ਅਸਰਾਨੀ ਨੂੰ ਦਿਲੋਂ ਸ਼ਰਧਾਂਜਲੀ : ਹਾਸਿਆਂ ਦਾ ਉਸਤਾਦ, ਜਿਸ ਨੇ ਹਰ ਪੀੜ੍ਹੀ ਨੂੰ ਹਸਾਇਆ

ਆਪਣੀ ਸ਼ਾਨਦਾਰ ਅਦਾਕਾਰੀ ਤੇ ਕਾਮੇਡੀ ਦੇ ਨਾਲ ਲੰਮੇ ਅਰਸੇ ਤੋਂ ਲੋਕਾਂ ਦੇ ਦਿਲਾਂ ਤੇ ਰਾਜ ਕਰਦੇ ਆ ਰਹੇ ਬੇਸ਼ਕੀਮਤੀ ਹੀਰੇ ਨੂੰ ਬੀਤੇ ਦਿਨੀਂ ਭਾਰਤੀ ਫ਼ਿਲਮ ਇੰਡਸਟਰੀ ਨੇ ਹਮੇਸ਼ਾ ਦੇ ਲਈ ਗੁਆ ਦਿੱਤਾ । ਲੱਖਾਂ ਲੋਕਾਂ ਨੂੰ ਆਪਣੀ ਕਾਮੇਡੀ ਦੇ ਨਾਲ ਹਸਾਉਣ ਵਾਲੇ ਮਹਾਨ ਅਦਾਕਾਰ ਗੋਵਰਧਨ ਅਸਰਾਨੀ (Govardhan Asrani)ਦਾ 84 ਸਾਲ ਦੀ ਉਮਰ ‘ਚ ਦਿਹਾਂਤ ਹੋ ਗਿਆ । ਅੱਜ ਉਨ੍ਹਾਂ ਨੂੰ ਯਾਦ ਕਰਦੇ ਹੋਏ ਅਸੀਂ ਸਿਰਫ਼ ਉਨ੍ਹਾਂ ਦੇ ਜਾਣ ਦਾ ਦੁੱਖ ਹੀ ਨਹੀਂ ਮਨਾ ਰਹੇ । ਬਲਕਿ ਅਸੀਂ ਆਪਣੇ ਬਚਪਨ ਤੋਂ ਹਸਾਉਂਦੇ ਆ ਰਹੇ ਕਲਾਕਾਰ ਨੂੰ ਯਾਦ ਕਰ ਰਹੇ ਹਾਂ ਜਿਸ ਨੇ ਸਾਨੂੰ ਕਈ ਵਾਰ ਹਸਾਇਆ ਅਤੇ ਸਾਡੇ ਚਿਹਰਿਆਂ ਤੇ ਮੁਸਕਾਨ ਲਿਆਂਦੀ । 

ਜੀਟੀਸੀ ਨੈੱਟਵਰਕ ‘ਤੇ ਅਸੀਂ ਉਨ੍ਹਾਂ ਦੰਤ ਕਥਾਵਾਂ ਦਾ ਜਸ਼ਨ ਮਨਾਉਣ ‘ਚ ਵਿਸ਼ਵਾਸ ਰੱਖਦੇ ਹਾਂ । ਜਿਨ੍ਹਾਂ ਨੇ ਸਾਡੀ ਮਨੋਰੰਜਨ ਦੀ ਦੁਨੀਆ ਨੂੰ ਆਕਾਰ ਦਿੱਤਾ ਅਤੇ ਅਸਰਾਨੀ ਉਨ੍ਹਾਂ ਚੋਂ ਇੱਕ ਸਨ । ਜਿਨ੍ਹਾਂ ਨੇ ਮਨੋਰੰਜਨ ਨੂੰ ਦੁਨੀਆ ਨੂੰ ਨਵਾਂ ਆਕਾਰ ਦੇਣ ‘ਚ ਮਹੱਤਵਪੂਰਨ ਭੂਮਿਕਾ ਨਿਭਾਈ । ਜੈਪੁਰ ਦੇ ਜੰਮਪਲ ਅਸਰਾਨੀ ਦਾ ਭਾਰਤੀ ਸਿਨੇਮਾ ਦੇ ਸਭ ਤੋਂ ਪਿਆਰੇ ਕਾਮਿਕ ਅਦਾਕਾਰ ਬਣਨ ਤੱਕ ਸਫ਼ਰ ਬੇਹੱਦ ਦਿਲਚਸਪ ਤੇ ਪ੍ਰੇਰਣਾਦਾਇਕ ਰਿਹਾ ਹੈ। 

ਜੈਪੁਰ ਤੋਂ ਸਟਾਰਡਮ : ਇੱਕ ਸੁਫ਼ਨਾ ਜੋ ਸੱਚ ਹੋਇਆ ! 

ਕੀ ਤੁਸੀਂ ਕਲਪਨਾ ਕਰ ਸਕਦੇ ਹੋ ? ਇੱਕ ਜਨਵਰੀ 1941 ਨੂੰ ਜੈਪੁਰ ਦੇ ਇੱਕ ਮੱਧ ਵਰਗੀ ਸਿੰਧੀ ਪਰਿਵਾਰ ‘ਚ ਜਨਮੇ ਨੌਜਵਾਨ ਗੋਵਰਧਨ ਅਸਰਾਨੀ ਨੇ ਕਦੇ ਸੁਫ਼ਨੇ ‘ਚ ਵੀ ਨਹੀਂ ਸੀ ਸੋਚਿਆ ਕਿ ਇੱਕ ਦਿਨ ਉਹ ਮਨੋਰੰਜਨ ਦੀ ਦੁਨੀਆ ਦਾ ਨਾਮੀ ਚਿਹਰਾ ਬਣ ਜਾਵੇਗਾ । ਜੋ ਕਈ ਪੀੜ੍ਹੀਆਂ ਨੂੰ ਹਸਾਏਗਾ । ਗੋਵਰਧਨ ਅਸਰਾਨੀ ਦੇ ਪਿਤਾ, ਵੰਡ ਤੋਂ   ਬਾਅਦ ਜੈਪੁਰ ਚਲੇ ਗਏ ਸਨ ਅਤੇ ਉੱਥੇ ਉਨ੍ਹਾਂ ਨੇ ਕਾਰਪੇਟ ਦੀ ਦੁਕਾਨ ਕੀਤੀ ਸੀ । 

ਅਸਰਾਨੀ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 1967 ‘ਚ ‘ਹਰੇ ਕਾਂਚ ਕੀ ਚੂੜੀਆਂ’ ਦੇ ਨਾਲ ਕੀਤੀ ਸੀ ।ਪਰ ਇਸ ਤੋਂ ਬਾਅਦ ਉਨ੍ਹਾਂ ਨੇ ਕਦੇ ਵੀ ਪਿੱਛੇ ਮੁੜ ਕੇ ਨਹੀਂ ਵੇਖਿਆ ਅਤੇ ਇਸ ਤੋਂ ਬਾਅਦ ਉਨ੍ਹਾਂ ਨੇ ਆਪਣੇ ਕਾਮਿਕ ਅੰਦਾਜ਼ ਦੇ ਨਾਲ ਨਾ ਸਿਰਫ਼ ਸਭ ਨੂੰ ਹਸਾਇਆ, ਬਲਕਿ ਅਜਿਹੇ ਕਿਰਦਾਰ ਨਿਭਾਏ ਜੋ ਦਰਸ਼ਕਾਂ ਦੇ ਦਿਲਾਂ ‘ਚ ਹਮੇਸ਼ਾ ਜਿਉਂਦੇ ਰਹਿਣਗੇ !

  

ਜੇਲ੍ਹਰ ਦਾ ਆਈਕਾਨਿਕ ਕਿਰਦਾਰ : ਸਿਨੇਮਾ ਦੇ ਇਤਿਹਾਸ ‘ਚ ਯਾਦਗਾਰ ਭੂਮਿਕਾ !

ਹੁਣ ਅਦਾਕਾਰ ਅਸਰਾਨੀ ਦੇ ਉਸ ਕਿਰਦਾਰ ਬਾਰੇ ਗੱਲ ਕਰਦੇ ਹਾਂ । ਜਿਸ ਨੇ ਉਨ੍ਹਾਂ ਨੂੰ ਸਿਨੇਮਾ ਦੇ ਇਤਿਹਾਸ ‘ਚ ਅਮਰ ਬਣਾ ਦਿੱਤਾ ! ਜਦੋਂ ਰਮੇਸ਼ ਸਿੱਪੀ ਨੇ ਅਸਰਾਨੀ ਨੂੰ ‘ਸ਼ੋਲੇ’ ਵਿੱਚ ਬੌਸੀ ਜੇਲ੍ਹਰ ਦੇ ਵਜੋਂ ਕਾਸਟ ਕੀਤਾ ਤਾਂ ਉਸ ਨੇ ਇਤਿਹਾਸ ਰਚਿਆ ਅਤੇ ਹੁਣ ਜਦੋਂ ਉਨ੍ਹਾਂ ਦਾ ਦਿਹਾਂਤ ਹੋਇਆ ਤਾਂ ਸਿੱਪੀ ਜੀ ਨੇ ਕਿਹਾ ? “ਉਨ੍ਹਾਂ ਨੇ ਬਹੁਤ ਕੰਮ ਕੀਤਾ, ਪਰ ਇਹ ਭੂਮਿਕਾ ਵੱਖਰੀ ਹੈ। ਇਹ ਇੱਕ ਅਜਿਹਾ ਕਿਰਦਾਰ ਸੀ ਜਿਸਨੂੰ ਨਿਭਾਉਣ ਵਾਸਤੇ ਹੀ ਉਹ ਪੈਦਾ ਹੋਇਆ ਸੀ”।

ਇਸ ਕਿਰਦਾਰ ‘ਚ ਬੋਲੇ ਗਏ ਉਨ੍ਹਾਂ ਦੇ ਡਾਇਲੌਗ “ਅੰਗਰੇਜ਼ੋ ਕੇ ਜ਼ਮਾਨੇ ਕਾ ਜੇਲ੍ਹਰ’ ਅਜਿਹਾ ਡਾਇਲੌਗ ਬਣ ਗਿਆ, ਜੋ ਸਾਡੇ ਸੱਭਿਆਚਾਰਕ ਡੀਐਨਏ ਦਾ ਹਿੱਸਾ ਬਣ ਗਿਆ ! ਹਰ ਵਾਰ ਜਦੋਂ ਅਸੀਂ ‘ਸ਼ੋਲੇ’ ਵੇਖਦੇ ਹਾਂ (ਅਤੇ ਇਮਾਨਦਾਰੀ ਨਾਲ ਕਹੀਏ ਤਾਂ ਅਸੀਂ ਸਭ ਨੇ ਇਸ ਫ਼ਿਲਮ ਨੂੰ ਅਨੇਕਾਂ ਵਾਰ ਵੇਖਿਆ ਹੈ) ਤਾਂ ਅਸੀਂ ਅਸਰਾਨੀ ਦੇ ਵੱਲੋਂ ਨਿਭਾਏ ਗਏ ਉਸ ਨਾ ਭੁੱਲਣ ਵਾਲੇ ਕਿਰਦਾਰ ਨੂੰ ਵੇਖ ਕੇ ਹੱਸੇ ਬਿਨ੍ਹਾਂ ਨਹੀਂ ਰਹਿ ਸਕਦੇ ! 

ਬਹੁਮੁਖੀ ਪ੍ਰਤਿਭਾ ਦੇ ਧਨੀ ਅਸਰਾਨੀ ਨੇ ਜਿਸ ਨੇ ਆਪਣੇ ਕਿਰਦਾਰਾਂ ਨਾਲ ਹਮੇਸ਼ਾ ਹੈਰਾਨ ਕੀਤਾ !

ਹਾਲੇ ਉਡੀਕ ਕਰੋ, ਅਸਰਾਨੀ ਜੀ ਬਾਰੇ ਜਸ਼ਨ ਮਨਾਉਣ ਲਈ ਬਹੁਤ ਕੁਝ ਹੈ! ਉਹ ਨਾ ਸਿਰਫ਼ ਇੱਕ ਸਹਾਇਕ ਅਦਾਕਾਰ ਸਨ, ਬਲਕਿ ਗੁਜਰਾਤੀ ਸਿਨੇਮਾ ਦੀਆਂ ਮੋਹਰੀ ਸ਼ਖਸੀਅਤਾਂ  ਚੋਂ ਇੱਕ ਸਨ ! “ਆਮਦਾਵਾਦ ਨੋ ਰਿਕਸ਼ਾਵਾਲੋ”, “ਸਾਤ ਕੈਦੀ” ਅਤੇ “ਸੰਸਾਰ ਚੱਕਰ” ਵਰਗੀਆਂ ਫ਼ਿਲਮਾਂ ‘ਚ ਉਨ੍ਹਾਂ ਬਹੁਮੁਖੀ ਪ੍ਰਤਿਭਾ ਵੇਖਣ ਨੂੰ ਮਿਲੀ । 

ਇਹੀ ਨਹੀਂ ਇਸ ਦੇ ਨਾਲ ਹੀ ਉਨ੍ਹਾਂ ਨੇ 1982 ‘ਚ, ਆਪਣੇ ਸਾਥੀ ਕਲਾਕਾਰਾਂ ਦੇ ਨਾਲ ਖੁਦ ਦੀ ਗੁਜਰਾਤੀ ਪ੍ਰੋਡਕਸ਼ਨ ਕੰਪਨੀ ਵੀ ਬਣਾਈ ! ਤੁਸੀਂ ਉਨ੍ਹਾਂ ਦੀ ਕੰਮ ਪ੍ਰਤੀ ਸਮਰਪਣ ਦੀ ਭਾਵਨਾ ਵੇਖ ਕੇ ਹੈਰਾਨ ਹੋ ਜਾਵੋਗੇ ਕਿ ੳੇਨ੍ਹਾਂ ਨੇ 1982 ਤੋਂ ਲੈ ਕੇ 1996 ਤੱਕ ਨਾ ਸਿਰਫ਼ ਅਦਾਕਾਰੀ ਕੀਤੀ, ਬਲਕਿ ਬਿਹਤਰੀਨ ਕੰਟੈਂਟ ਸਮੱਗਰੀ ਵੀ ਤਿਆਰ ਕਰਦੇ ਰਹੇ ਸਨ ! 

 2000 ਦੇ ਦਹਾਕੇ ‘ਚ ਅਸਰਾਨੀ ਸਾਡੇ ਲਈ ਕਈ ਬਿਹਤਰੀਨ ਫ਼ਿਲਮਾਂ ਲੈ ਕੇ ਆਏ ! ਤੁਹਾਨੂੰ ਯਾਦ ਹੈ ਜਦੋਂ “ਹੇਰਾਫੇਰੀ” ਵੇਖਦੇ ਹੋਏ ਹੱਸ ਹੱਸ ਕੇ ਸਾਡੀਆਂ ਵੱਖੀਆਂ ਦੁਖਣ ਲੱਗ ਜਾਂਦੀਆਂ ਸਨ ? ਜਾਂ ਫਿਰ “ਚੁਪ ਚੁਪ ਕੇ”, “ਹਲਚਲ” ਅਤੇ “ਦੀਵਾਨੇ ਹੁਏ ਪਾਗਲ” ਦੀ ਖੁਸ਼ੀ ? ਹਰ ਕਿਰਦਾਰ ‘ਚ ਕਾਮੇਡੀ ਅੱਵਲ ਦਰਜੇ ਦੀ ਸੀ ! 

 ਕਾਮੇਡੀ ਤੋਂ ਹੱਟ ਕੇ : ਉਹ ਗੰਭੀਰ ਅਦਾਕਾਰ ਜਿਸ ਨੂੰ ਅਸੀਂ ਪਿਆਰ ਕਰਦੇ ਸੀ ! 

ਹੁਣ ਅਸੀਂ ਗੱਲ ਕਰਦੇ ਹਾਂ ਉਸ ਅਸਰਾਨੀ ਦੀ,ਜਿਸ ਨੇ ਸਾਨੂੰ ਨਾ ਸਿਰਫ਼ ਹਸਾਇਆ, ਬਲਕਿ ਆਪਣੇ ਸੰਜੀਦਾ ਕਿਰਦਾਰ  ਦੇ ਨਾਲ ਦੂਜੇ ਹੀ ਪਲ ਸਾਨੂੰ ਭਾਵੁਕ ਵੀ ਕੀਤਾ । “ਕਿਉਂਕਿ” ਅਤੇ “ਮੁਕਾਬਲਾ” ਵਰਗੀਆਂ ਫ਼ਿਲਮਾਂ ‘ਚ ਉਨ੍ਹਾਂ ਦੇ ਵੱਲੋਂ ਨਿਭਾਏ ਗਏ ਗੰਭੀਰ ਕਿਰਦਾਰਾਂ ਨੇ ਸਾਨੂੰ ਆਪਣੀ ਪ੍ਰਤਿਭਾ ਦੀ ਗੰਭੀਰਤਾ ਬਾਰੇ ਵੀ ਵਿਖਾਇਆ ।ਉਹ ਸਿਰਫ਼ ਕਾਮੇਡੀਅਨ ਨਹੀਂ ਸਨ ; ਉਹ ਇੱਕ ਸੰਪੂਰਨ ਅਦਾਕਾਰ ਸਨ ਜੋ ਕਿਸੇ ਵੀ ਭੂਮਿਕਾ ਨੂੰ ਬਿਹਤਰੀਨ ਤਰੀਕੇ ਦੇ ਨਾਲ ਨਿਭਾ ਸਕਦਾ ਸੀ ! 

 1988 ਤੋਂ  1993 ਤੱਕ, ਅਸਰਾਨੀ ਜੀ ਨੇ ਪੁਣੇ ਦੇ ਫਿਲਮ ਇੰਸਟੀਚਿਊਟ ਵਿੱਚ ਇੱਕ ਨਿਰਦੇਸ਼ਕ ਵਜੋਂ ਵੀ ਸੇਵਾ ਨਿਭਾਈ। ਕਲਪਨਾ ਕਰੋ ਕਿ ਅਣਗਿਣਤ ਵਿਦਿਆਰਥੀਆਂ ਨੇ ਇਸ ਮਾਸਟਰ ਤੋਂ ਸਿੱਖਿਆ! ਉਹ ਨਾ ਸਿਰਫ਼ ਵੱਡੇ ਪਰਦੇ ਤੇ ਸਾਡਾ ਮਨੋਰੰਜਨ ਕਰ ਰਿਹਾ ਸੀ, ਬਲਕਿ ਅਗਲੀਆਂ ਪੀੜ੍ਹੀਆਂ ਦੀ ਪਨੀਰੀ ਵੀ ਤਿਆਰ ਕਰ ਰਿਹਾ  ਸੀ !  

ਕੰਮ ਦੀ ਰਫ਼ਤਾਰ ਨਹੀਂ ਹੋਣ ਦਿੱਤੀ ਢਿੱਲੀ : ਅਖੀਰੀ ਦਿਨਾਂ ਤੱਕ ਸੱਚੇ ਕਲਾਕਾਰ ਨੇ  ਕੀਤਾ ਕੰਮ !

ਕੀ ਤੁਸੀਂ ਜਾਣਦੇ ਹੋ ? ਅਸਰਾਨੀ ਜੀ ਬਾਰੇ ਸਾਨੂੰ ਕੀ ਪਸੰਦ ਹੈ ? ਉਨ੍ਹਾਂ ਨੇ ਕਦੇ ਵੀ ਕੰਮ ਕਰਨਾ ਬੰਦ ਨਹੀਂ ਕੀਤਾ ! ਇੱਥੋਂ ਤੱਕ ਕਿ 2024 ‘ਚ ਵੀ ਜਦੋਂ ਉਨ੍ਹਾਂ ਦੀ ਉਮਰ ਤਰਾਸੀ ਸਾਲੀ ਦੀ ਸੀ ਤਾਂ ਉਨ੍ਹਾਂ ਨੇ ਇੱਕ ਬਘੇਲੀ ਫ਼ਿਲਮ “ਕੁੰਵਰਾਪੁਰ” ‘ਚ ਇੱਕ ਟਿਕਟ ਕਡੰਕਟਰ ਦੀ ਭੂਮਿਕਾ ਨਿਭਾਈ ਸੀ! ਇਹੋ ਹੀ ਹੈ ਇੱਕ ਸੱਚੇ ਕਲਾਕਾਰ ਦੀ ਆਪਣੇ ਕੰਮ ਪ੍ਰਤੀ ਸਮਰਪਣ ਦੀ ਭਾਵਨਾ। ਹਮੇਸ਼ਾ ਖੋਜ ਕਰਦੇ ਰਹਿਣਾ, ਸਿਰਜਦੇ ਰਹਿਣਾ । ਇਹੀ ਕਾਰਨ ਹੈ ਕਿ ਉਹ ਹਰ ਦਿਲ ਅਜੀਜ਼ ਸਨ ।

 1993 ਤੋਂ 2012 ਤੱਕ ਸਾਜਿਦ ਨਾਡਿਆਡਵਾਲਾ, ਪ੍ਰਿਯਦਰਸ਼ਨ, ਡੇਵਿਡ ਧਵਨ ਤੇ ਰੋਹਿਤ ਸ਼ੈੱਟੀ ਵਰਗੇ ਨਿਰਦੇਸ਼ਕਾਂ ਨਾਲ ਅਸਰਾਨੀ ਦੇ ਸਹਿਯੋਗ ਸਦਕਾ ਸਾਨੂੰ ਆਧੁਨਿਕ ਭਾਰਤੀ ਸਿਨੇਮਾ ‘ਚ ਕੁਝ ਯਾਦਗਾਰੀ ਕਾਮੇਡੀ ਦੇ ਪਲ ਦਿੱਤੇ ! 

 ਇੰਡਸਟਰੀ ਨੇ ਕਿਹਾ ਅਲਵਿਦਾ : ਦਿਲਾਂ ਨੂੰ ਛੂਹਣ ਵਾਲੀ ਦਿੱਤੀ ਸ਼ਰਧਾਂਜਲੀ 

ਫ਼ਿਲਮ ਇੰਡਸਟਰੀ ਵੱਲੋਂ ਅਸਰਾਨੀ ਜੀ ਨੂੰ ਯਾਦ ਕਰਦਿਆਂ ਫ਼ਿਲਮੀ ਸਿਤਾਰਿਆਂ ਨੇ ਅਪਾਰ ਪਿਆਰ ਜਤਾਇਆ । ਜਿਸ ਤੋਂ ਸਾਬਿਤ ਹੁੰਦਾ ਹੈ ਕਿ ਅਸਰਾਨੀ ਜੀ ਸਭ ਦੇ ਲਈ ਕਿੰਨੇ ਮਾਇਨੇ ਰੱਖਦੇ ਸਨ ! ਆਮਿਰ ਖ਼ਾਨ ਦੇ ਪ੍ਰੋਡਕਸ਼ਨ ਹਾਊਸ ਨੇ ਸ਼ਰਧਾਂਜਲੀ ਦਿੰਦਿਆਂ ਕਿਹਾ : “ਅਸੀਂ ਮਹਾਨ ਅਸਰਾਨੀ ਦੇ ਦਿਹਾਂਤ ਤੋਂ ਬਹੁਤ ਦੁਖੀ ਹਾਂ। ਇੱਕ ਸੱਚਾ ਸਿਤਾਰਾ, ਜਿਸਦੀ ਬੁੱਧੀ, ਨਿੱਘ ਅਤੇ ਅਭੁੱਲ ਅਦਾਕਾਰੀ ਨੇ ਸਿਨੇਮਾ ਪ੍ਰੇਮੀਆਂ ਦੀਆਂ ਪੀੜ੍ਹੀਆਂ ਨੂੰ ਰੌਸ਼ਨ ਕੀਤਾ”।  

ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਲਿਖਿਆ “ਇੱਕ ਪ੍ਰਤਿਭਾਸ਼ਾਲੀ, ਮਨੋਰੰਜਨ ਕਰਨ ਵਾਲਾ ਤੇ ਇੱਕ ਬਹੁਮੁਖੀ ਪ੍ਰਤਿਭਾ ਦਾ ਕਲਾਕਾਰ ਜਿਸ ਨੇ ਅਨੇਕਾਂ ਜ਼ਿੰਦਗੀਆਂ ‘ਚ ਖੁਸ਼ੀ ਭਰੀ”। ਇਸਦੇ ਨਾਲ ਹੀ ਕ੍ਰਿਕਟ ਸਟਾਰ ਸ਼ਿਖਰ ਧਵਨ ਨੇ ਵੀ ਆਪਣੀਆਂ ਯਾਦਾਂ ਸਾਂਝੀਆਂ ਕੀਤੀਆਂ । ਉਨ੍ਹਾਂ ਨੇ ਅਸਰਾਨੀ ਨੂੰ “ਇੱਕ ਸੱਚਾ ਆਈਕਨ” ਕਿਹਾ ਅਤੇ ਉਨ੍ਹਾਂ ਦੀ “ਸ਼ਾਨਦਾਰ ਕਾਮਿਕ ਟਾਈਮਿੰਗ ਅਤੇ ਸੁਹਜ” ਦੀ ਸ਼ਲਾਘਾ ਕੀਤੀ ! 

 ਅਕਸ਼ੇ ਕੁਮਾਰ, ਜਿਨ੍ਹਾਂ ਨੇ ਅਸਰਾਨੀ ਨੂੰ ਉਨ੍ਹਾਂ ਦੇ ਦਿਹਾਂਤ ਤੋਂ ਮਹਿਜ਼ ਇੱਕ ਹਫ਼ਤਾ ਪਹਿਲਾਂ ਹੀ ਗਲ ਨਾਲ ਲਗਾਇਆ ਸੀ,ਅਤੇ ਮਹਾਰਾਸ਼ਟਰ ਦੇ ਉਪ ਮੁੱਖ ਮੰਤਰੀ ਦੇਵੇਂਦਰ ਫਡਨਵੀਸ, ਜਿਨ੍ਹਾਂ ਨੇ ਕਿਹਾ ਕਿ ਅਸਰਾਨੀ “ਪਵਿੱਤਰ ਮਨੋਰੰਜਨ ਦੇ ਸਮਾਨਾਰਥੀ ਸਨ”। ਹਰ ਕਿਸੇ ਨੇ ਇਸ ਸ਼ਾਨਦਾਰ ਸ਼ਖਸੀਅਤ ਨੂੰ ਆਪੋ ਆਪਣੇ ਅੰਦਾਜ਼ ‘ਚ ਸ਼ਰਧਾਂਜਲੀ ਦਿੱਤੀ । 

  ਇੱਕ ਵਿਰਾਸਤ ਜੋ ਸਾਡੇ ਦਿਲਾਂ ਵਿੱਚ ਹਮੇਸ਼ਾ ਲਈ  ਰਹੇਗੀ!

ਅੱਜ ਸਾਡੇ ਹੰਝੂਆਂ ਵਿੱਚੋਂ ਮੁਸਕਰਾਹਟ ਝਲਕਦੀ ਹੈ ਜੋ ਦਰਸਾਉਂਦੀ ਹੈ ਕਿ ਅਸਰਾਨੀ ਜੀ ਦੀ ਵਿਰਾਸਤ ਸਦੀਵੀ ਹੈ। ਉਨ੍ਹਾਂ ਦੀਆਂ ਫ਼ਿਲਮਾਂ ਪਰਿਵਾਰਾਂ ਨੂੰ ਇੱਕਠੇ ਕਰਦੀਆਂ ਹਨ । ਉਨ੍ਹਾਂ ਦੇ ਕਿਰਦਾਰ ਅੱਜ ਵੀ ਬੱਚਿਆਂ ਨੂੰ ਹਸਾਉਂਦੇ ਹਨ ਅਤੇ ਉਨ੍ਹਾਂ ਦੀ ਪਰਫਾਰਮੈਂਸ ਉਸੇ ਤਰ੍ਹਾਂ ਹੀ ਸਾਡਾ ਮਨੋਰੰਜਨ ਕਰ ਰਹੇ ਹਨ । ਜਿੰਨੇ ਕਿ ਕੁਝ ਸਮਾਂ ਪਹਿਲਾਂ ਕਰਦੇ ਸਨ । 

ਅਸਰਾਨੀ ਦਾ ਮੰਨਣਾ ਸੀ ਕਿ ਕਾਮੇਡੀ ਸਿਰਫ਼ ਲੋਕਾਂ ਨੂੰ ਹਸਾਉਣ ਬਾਰੇ ਨਹੀਂ ਹੈ। ਇਹ ਸਬੰਧ ਬਨਾਉਣ, ਯਾਦਾਂ ਬਨਾਉਣ ਅਤੇ ਪੀੜੀਆਂ ਤੱਕ ਦਿਲਾਂ ਨੂੰ ਛੂਹਣ ਬਾਰੇ ਹੈ ! ਭਾਵੇਂ ਉਹ ਇੱਕ ਅਭੁੱਲ ਜੇਲ੍ਹਰ ਹੋਵੇ ਜਾਂ ਫਿਰ ਇੱਕ ਗੰਭੀਰ ਸ਼ਖਸ ਦਾ ਕਿਰਦਾਰ ਨਿਭਾਉਣ ਵਾਲਾ ਹੋਵੇ । ਅਸਰਾਨੀ ਦੀ ਬਿਹਤਰੀਨ ਅਦਾਕਾਰੀ ਨੇ ਹਰ ਭੂਮਿਕਾ ਨੂੰ ਖ਼ਾਸ ਬਣਾ ਦਿੱਤਾ ! 

ਮਾਸਟਰ ਦਾ ਜਸ਼ਨ ਮਨਾਉਣਾ: ਅਸੀਂ ਅਸਰਾਨੀ ਜੀ ਨੂੰ ਕਿਵੇਂ ਯਾਦ ਕਰਦੇ ਹਾਂ!

ਜੀਟੀਸੀ ਨੈੱਟਵਰਕ ‘ਤੇ ਅਸੀਂ ਆਪਣੀਆਂ ਦੰਤ-ਕਥਾਵਾਂ ਦਾ ਜਸ਼ਨ ਮਨਾਉਣ ‘ਚ ਯਕੀਨ ਕਰਦੇ ਹਾਂ, ਅਤੇ ਅਸਰਾਨੀ ਜੀ ਨੂੰ ਹਮੇਸ਼ਾ-ਮਹਾਨ ਲੋਕਾਂ ਵਿੱਚੋਂ ਇੱਕ ਦੇ ਤੌਰ ‘ਤੇ ਯਾਦ ਕੀਤਾ ਜਾਵੇਗਾ! ਅਨੇਕਾਂ ਲੋਕਾਂ ਦੀਆਂ ਜ਼ਿੰਦਗੀਆਂ ‘ਚ ਹਾਸੇ ਬਿਖੇਰਨ ਦੀ ਉਨ੍ਹਾਂ ਵਿਚਲੀ ਪ੍ਰਤਿਭਾ, ਕਲਾ ਪ੍ਰਤੀ ਉਨ੍ਹਾਂ ਦਾ ਸਮਰਪਣ ਅਤੇ ਉਨ੍ਹਾਂ ਦੀ ਬਹੁਮੁਖੀ ਸ਼ਖਸੀਅਤ ਨੇ ਉਨ੍ਹਾਂ ਨੂੰ ਭਾਰਤੀ ਸਿਨੇਮਾ ‘ਚ ਅਟੱਲ ਬਣਾ ਦਿੱਤਾ ਹੈ ! 

 

"ਚੁਪਕੇ ਚੁਪਕੇ" ਤੋਂ ਲੈ ਕੇ "ਅਮਰ ਅਕਬਰ ਐਂਥਨੀ", "ਸ਼ੋਲੇ" ਤੋਂ ਲੈ ਕੇ "ਹੇਰਾ ਫੇਰੀ" ਤੱਕ,ਹਰ ਫ਼ਿਲਮ ‘ਚ  ਉਸਦੀ ਮੌਜੂਦਗੀ ਨਾਲ ਹਰ ਫਿਲਮ - ਇੱਕ ਖਜ਼ਾਨਾ ਬਣ ਗਈ! ਉਸਨੇ ਸਿਰਫ਼ ਅਦਾਕਾਰੀ ਹੀ ਨਹੀਂ ਕੀਤੀ - ਉਹ ਭਾਰਤ ਦੇ ਸੱਭਿਆਚਾਰਕ ਤਾਣੇ-ਬਾਣੇ ਦਾ ਹਿੱਸਾ ਬਣ ਗਿਆ, ਇੱਕ - ਪਿਆਰੀ ਸ਼ਖਸੀਅਤ ਜਿਸਦਾ ਕੰਮ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਹਮੇਸ਼ਾ ਹਾਸੇ ਬਿਖੇਰਦਾ ਰਹੇਗਾ ! 

ਸਾਡਾ ਸ਼ਾਨਦਾਰ ਜੀਟੀਸੀ ਨੈੱਟਵਰਕ ਪਰਿਵਾਰ  ਤੁਹਾਡੇ ਤੋਂ ਜਾਨਣਾ ਚਾਹੁੰਦੇ ਹਾਂ ਕਿ ਤੁਹਾਡੀ ਮਨ ਪਸੰਦ ਅਸਰਾਨੀ  ਯਾਦ ਕਿਹੜੀ ਹੈ ? ਉਨ੍ਹਾਂ ਦੇ ਵੱਲੋਂ ਨਿਭਾਈ ਗਈ ਕਿਹੜੀ ਭੂਮਿਕਾ ਨੇ ਤੁਹਾਨੂੰ ਸਭ ਤੋਂ ਵੱਧ ਹਸਾਇਆ ? ਆਪਣੇ ਵਿਚਾਰ ਸਾਂਝੇ ਕਰੋ ਅਤੇ ਆਓ ਇੱਕਠੇ ਹੋ ਕੇ ਇਸ ਸ਼ਾਨਦਾਰ ਕਲਾਕਾਰ ਦੀਆਂ ਯਾਦਾਂ ਦਾ ਜਸ਼ਨ ਮਨਾਈਏ ! ਉਸ ਦੀ ਆਤਮਾ, ਉਸ ਦੀ ਹਰ ਮੁਸਕਰਾਹਟ ‘ਚ ਰਹਿੰਦੀ ਹੈ।ਹਰ ਹਾਸੇ ‘ਚ ਜੋ ਉਸ ਨੇ ਉਭਾਰਿਆ ਅਤੇ ਹਰ ਦਿਲ ‘ਚ ਜਿਸ ਨੂੰ ਉਸ ਨੇ ਆਪਣੇ ਹਾਸੇ ਨਾਲ ਟੁੰਬਿਆ । 

ਰੈਸਟ ਇਨ ਪੀਸ, ਅਸਰਾਨੀ ਜੀ । ਪੰਜ ਦਹਾਕਿਆਂ ਤੱਕ ਹਾਸੇ ਬਿਖੇਰਨ, ਅਭੁੱਲ ਕਿਰਦਾਰ ਅਤੇ ਬੇਹਿਸਾਬ ਮਨੋਰੰਜਨ ਲਈ ਧੰਨਵਾਦ ! ਤੁਹਾਡੀ ਵਿਰਾਸਤ ਭਾਰਤੀ ਸਿਨੇਮਾ ਦੀ ਦੁਨੀਆ ‘ਚ ਹਮੇਸ਼ਾ ਚਮਕਦੀ ਰਹੇਗੀ