ਆਪਣੇ ਭਰਾ ਨੂੰ ਯਾਦ ਕਰਕੇ ਭਾਵੁਕ ਹੋਈ ਅਦਾਕਾਰਾ ਜਯਾ ਪ੍ਰਦਾ, ਸਾਂਝੀ ਕੀਤੀ ਭਾਵੁਕ ਪੋਸਟ

ਭਰਾ ਭੈਣਾਂ ਦਾ ਸਹਾਰਾ ਹੁੰਦੇ ਹਨ । ਮਾਪਿਆਂ ਤੋਂ ਬਾਅਦ ਭਰਾ ਹੀ ਹੁੰਦੇ ਹਨ ਜੋ ਭੈਣਾਂ ਦੇ ਮਾਪੇ ਹੁੰਦੇ ਹਨ ।ਕਿਉਂਕਿ ਮਾਪਿਆਂ ਤੋਂ ਬਾਅਦ ਧੀਆਂ ਆਪਣੇ ਭਰਾਵਾਂ ਦੇ ਨਾਲ ਹੀ ਮਿਲਦੀਆਂ ਵਰਤਦੀਆਂ ਹਨ।ਪਰ ਜਦੋਂ ਭਰਾ ਬੇਵਕਤੀ ਵਿਛੋੜਾ ਦੇ ਜਾਂਦੇ ਹਨ ਤਾਂ ਧੀਆਂ ਦਾ ਜਿਉਣਾ ਨਾ ਜਿਉਣਾ ਇੱਕ ਬਰਾਬਰ ਹੁੰਦਾ ਹੈ ਅਤੇ ਉਹ ਭਰਾਵਾਂ ਨੂੰ ਯਾਦ ਕਰਕੇ ਅਕਸਰ ਉਨ੍ਹਾਂ ਦਾ  ਮਨ ਦੁਖੀ ਹੋ ਜਾਂਦਾ ਹੈ।ਅਦਾਕਾਰਾ ਜਯਾ ਪ੍ਰਦਾ (Jaya Prada) ਦਾ ਭਰਾ ਵੀ ਇੱਕ ਸਾਲ ਪਹਿਲਾਂ ਉਨ੍ਹਾਂ ਨੂੰ ਵਿਛੋੜਾ ਦੇ ਗਿਆ ਸੀ ।ਅਦਾਕਾਰਾ ਜਯਾ ਪ੍ਰਦਾ ਨੇ ਆਪਣੇ ਭਰਾ ਦੀ ਇੱਕ ਤਸਵੀਰ ਸਾਂਝੀ ਕੀਤੀ ਹੈ।

ਇਸ ਤਸਵੀਰ ਨੂੰ ਸਾਂਝਾ ਕਰਦੇ ਹੋਏ ਅਦਾਕਾਰਾ ਨੇ ਭਾਵੁਕ ਨੋਟ ਵੀ ਸ਼ੇਅਰ ਕੀਤਾ ਹੈ। ਇਸ ਪੋਸਟ ‘ਚ ਉਨ੍ਹਾਂ ਨੇ ਲਿਖਿਆ “ਪਿਆਰੇ ਰਾਜਾ ਸਾਨੂੰ ਤੁਹਾਡੀ ਯਾਦ ਆ ਰਹੀ ਹੈ, ਸਿਰਫ਼ ਇੱਕ ਭਰਾ ਹੀ ਪਿਤਾ ਵਰਗਾ ਹੋ ਸਕਦਾ ਹੈ। ਮਾਂ ਵਾਂਗ ਦੇਖਭਾਲ, ਭੈਣ ਵਾਂਗ ਤੰਗ ਕਰਨਾ ਅਤੇ ਦੋਸਤ ਵਾਂਗ ਸਮਰਥਨ ਕਰਨਾ। ਤੁਹਾਨੂੰ ਸਾਨੂੰ ਛੱਡ ਕੇ ਇੱਕ ਸਾਲ ਹੋ ਗਿਆ ਹੈ, ਪਿਆਰੇ ਭਰਾ, ਪਰ ਇੱਕ ਵੀ ਦਿਨ ਤੁਹਾਨੂੰ ਯਾਦ ਕੀਤੇ ਬਿਨਾਂ ਨਹੀਂ ਜਾਂਦਾ। ਤੁਹਾਡਾ ਪਿਆਰ ਅਤੇ ਯਾਦਾਂ ਹਮੇਸ਼ਾ ਸਾਡੇ ਦਿਲਾਂ ਵਿੱਚ ਰਹਿੰਦੀਆਂ ਹਨ। ਤੁਹਾਨੂੰ ਹਮੇਸ਼ਾ ਯਾਦ ਕਰਦੇ ਹਾਂ। ਸਮਰਾਟ, ਜਯਾਪ੍ਰਦਾ, ਸ਼੍ਰੀਰਾਮ ਰੌਕੀ, ਸੌਂਦਰਿਆ, ਸਿਧਾਰਥ ਅਤੇ ਪਰਿਵਾਰ”।ਅਦਾਕਾਰਾ ਨੇ ਜਿਉਂ ਹੀ ਇਸ ਪੋਸਟ ਨੂੰ ਸਾਂਝਾ ਕੀਤਾ ਤਾਂ ਉਨ੍ਹਾਂ ਦੀ ਇਸ ਪੋਸਟ ‘ਤੇ ਫੈਨਸ ਦੇ ਨਾਲ ਨਾਲ ਸੈਲੀਬ੍ਰੇਟੀਜ਼ ਨੇ ਵੀ ਰਿਐਕਸ਼ਨ ਦਿੱਤੇ ਅਤੇ ਅਦਾਕਾਰਾ ਨੂੰ ਹੌਸਲਾ ਦਿੱਤਾ ।