰਦਰ ਪਾਰ’ ਨੂੰ ਵੀ ਰਿਕ੍ਰਿਏਟ ਕੀਤਾ ਗਆ ਹੈ । ਇਸ ਗਾਣੇ ਦੇ ਕਾਰਨ ਵਿਵਾਦ ਵੀ ਸ਼ੁਰੂ ਹੋ ਚੁੱਕਿਆ ਹੈ।