GTC Punjabi- Punjabi News | Latest News In Punjabi | Tollywood-news

ਮਸ਼ਹੂਰ ਅਦਾਕਾਰ ਰਾਹੁਲ ਅਰੁਣੌਦੇਯ ਦੀ ਪਾਣੀ ‘ਚ ਡੁੱਬਣ ਕਾਰਨ ਮੌਤ

Mon, 30 Mar 2026 15:30:00 +0530

ਮਸ਼ਹੂਰ ਬੰਗਾਲੀ ਅਦਾਕਾਰ ਰਾਹੁਲ ਅਰੁਣੌਦੇਯ ਦੀ ਪਾਣੀ ‘ਚ ਡੁੱਬਣ ਦੇ ਕਾਰਨ ਮੌਤ ਹੋ ਗਈ ਹੈ । ਅਦਾਕਾਰ ਸ਼ੂਟਿੰਗ ਦੇ ਦੌਰਾਨ ਸਮੁੰਦਰ ‘ਚ ਡੁੱਬ ਗਿਆ । ਉਸ ਦੀ ਮੌਤ ‘ਤੇ ਮਨੋਰੰਜਨ ਜਗਤ ਦੇ ਕਈ ਸਿਤਾਰਿਆਂ ਨੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ।

'ਭੋਲੇ ਬਾਬਾ ਪਾਰ ਕਰੇਗਾ' ਦੀ ਕਰ ਰਹੇ ਸਨ ਸ਼ੂਟਿੰਗ

ਮੀਡੀਆ ਰਿਪੋਰਟਸ ਮੁਤਾਬਕ ਅਦਾਕਾਰ ਰਾਹੁਲ ਅਰੁਣੌਦੇਯ ਬਨਰਜੀ ਓਡੀਸ਼ਾ ਦੇ ਤਾਲਾਸਾਰੀ ‘ਚ ਡੇਲੀ ਸੋਪ ‘ਭੋਲੇ ਬਾਬਾ ਪਾਰ ਕਰੇਗਾ’ ਦੀ ਸ਼ੂਟਿੰਗ ਕਰ ਰਹੇ ਸਨ । ਸ਼ੂਟਿੰਗ ਦੇ ਦੌਰਾਨ ਉਹ ਪਾਣੀ ‘ਚ ਉੱਤਰੇ ਅਤੇ ਕੁਝ ਹੀ ਦੇਰ ਬਾਅਦ ਉਹ ਪਾਣੀ ‘ਚ ਡੁੱਬਣ ਲੱਗ ਪਏ । ਉੱਥੇ ਮੌਜੂਦ ਲੋਕਾਂ ਨੇ ਅਦਾਕਾਰ ਨੂੰ ਪਾਣੀ ਚੋਂ ਬਾਹਰ ਕੱਢਿਆ ।

View this post on Instagram

A post shared by Priyanka Sarkar (@priyankasarkarz)

ਰਾਹੁਲ ਬਨਰਜੀ ਮੌਤ ਮਾਮਲੇ ‘ਚ ਕੇਸ ਦਰਜ

ਰਾਹੁਲ ਬਨਰਜੀ ਨੂੰ ਪਾਣੀ ਚੋਂ ਬਾਹਰ ਕੱਢਣ ਤੋਂ ਬਾਅਦ ਹਸਪਤਾਲ ‘ਚ ਦਾਖਲ ਕਰਵਾਇਆ ਗਿਆ ਹੈ। ਜਿੱਥੇ ਉਨ੍ਹਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ।ਇਸ ਮਾਮਲੇ ‘ਚ ਪੁਲਿਸ ਨੇ ‘ਅਨਨੈਚੁਰਲ ਡੈੱਥ ਕੇਸ’ ਦੱਸਦਏ ਹੋਏ ਵੱਡਾ ਖੁਲਾਸਾ ਕੀਤਾ ਹੈ ਕਿ ਡੇਲੀ ਸੋਪ ਦੀ ਸ਼ੂਟਿੰਗ ਦੀ ਪਰਮਿਸ਼ਨ ਨਹੀਂ ਸੀ ਲਈ ਗਈ।ਇਸ ਸਬੰਧ ‘ਚ ਪੁਲਿਸ ਨੂੰ ਸੂਚਿਤ ਵੀ ਨਹੀਂ ਸੀ ਕੀਤਾ ਗਿਆ। ਫ਼ਿਲਹਾਲ ਹੁਣ ਪੁਲਿਸ ਇਸ ਮਾਮਲੇ ‘ਚ ਪੋਸਟ ਮਾਰਟਮ ਰਿਪੋਰਟ ਦਾ ਇੰਤਜ਼ਾਰ ਕਰ ਰਹੀ ਹੈ। ਇਸੇ ਦਰਮਿਆਨ ਅਦਾਕਾਰ ਦੀ ਸ਼ੂਟਿੰਗ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ। ਜਿਸ ‘ਚ ਉਹ ਸੈੱਟ ‘ਤੇ ਮੌਜੂਦ ਨਜ਼ਰ ਆ ਰਿਹਾ ਹੈ।

ਰਸ਼ਮਿਕਾ ਮੰਡਾਨਾ ਤੇ ਵਿਜੈ ਦੇਵਰਕੋਂਡਾ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਰਿਸੈਪਸ਼ਨ ਦਾ ਦਿੱਤਾ ਸੱਦਾ, ਤਸਵੀਰਾਂ ਆਈਆਂ ਸਾਹਮਣੇ

Fri, 27 Feb 2026 16:56:33 +0530

ਨਵ-ਵਿਆਹੀ ਜੋੜੀ ਰਸ਼ਮਿਕਾ ਮੰਡਾਨਾ (Rashmkia Mandanna) ਅਤੇ ਵਿਜੈ ਦੇਵਰਕੋਂਡਾ ਦਾ ਵਿਆਹ ਹੋ ਗਿਆ ਹੈ। ਵਿਆਹ ਤੋਂ ਬਾਅਦ ਇਹ ਜੋੜੀ ਰਿਸੈਪਸ਼ਨ ਦੀਆਂ ਤਿਆਰੀਆਂ ‘ਚ ਜੁਟੀ ਹੈ। ਹੁਣ ਇਹ ਜੋੜੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਰਿਸੈਪਸ਼ਨ ਦੇ ਲਈ ਸੱਦਾ ਦੇਣ ਪਹੁੰਚੀ ਹੈ। ਜਿਸ ਦੀਆਂ ਕਈ ਤਸਵੀਰਾਂ ਸਾਹਮਣੇ ਆਈਆਂ ਹਨ । ਇਨ੍ਹਾਂ ਤਸਵੀਰਾਂ ‘ਚ ਤੁਸੀਂ ਵੇਖ ਸਕਦੇ ਹੋ ਕਿ ਗ੍ਰਅਦਾਕਾਰਾ ਪੀਐੱਮ ਮੋਦੀ ਨੂੰ ਰਿਸੈਪਸ਼ਨ ਦਾ ਸੱਦਾ ਪੱਤਰ ਦਿੰਦੀ ਹੋਈ ਦਿਖਾਈ ਦੇ ਰਹੀ ਹੈ।

ਉਨ੍ਹਾਂ ਦੀਆਂ ਇਹ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀਆਂ ਹਨ ਅਤੇ ਫੈਨਸ ਵੀ ਇਸ ‘ਤੇ ਰਿਐਕਸ਼ਨ ਦਿੰਦੇ ਹੋਏ ਨਜ਼ਰ ਆ ਰਹੇ ਹਨ।ਤਸਵੀਰਾਂ ‘ਚ ਤੁਸੀਂ ਵੇਖ ਸਕਦੇ ਹੋ ਕਿ ਅਦਾਕਾਰਾ ਰਸ਼ਮਿਕਾ ਪੀਐਮ ਨੂੰ ਸ਼ਾਲ ਭੇਂਟ ਕਰਦੇ ਹੋਏ ਦਿਖਾਈ ਦੇ ਰਹੇ ਹਨ ।

ਉਦੈਪੁਰ ‘ਚ ਹੋਇਆ ਵਿਆਹ

ਵਿਜੈ ਦੇਵਰਕੋਂਡਾ ਤੇ ਰਸ਼ਮਿਕਾ ਮੰਡਾਨਾ ਦਾ ਬੀਤੇ ਦਿਨ ਵਿਆਹ ਹੋਇਆ ਹੈ। ਇਸ ਜੋੜੀ ਨੇ ਉਦੈਪੁਰ ‘ਚ ਆਪਣੇ ਕਰੀਬੀ ਦੋਸਤਾਂ ਤੇ ਰਿਸ਼ਤੇਦਾਰਾਂ ਦੀ ਮੌਜੂਦਗੀ ‘ਚ ਵਿਆਹ ਕਰਵਾਇਆ ਹੈ ਅਤੇ ਹੁਣ ਇਹ ਜੋੜੀ ਹੈਦਰਾਬਾਦ ‘ਚ ਗ੍ਰੈਂਡ ਰਿਸੈਪਸ਼ਨ ਦੇਣ ਜਾ ਰਹੀ ਹੈ।

ਪੀਐੱਮ ਦੇ ਨਾਲ ਇਸ ਜੋੜੀ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਵੀ ਰਿਸੈਪਸ਼ਨ ਦੇ ਲਈ ਸੱਦਾ ਦਿੱਤਾ ਹੈ। ਇਸ ਤੋਂ ਇਲਾਵਾ ਜੋੜੀ ਨੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੂੰ ਵੀ ਰਿਸੈਪਸ਼ਨ ਦਾ ਸੱਦਾ ਦਿੱਤਾ ਸੀ। ਦੱਸ ਦਈਏ ਕਿ ਪੀਐਮ ਮੋਦੀ ਨੇ ਵੀ ਵਿਆਹ ਤੋਂ ਪਹਿਲਾਂ ਇਸ ਜੋੜੇ ਨੂੰ ਵਧਾਈ ਪੱਤਰ ਲਿਖਿਆ ਸੀ।

The #VIROSH Jodi personal Invitation 🤩@TheDeverakonda & @iamRashmika personally met Hon'ble Prime Minister @narendramodiji invited for the grand reception in Hyderabad ❤️❤️✨#VijayDeverakonda #RashmikaMandanna #ViRoshWedding pic.twitter.com/Y23v5XduyD
— Vamsi Kaka (@vamsikaka) February 27, 2026

ਰਸ਼ਮਿਕਾ ਮੰਡਾਨਾ ਤੇ ਵਿਜੈ ਦੇਵਰਕੋਂਡਾ ਦੇ ਵਿਆਹ ਦੀਆਂ ਤਸਵੀਰਾਂ ਆਈਆਂ ਸਾਹਮਣੇ

Fri, 27 Feb 2026 10:33:54 +0530

ਰਸ਼ਮਿਕਾ ਮੰਡਾਨਾ (Rashmika Mandanna) ਤੇ ਵਿਜੈ ਦੇਵਰਕੋਂਡਾ ਵਿਆਹ ਦੇ ਬੰਧਨ ‘ਚ ਬੱਝ ਚੁੱਕੇ ਹਨ । ਜਿਸ ਤੋਂ ਬਾਅਦ ਦੋਵਾਂ ਦੇ ਵਿਆਹ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ ਹਨ । ਇਨ੍ਹਾਂ ਤਸਵੀਰਾਂ ‘ਚ ਤੁਸੀਂ ਵੇਖ ਸਕਦੇ ਹੋi ਕ ਜੋੜੀ ਬਹੁਤ ਹੀ ਖੂਬਸੂਰਤ ਲੱਗ ਰਹੀ ਹੈ। ਤਸਵੀਰਾਂ ‘ਚ ਤੁਸੀਂ ਵੇਖ ਸਕਦੇ ਹੋ ਕਿ ਰਸ਼ਮਿਕਾ ਨੇ ਲਾਲ ਰੰਗ ਦੀ ਸਾੜ੍ਹੀ ਪਾਈ ਹੋਈ ਹੈ । ਜਦੋਂਕਿ ਵਿਜੈ ਨੇ ਆਫ ਵ੍ਹਾਈਟ ਕਲਰ ਦੀ ਧੋਤੀ ਪਾਈ ਹੋਈ ਹੈ ਅਤੇ ਲਾਲ ਰੰਗ ਦਾ ਦੁਸ਼ਾਲਾ ਲਿਆ ਹੋਇਆ ਹੈ।

ਦੋਵੇਂ ਜਣੇ ਬਹੁਤ ਹੀ ਖੁਸ਼ ਨਜ਼ਰ ਆ ਰਹੇ ਹਨ । ਰਸ਼ਮਿਕਾ ਨੇ ਹੈਵੀ ਜਿਊਲਰੀ ਪਾਈ ਹੋਈ ਹੈ, ਜਦੋਂ ਕਿ ਉਨ੍ਹਾਂ ਦੇ ਹਮਸਫਰ ਨੇ ਵੀ ਗਲ ‘ਚ ਹਾਰ ਤੇ ਬਾਜੂ ਬੰਦ ਪਾਏ ਹੋਏ ਹਨ। ਦੋਵੇਂ ਜਣੇ ਵਿਆਹ ਦੀਆਂ ਰਸਮਾਂ ਨਿਭਾਉਂਦੇ ਹੋਏ ਦਿਖਾਈ ਦੇ ਰਹੇ ਹਨ । ਜਦੋਂਕਿ ਇੱਕ ਹੋਰ ਤਸਵੀਰ ‘ਚ ਰਸ਼ਮਿਕਾ ਪਤੀ ਨੂੰ ਕਿੱਸ ਕਰਦੀ ਹੋਈ ਨਜ਼ਰ ਆ ਰਹੀ ਹੈ।ਜਦੋਂਕਿ ਇੱਕ ਹੋਰ ਤਸਵੀਰ ‘ਚ ਦੋਵੇਂ ਇੱਕ ਦੂਜੇ ਦੇ ਗਲ ‘ਚ ਬਾਹਾਂ ਪਾਏ ਹੋਏ ਦਿਖਾਈ ਦੇ ਰਹੇ ਹਨ ।

ਰਸ਼ਮਿਕਾ ਤੇ ਵਿਜੈ ਨੇ ਇਹ ਤਸਵੀਰਾਂ ਆਪੋ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸਾਂਝੀਆਂ ਕੀਤੀਆਂ ਹਨ ਅਤੇ ਇੱਕ ਪਿਆਰਾ ਜਿਹਾ ਨੋਟ ਵੀ ਲਿਖਿਆ ਹੈ। ਰਸ਼ਮਿਕਾ ਨੇ ਵਿਜੈ ਨੂੰ ‘ਮਾਈ ਹਸਬੈਂਡ’ ਲਿਖ ਕੇ ਆਪਣੀਆਂ ਭਾਵਨਾਵਾਂ ਨੂੰ ਸਾਂਝਾ ਕੀਤਾ । ਇਸ ਦੇ ਨਾਲ ਹੀ ਵਿਜੈ ਨੇ ਵੀ ਰਸ਼ਮਿਕਾ ਦੇ ਲਈ ਬਹੁਤ ਹੀ ਪਿਆਰਾ ਮੈਸੇਜ ਲਿਖਿਆ ਹੈ। ਦੋਵੇਂ ਜਣੇ ਕੋਡਾਵਾ ਵਿਆਹ ਦੇ ਰਿਵਾਇਤੀ ਪਹਿਰਾਵੇ ‘ਚ ਨਜ਼ਰ ਆਏ । ਇਨ੍ਹਾਂ ਤਸਵੀਰਾਂ ਨੂੰ ਵੇਖ ਕੇ ਫੈਨਸ ਵੀ ਖੁਸ਼ੀ ਨਾਲ ਝੂਮ ਉੱਠੇ ਹਨ । ਫੈਨਸ ਦੇ ਨਾਲ-ਨਾਲ ਸੈਲੀਬ੍ਰੇਟੀਜ਼ ਨੇ ਦੋਵਾਂ ਨੂੰ ਵਿਆਹ ਲਈ ਵਧਾਈ ਦਿੱਤੀ ਹੈ।

View this post on Instagram

A post shared by GTC PUNJABI (@gtcpunjabionline)

ਵਿਜੈ ਦੇਵਰਕੋਂਡਾ ਤੇ ਰਸ਼ਮਿਕਾ ਮੰਡਾਨਾ ਦੇ ਵਿਆਹ ‘ਤੇ ਮਹਿਮਾਨਾਂ ਨੇ ਸਥਾਨਕ ਲੋਕਾਂ ਨੂੰ ਵੰਡੀਆਂ ਮਠਿਆਈਆਂ

Thu, 26 Feb 2026 18:20:00 +0530

ਰਸ਼ਮਿਕਾ ਮੰਡਾਨਾ ਤੇ ਵਿਜੈ ਦੇਵਰਕੋਂਡਾ ਦੇ ਵਿਆਹ ਨੂੰ ਲੈ ਕੇ ਫੈਨਸ ਵੀ ਐਕਸਾਈਟਡ ਹਨ ਅਤੇ ਦੋਵਾਂ ਦਾ ਵਿਆਹ ਹੋ ਚੁੱਕਿਆ ਹੈ ਅਤੇ ਦੋਵਾਂ ਨੇ ਤੇਲਗੂ ਰੀਤੀ ਰਿਵਾਜ਼ ਦੇ ਨਾਲ ਵਿਆਹ ਕਰਵਾਇਆ ਹੈ। ਇਸ ਵਿਆਹ ‘ਚ ਦੋਵਾਂ ਦੇ ਪਰਿਵਾਰਕ ਮੈਂਬਰ ਤੇ ਰਿਸ਼ਤੇਦਾਰ ਹੀ ਸ਼ਾਮਿਲ ਹੋਏ ਹਨ। ਵਿਆਹ ਦੇ ਜਸ਼ਨ ਤੋਂ ਬਾਅਦ ਦੋਵਾਂ ਪਰਿਵਾਰਾਂ ਦੇ ਵੱਲੋਂ ਵਿਆਹ ਦੀ ਮਠਿਆਈ ਵੰਡੀ ਗਈ ਹੈ।

ਇਸ ਦਾ ਇੱਕ ਵੀਡੀਓ ਵੀ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਜਿਸ ‘ਚ ਪਰਿਵਾਰ ਤੇ ਰਿਸ਼ਤੇਦਾਰ ਮਠਿਆਈਆਂ ਵੰਡਦੇ ਹੋਏ ਨਜ਼ਰ ਆ ਰਹੇ ਹਨ । ਵਿਆਹ ਸਮਾਰੋਹ ਵਾਲੀ ਥਾਂ ਦੇ ਨਜ਼ਦੀਕ ਖੇਡ ਰਹੇ ਬੱਚਿਆਂ ਨੂੰ ਵੀ ਮਠਿਆਈ ਦਿੱਤੀ ਗਈ । ਵੈਡਿੰਗ ਵੈਨਿਊ ਤੇ ਕਿਸੇ ਵੀ ਬਾਹਰ ਵਾਲੇ ਦਾ ਆਉਣਾ ਮਨਾ ਹੈ।ਉੱਥੇ ਹੀ ਫੋਨ ਦੇ ਇਸਤੇਮਾਲ ‘ਤੇ ਵੀ ਪਾਬੰਦੀ ਲਗਾਈ ਗਈ ਸੀ ਤਾਂ ਕਿ ਵਿਆਹ ਦੀਆਂ ਤਸਵੀਰਾਂ ਲੀਕ ਨਾ ਹੋਣ ।

ਤਿੰਨ ਦਿਨ ਤੱਕ ਚੱਲੀਆਂ ਵਿਆਹ ਦੀਆਂ ਰਸਮਾਂ

ਰਸ਼ਮਿਕਾ ਤੇ ਵਿਜੈ ਆਫੀਸ਼ੀਅਲ ਤੌਰ ‘ਤੇ ਪਤੀ ਪਤਨੀ ਬਣ ਚੁੱਕੇ ਹਨ ।ਦੋਨਾਂ ਦੇ ਵਿਆਹ ਦੇ ਫੰਕਸ਼ਨ ਤਿੰਨ ਦਿਨ ਤੱਕ ਚੱਲੇ ਹਨ । ਪ੍ਰੀ ਵੈਡਿੰਗ ਤੋਂ ਪਹਿਲਾਂ ਕਪਲ ਵੱਲੋਂ ਪੂਲ ਪਾਰਟੀ ਰੱਖੀ ਗਈ ਅਤੇ ਚੌਵੀ ਫਰਵਰੀ ਨੂੰ ਸੰਗੀਤ ਸੈਰੇਮਨੀ ਦਾ ਆਯੋਜਨ ਹੋਇਆ ਸੀ।ਰਸ਼ਮਿਕਾ ਨੇ ਪੁਸ਼ਪਾ ਗਾਣੇ ਤੇ ਠੁਮਕੇ ਲਗਾਏ । ਇਸ ਤੋਂ ਬਾਅਦ ਪੱਚੀ ਫਰਵਰੀ ਨੂੰ ਹਲਦੀ ਅਤੇ ਮਹਿੰਦੀ ਦੀਆਂ ਰਸਮਾਂ ਹੋਈਆਂ ।

View this post on Instagram

A post shared by Voompla (@voompla)

ਵਿਜੈ ਦੇਵਰਕੋਂਡਾ ਤੇ ਰਸ਼ਮਿਕਾ ਮੰਡਾਨਾ ਦੇ ਵਿਆਹ ਦੀਆਂ ਰਸਮਾਂ, ਵਿਆਹ ‘ਚ ਪਹੁੰਚੀਆਂ ਨਾਮੀ ਹਸਤੀਆਂ

Thu, 26 Feb 2026 10:56:43 +0530

ਰਸ਼ਮਿਕਾ ਮੰਡਾਨਾ (Rashmika Mandanna) ਅਤੇ ਵਿਜੈ ਦੇਵਰਕੋਂਡਾ ਦੇ ਵਿਆਹ ਦੀਆਂ ਰਸਮਾਂ ਸ਼ੁਰੂ ਹੋ ਚੁੱਕੀਆਂ ਹਨ। ਦੋਵਾਂ ਦੀ ਹਲਦੀ ਦੀ ਰਸਮ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ ਹਨ। ਊਦੈਪੁਰ ਦੇ ਮੋਮੈਂਟੋਸ ਏਕਾਇਆ ਹੋਟਲ ‘ਚ ਦੋਵਾਂ ਦੇ ਵਿਆਹ ਦੀਆਂ ਰਸਮਾਂ ਹੋਈਆਂ।ਇਹ ਜੋੜਾ ਅੱਜ ਸੱਤ ਫੇਰੇ ਲਵੇਗਾ।ਵਿਆਹ ਵਾਲੀ ਜਗ੍ਹਾ ਨੂੰ ਪੀਲੇ ਫੁੱਲਾਂ, ਹਲਕੇ ਹਰੇ ਰੰਗ ਦੇ ਪਰਦਿਆਂ ‘ਤੇ ਚਮਕਦਾਰ ਰੌਸ਼ਨੀ ਦੇ ਨਾਲ ਸਜਾਇਆ ਗਿਆ ।ਇਸ ਵਿਆਹ ਸਮਾਰੋਹ ਦੀਆਂ ਰਸਮਾਂ ਨਿਭਾਉਣ ਦੇ ਲਈ ਦੱਖਣੀ ਭਾਰਤ ਤੋਂ ਖ਼ਾਸ ਤੌਰ ‘ਤੇ ਪੁਜਾਰੀ ਨੂੰ ਬੁਲਾਇਆ ਗਿਆ । ਇਸ ਵਿਆਹ ਸਮਾਰੋਹ ‘ਚ ਦੋ ਸੌ ਦੇ ਕਰੀਬ ਮਹਿਮਾਨ ਸ਼ਾਮਿਲ ਹੋਣ ਦੀ ਉਮੀਦ ਹੈ।

ਸੰਗੀਤ ਸਮਾਰੋਹ ‘ਚ ਲੱਗੀਆਂ ਰੌਣਕਾਂ

ਬੀਤੇ ਦਿਨ ਹੋਏ ਸੰਗੀਤ ਸਮਾਰੋਹ ‘ਚ ਵਿਜੈ ਅਤੇ ਰਸ਼ਮਿਕਾ ਹੱਥਾਂ ‘ਚ ਹੱਥ ਪਾਈ ਨਜ਼ਰ ਆਏ।ਪ੍ਰਵੇਸ਼ ਦੁਆਰ ‘ਤੇ ਦੋਵਾਂ ਦੀਆਂ ਤਸਵੀਰਾਂ ਦੀ ਇੱਕ ਪ੍ਰਦਰਸ਼ਨੀ ਲਗਾਈ ਗਈ ਸੀ । ਪਰਿਵਾਰ ਅਤੇ ਦੋਸਤਾਂ ਮਿੱਤਰਾਂ ਨੇ ਦੱਖਣੀ ਭਾਰਤ ਅਤੇ ਹਿੰਦੀ ਫ਼ਿਲਮਾਂ ਦੇ ਗੀਤਾਂ ‘ਤੇ ਡਾਂਸ ਕੀਤਾ । ਜੋੜੀ ਨੇ ਵੀ ਆਪਣੀ ਪਰਫਾਰਮੈਂਸ ਦੇ ਨਾਲ ਹਰ ਕਿਸੇ ਦਾ ਦਿਲ ਜਿੱਤ ਲਿਆ ।ਇਸ ਵਿਆਹ ਸਮਾਰੋਹ ‘ਚ ਕਈ ਵੱਡੇ ਕਲਾਕਾਰ ਪਹੁੰਚੇ ਹੋਏ ਹਨ।

ਜਿਸ ‘ਚ ਅਰਜੁਨ ਰੈੱਡੀ, ਕਬੀਰ ਸਿੰਘ ਅਤੇ ਐਨੀਮਲ ਵਰਗੀਆਂ ਮਸ਼ਹੂਰ ਫ਼ਿਲਮਾਂ ਦੇ ਨਿਰਦੇਸ਼ਕ ਸੰਦੀਪ ਵਾਂਗਾ ਵੀ ਵਿਆਹ ‘ਚ ਸ਼ਾਮਿਲ ਹੋਏ ਹਨ । ਇਸ ਤੋਂ ਇਲਾਵਾ ਈਸ਼ਾ ਰੇਬਾ, ਨਿਰਦੇਸ਼ਕ ਤਰੁਣ ਭਾਸਕਰ ਅਤੇ ਹੋਰ ਕਈ ਫ਼ਿਲਮੀ ਹਸਤੀਆਂ ਊਦੈਪੁਰ ‘ਚ ਵਿਆਹ ਸਮਾਰੋਹ ‘ਚ ਸ਼ਿਰਕਤ ਕਰਨ ਦੇ ਲਈ ਪਹੁੰਚੀਆਂ ਹੋਈਆਂ ਹਨ।

ਮਨੋਰੰਜਨ ਜਗਤ ਤੋਂ ਮੰਦਭਾਗੀ ਖ਼ਬਰ, ਟੀਵੀ ਇੰਡਸਟਰੀ ਦੀ ਮਸ਼ਹੂਰ ਅਦਾਕਾਰਾ ਦੀ ਕੈਂਸਰ ਕਾਰਨ ਮੌਤ

Tue, 10 Feb 2026 16:52:57 +0530

ਤਮਿਲ ਇੰਡਸਟਰੀ ਤੋਂ ਇੱਕ ਬਹੁਤ ਹੀ ਮੰਦਭਾਗੀ ਖ਼ਬਰ ਸਾਹਮਣੇ ਆ ਰਹੀ ਹੈ । ਉਹ ਇਹ ਹੈ ਕਿ ਟੀਵੀ ਇੰਡਸਟਰੀ ਦੀ ਮਸ਼ਹੂਰ ਅਦਾਕਾਰ ਦੀ ਬੈ੍ਰਸਟ ਕੈਂਸਰ ਦੇ ਕਾਰਨ ਮੌਤ ਹੋ ਗਈ ਹੈ।ਜਯਾ ਵਾਹਿਨੀ ਨਾਂਅ ਦੀ ਇਹ ਅਦਾਕਾਰਾ ਬ੍ਰੈਸਟ ਕੈਂਸਰ ਦੇ ਨਾਲ ਜੂਝ ਰਹੀ ਸੀ। ਉਨ੍ਹਾਂ ਨੇ ਆਪਣੀ ਦਮਦਾਰ ਅਦਾਕਾਰੀ ਦੇ ਨਾਲ ਦਰਸ਼ਕਾਂ ਦੇ ਦਿਲਾਂ ‘ਚ ਖ਼ਾਸ ਜਗ੍ਹਾ ਬਣਾਈ ਸੀ । ਉਹ ਪਿਛਲੇ ਲੰਮੇ ਸਮੇਂ ਤੋਂ ਕੈਂਸਰ ਦੀ ਬਿਮਾਰੀ ਦੇ ਨਾਲ ਜੂਝ ਰਹੀ ਸੀ ।

ਇਸ ਤੋਂ ਇਲਾਵਾ ਉਹ ਆਰਥਿਕ ਤੌਰ ‘ਤੇ ਵੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰ ਰਹੀ ਸੀ। ਜਯਾ ਵਾਹਿਨੀ ਆਪਣੀ ਦਮਦਾਰ ਅਦਾਕਾਰੀ ਦੇ ਲਈ ਜਾਣੀ ਜਾਂਦੀ ਸੀ ਅਤੇ ਲੰਮਾ ਸਮਾਂ ਉਸ ਨੇ ਟੀਵੀ ਇੰਡਸਟਰੀ ‘ਚ ਕੰਮ ਕੀਤਾ ਸੀ ।ਅਦਾਕਾਰਾ ਨੇ ਆਪਣੇ ਜੱਦੀ ਘਰ ਵਿਜੇਨਗਰਮ ‘ਚ ਆਖਰੀ ਸਾਹ ਲਏ। ਅਦਾਕਾਰਾ ਦੀ ਮੌਤ ਦੀ ਖਬਰ ਉਸ ਦੀ ਨਜ਼ਦੀਕੀ ਦੋਸਤ ਕਲਿਆਣੀ ਨੇ ਦਿੱਤੀ ਹੈ। ਕਲਿਆਣੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਆਪਣੀ ਸਹੇਲੀ ਨੂੰ ਬਚਾਉਣ ਦੇ ਲਈ ਬੜੀ ਕੋਸ਼ਿਸ਼ ਕੀਤੀ, ਪਰ ਕਿਸਮਤ ਨੂੰ ਸ਼ਾਇਦ ਕੁਝ ਹੋਰ ਹੀ ਮਨਜ਼ੂਰ ਸੀ। ਦੱਸ ਦਈਏ ਕਿ ਦੋਵੇਂ ਅਭਿਨੇਤਰੀਆਂ ਬਹੁਤ ਵਧੀਆ ਸਹੇਲੀਆਂ ਸਨ ਅਤੇ ਦੋਵੇਂ ਇੱਕ ਦੂਜੀ ਦੀਆਂ ਗੁਆਂਢਣਾ ਸਨ ।

ਨਕਰਾਤਮਕ ਕਿਰਦਾਰਾਂ ਨਾਲ ਖੱਟੀ ਵਾਹੋ-ਵਾਹੀ

ਜਯਾ ਵਾਹਿਨੀ ਨੇ ਆਪਣੀ ਮਿਹਨਤ ਦੇ ਨਾਲ ਇੰਡਸਟਰੀ ‘ਚ ਖ਼ਾਸ ਜਗ੍ਹਾ ਬਣਾਈ ਸੀ ਅਤੇ ਛੋਟੇ ਪਰਦੇ ‘ਤੇ ਖ਼ਾਸ ਪਛਾਣ ਬਣਾਈ ਸੀ ।ਉਹ ਜ਼ਿਆਦਾਤਰ ਨਕਰਾਤਮਕ ਭੂਮਿਕਾਵਾਂ ‘ਚ ਦਿਖਾਈ ਦਿੱਤੀ । ਉਨ੍ਹਾਂ ਨੇ ਕੁਝ ਕੁ ਫ਼ਿਲਮਾਂ ‘ਚ ਵੀ ਕੰਮ ਕੀਤਾ ਸੀ ਅਤੇ ਹਮੇਸ਼ਾ ਉਨ੍ਹਾਂ ਨੇ ਆਪਣੀ ਅਦਾਕਾਰੀ ਦੇ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤਿਆ ਸੀ।

ਅਦਾਕਾਰ ਰਾਮ ਚਰਨ ਅਤੇ ਉਪਾਸਨਾ ਬਣੇ ਜੁੜਵਾ ਬੱਚਿਆਂ ਦੇ ਮਾਪੇ, ਬੱਚਿਆਂ ਦੇ ਜਨਮ ਤੋਂ ਬਾਅਦ ਪਰਿਵਾਰ ਪੱਬਾਂ ਭਾਰ

Mon, 02 Feb 2026 15:32:12 +0530

ਅਦਾਕਾਰ ਰਾਮ ਚਰਨ ਤੇ ਉਪਾਸਨਾ ਇੱਕ ਵਾਰ ਮੁੜ ਤੋਂ ਜੁੜਵਾ ਬੱਚਿਆਂ ਦੇ ਮਾਪੇ ਬਣ ਗਏ ਹਨ । ਇਸ ਜਾਣਕਾਰੀ ਨੂੰ ਖੁਦ ਰਾਮ ਚਰਨ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸਾਂਝਾ ਕੀਤਾ ਹੈ। ਰਾਮ ਚਰਨ ਤੇ ਉੋਪਾਸਨਾ ਦੇ ਘਰ ਜੁੜਵਾ ਬੱਚਿਆਂ ਨੇ ਜਨਮ ਲਿਆ ਹੈ।ਜਿਸ ਦੀ ਜਾਣਕਾਰੀ ਵੀ ਅਦਾਕਾਰ ਦੇ ਵੱਲੋਂ ਸਾਂਝੀ ਕੀਤੀ ਗਈ ਹੈ।

ਰਾਮ ਚਰਨ ਨੇ ਲਿਖਿਆ “ਤੁਹਾਡੇ ਨਾਲ ਇਹ ਜਾਣਕਾਰੀ ਸਾਂਝੀ ਕਰਦੇ ਹੋਏ ਖੁਸ਼ੀ ਹੋ ਰਹੀ ਹੈ ਕਿ ਸਾਨੂੰ ਪ੍ਰਮਾਤਮਾ ਨੇ ਧੀ ਅਤੇ ਪੁੱਤਰ ਦੀ ਦਾਤ ਦੇ ਨਾਲ ਨਵਾਜ਼ਿਆ ਹੈ।ਔਰਤਾਂ ਦੀ ਸਾਡੀ ਜ਼ਿੰਦਗੀ ‘ਚ ਬਹੁਤ ਅਹਿਮੀਅਤ ਹੈ ਅਤੇ ਮੈਂ ਆਪਣੇ ਫੈਨਸ ਦਾ ਬਹੁਤ ਸ਼ੁਕਰੀਆ ਅਦਾ ਕਰਦਾ ਹਾਂ, ਜਿਨ੍ਹਾਂ ਨੇ ਸਾਨੂੰ ਦੁਆਵਾਂ ਤੇ ਬਹੁਤ ਸਾਰਾ ਪਿਆਰ ਭੇਜਿਆ”।

ਚਿੰਰਜੀਵੀ ਨੇ ਵੀ ਸਾਂਝੀਆਂ ਕੀਤੀਆਂ ਖੁਸ਼ੀਆਂ

ਰਾਮ ਚਰਨ ਦੇ ਪਿਤਾ ਅਤੇ ਅਦਾਕਾਰ ਚਿੰਰਜੀਵੀ ਨੇ ਵੀ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇੱਕ ਪੋਸਟ ਸਾਂਝੀ ਕੀਤੀ ਹੈ। ਜਿਸ ਨੂੰ ਸਾਂਝਾ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ ‘ਬਹੁਤ ਖੁਸ਼ੀ ਦੇ ਨਾਲ ਤੁਹਾਨੂੰ ਇਹ ਦੱਸ ਰਿਹਾ ਹਾਂ ਕਿ ਰਾਮ ਚਰਨ ਤੇ ਉਪਾਸਨਾ ਦੇ ਘਰ ਜੁੜਵਾ ਬੱਚੇ ਹੋਏ ਹਨ।ਇੱਕ ਮੁੰਡਾ ਤੇ ਇੱਕ ਕੁੜੀ। ਬੱਚੇ ਅਤੇ ਮਾਂ ਦੋਨੇਂ ਸਿਹਤਮੰਦ ਹਨ ਅਤੇ ਇਨ੍ਹਾਂ ਦੋਨਾਂ ਨੰਨੇ੍ਹ ਮੁੰਨਿਆਂ ਦਾ ਸੁਆਗਤ ਕਰਨਾ ਅਤੇ ਦਾਦਾ ਦਾਦੀ ਦਾ ਸੁਭਾਗ, ਸਾਡੇ ਲਈ ਪ੍ਰਮਾਤਮਾ ਦਾ ਆਸ਼ੀਰਵਾਦ ਹੈ”। ਜਿਉਂ ਹੀ ਚਿੰਰਜੀਵੀ ਨੇ ਇਸ ਖ਼ਬਰ ਨੂੰ ਸਾਂਝਾ ਕੀਤਾ ਤਾਂ ਉਨ੍ਹਾਂ ਨੂੰ ਵਧਾਈਆਂ ਦੇਣ ਦਾ ਸਿਲਸਿਲਾ ਸ਼ੁਰੂ ਹੋ ਗਿਆ।

View this post on Instagram

A post shared by Ram Charan (@alwaysramcharan)

ਲੁਧਿਆਣਾ ਦੇ ਸਰਦਾਰ ਜਸਕਰਨ ਸਿੰਘ ਦੇ ਚਾਰੇ ਪਾਸੇ ਚਰਚੇ, ਸਾਊਥ ਦਾ ਦਿਲਜੀਤ ਕਹਿ ਕੇ ਬੁਲਾਉਂਦੇ ਹਨ ਫੈਨ

Mon, 26 Jan 2026 13:46:37 +0530

ਲੁਧਿਆਣਾ ਦੇ ਸਿੱਖ ਨੌਜਵਾਨ ਜਸਕਰਨ ਸਿੰਘ (Jaskaran Singh) ਨੇ ਆਪਣੀ ਕਲਾ ਨਾਲ ਸਾਊਥ ਵਾਲਿਆਂ ਦਾ ਵੀ ਮਨ ਮੋਹ ਲਿਆ ਹੈ । ਕੰਨੜ ਭਾਸ਼ਾ ਵਿੱਚ ਗਾਏ ਗੀਤ ਕਾਰਨ ਇੱਕ ਬਹੁਤ ਵੱਡਾ ਅਵਾਰਡ ਆਪਣੇ ਨਾਮ ਕੀਤਾ ਹੈ । ਜਿਸ ਦੇ ਚਲਦਿਆਂ ਜਸਕਰਨ ਸਿੰਘ ਨੂੰ ਸਾਊਥ ਵਾਲੇ ਸਾਊਥ ਦਾ ਦਿਲਜੀਤ ਕਹਿ ਕਿ ਬੁਲਾਉਦੇ ਹਨ । ਜਦੋਂ ਇਹ ਪੰਜਾਬੀ ਨੌਜਵਾਨ ਕੰਨੜ ਭਾਸ਼ਾ ਵਿੱਚ ਗੀਤ ਗਾਉਂਦਾ ਹੈ ਤਾਂ ਲੋਕ ਉਸਦੇ ਫੈਨ ਹੋ ਜਾਂਦੇ ਹਨ ਅਤੇ ਉਸਦੀ ਆਵਾਜ਼ ਸੁਣ ਕੇ ਕੋਈ ਵੀ ਯਕੀਨ ਨਹੀਂ ਕਰਦਾ ਕਿ ਪੰਜਾਬ ਦੇ ਲੁਧਿਆਣਾ ਦਾ ਰਹਿਣ ਵਾਲਾ ਨੌਜਵਾਨ ਇੰਨੀ ਸੋਹਣੀ ਕੰਨੜ ਭਾਸ਼ਾ ਬੋਲ ਲੈਂਦਾ ਹੈ।

ਉਸ ਵੱਲੋਂ ਪੰਜਾਬੀ ਹਿੰਦੀ ਦੇ ਨਾਲ ਨਾਲ ਤੈਲਗੂ ,ਮਲਿਆਲਮ ਅਤੇ ਕੰਨੜ ਭਾਸ਼ਾ ਵਿੱਚ ਵੀ ਅਨੇਕਾਂ ਗੀਤ ਗਾਏ ਗਏ ਹਨ। ਬੇਸ਼ੱਕ ਉਸ ਨੇ ਕੰਨੜ ਫਿਲਮਾਂ ਵਿੱਚ ਆਪਣੀ ਪਹਿਚਾਣ ਬਣਾ ਲਈ ਹੈ ਪਰ ਆਪਣਾ ਸਿੱਖੀ ਸਵਰੂਪ ਨਹੀਂ ਛੱਡਿਆ। ਅਤੇ ਹੁਣ ਪੰਜਾਬੀ ਵਿੱਚ ਵੀ ਨਵੇਂ ਪ੍ਰੋਜੈਕਟ ਕਰਨ ਦਾ ਚਾਹਵਾਨ ਹੈ ਜਸਕਰਨ ਸਿੰਘ।

ਜਸਕਰਨ ਸਿੰਘ ਮੁਤਾਬਕ ਉਸ ਨੂੰ ਕੁਝ ਸਮਾਂ ਪਹਿਲਾਂ ਦੁਬਈ ਵਿੱਚ ਇਹ ਸਾਈਮਾ ਵਾਰਡ ਮਿਲਿਆ ਸੀ। ਉਸ ਨੇ ਕਿਹਾ ਕਿ ਉਹ ਇੱਕ ਕੰਨੜ ਭਾਸ਼ਾ ਵਿੱਚ ਗਾਣਿਆਂ ਦਾ ਸ਼ੋ ਕਰਨ ਗਿਆ ਸੀ ਜਿੱਥੇ ਜੱਜ ਨੇ ਉਸ ਨਾਲ ਵਾਅਦਾ ਕੀਤਾ ਕਿ ਉਸਨੂੰ ਫਿਲਮ ਵਿੱਚ ਗਾਉਣ ਦਾ ਮੌਕਾ ਦੇਵੇਗਾ ਤੇ ਉਸ ਨੂੰ ਮੌਕਾ ਮਿਲਿਆ ਜਿਸ ਨੂੰ ਉਸਨੇ ਬਾਖੂਬੀ ਨਿਭਾਇਆ ਅਤੇ ਉਸਨੇ ਵੱਡੇ ਅਵਾਰਡ ਹਾਸਲ ਕੀਤੇ ਹਨ।

View this post on Instagram

A post shared by KIDDAAN | Vlueprints | (@kiddaan)

ਉਸ ਨੇ ਕਿਹਾ ਕਿ ਉਸ ਨੂੰ ਬੇਸ਼ਕ ਸਾਊਥ ਵਿੱਚੋਂ ਬਹੁਤ ਪਿਆਰ ਮਿਲ ਰਿਹਾ ਹੈ। ਅਤੇ ਉਥੋਂ ਦੇ ਲੋਕ ਉਸਨੂੰ ਸਾਊਥ ਦਾ ਦਿਲਜੀਤ ਕਹਿ ਕੇ ਬੁਲਾਉਂਦੇ ਹਨ।

ਪਰ ਉਹ ਆਪਣੀ ਮਾਤ ਭਾਸ਼ਾ ਪੰਜਾਬੀ ਨੂੰ ਵੀ ਉਨਾ ਹੀ ਪਿਆਰ ਕਰਦਾ ਹੈ ਤੇ ਪੰਜਾਬੀ ਵਿੱਚ ਵੱਡੇ ਪ੍ਰੋਜੈਕਟ ਕਰਨਾ ਚਾਹੁੰਦਾ । ਜਸਕਰਨ ਸਿੰਘਪੰਜਾਬੀ ਹਿੰਦੀ ਦੇ ਨਾਲ ਨਾਲ ਤੈਲਗੂ , ਮਲਿਆਲਮ ਅਤੇ ਕੰਨੜ ਵਧੀਆ ਤਰੀਕੇ ਨਾਲ ਬੋਲ ਲੈਂਦਾ ਹੈ । ਅਤੇ ਨੌਜਵਾਨਾਂ ਨੂੰ ਸੁਨੇਹਾ ਦਿੰਦਾ ਹੈ ਕਿ ਜ਼ਿੰਦਗੀ ਵਿੱਚ ਕਾਮਯਾਬੀ ਹਾਸਿਲ ਕਰਨ ਦਾ ਕੋਈ ਵੀ ਸ਼ਾਰਟਕੱਟ ਨਹੀਂ ਹੈ।

ਮਲਿਆਲਮ ਅਦਾਕਾਰ ਮੋਹਨ ਲਾਲ ਦੀ ਮਾਂ ਦਾ ਦਿਹਾਂਤ, ਲੰਬੇ ਸਮੇਂ ਤੋਂ ਸਨ ਬਿਮਾਰ

Wed, 31 Dec 2025 13:00:00 +0530

ਮਨੋਰੰਜਨ ਜਗਤ ਤੋਂ ਇੱਕ ਮੰਦਭਾਗੀ ਖ਼ਬਰ ਸਾਹਮਣੇ ਆ ਰਹੀ ਹੈ। ਮਸ਼ਹੂਰ ਮਲਿਆਲਮ ਅਦਾਕਾਰ ਮੋਹਨ ਲਾਲ (Mohan Lal) ਦੀ ਮਾਂ ਦਾ ਦਿਹਾਂਤ ( Mother Death) ਹੋ ਗਿਆ ਹੈ।ਉਹ ਪਿਛਲੇ ਲੰਬੇ ਸਮੇਂ ਤੋਂ ਬਿਮਾਰ ਚੱਲ ਰਹੇ ਸਨ ਅਤੇ ਸਿਹਤ ਸਬੰਧੀ ਬਿਮਾਰੀਆਂ ਦੇ ਨਾਲ ਜੂਝ ਰਹੇ ਸਨ ।ਉਹ ਨੱਬੇ ਸਾਲ ਦੇ ਸਨ ਅਤੇ ਅਦਾਕਾਰ ਮੋਹਨ ਲਾਲ ਦੇ ਘਰ ‘ਚ ਹੀ ਉਨ੍ਹਾਂ ਦੇ ਨਾਲ ਹੀ ਰਹਿੰਦੇ ਸਨ।

ਮੋਹਨ ਲਾਲ ਦੇ ਪਿਤਾ ਵਿਸ਼ਵਨਾਥਨ ਨਾਇਰ ਦਾ 2005 ‘ਚ ਦਿਹਾਂਤ ਹੋ ਗਿਆ ਸੀ । ਇਸ ਤੋਂ ਪਹਿਲਾਂ ਉਨ੍ਹਾਂ ਦੇ ਵੱਡੇ ਭਰਾ ਪਿਆਰੀ ਲਾਲ ਦਾ ਵੀ 2000 ‘ਚ ਦਿਹਾਂਤ ਹੋ ਗਿਆ ਸੀ ।ਮੋਹਨ ਲਾਲ ਦੀ ਜ਼ਿੰਦਗੀ ‘ਚ ਉਨ੍ਹਾਂ ਦੀ ਮਾਂ ਦਾ ਵੱਡਾ ਰੋਲ ਰਿਹਾ ਹੈ ਅਤੇ ਉਨ੍ਹਾਂ ਦੀ ਪ੍ਰੋਫੈਸ਼ਨਲ ਲਾਈਫ ‘ਚ ਵੀ ਉਨ੍ਹਾਂ ਦੀ ਮਾਂ ਨੇ ਮਹੱਤਵਪੂਰਨ ਭੂਮਿਕਾ ਨਿਭਾਈ ਸੀ।

ਮੋਹਨ ਲਾਲ ਦੀ ਮਾਂ ਦੀ ਮ੍ਰਿਤਕ ਦੇਹ ਨੂੰ ਅੰਤਿਮ ਦਰਸ਼ਨਾਂ ਦੇ ਲਈ ਰੱਖਿਆ ਜਾਵੇਗਾ ਅਤੇ ਇਸ ਤੋਂ ਬਾਅਦ ਅੱਜ ਯਾਨੀ ਕਿ ੩੧ ਦਸੰਬਰ ਨੂੰ ਉਨ੍ਹਾਂ ਦਾ ਅੰਤਿਮ ਸਸਕਾਰ ਕੀਤਾ ਜਾਵੇਗਾ । ਦੱਸ ਦਈਏ ਕਿ ਮੋਹਨ ਲਾਲ ਸੰਥਾ ਕੁਮਾਰੀ ਅਤੇ ਵਿਸ਼ਵਨਾਥਨ ਨਾਇਰ ਦੇ ਦੋ ਬੱਚਿਆਂ ਚੋਂ ਸਭ ਤੋਂ ਛੋਟਾ ਹੈ।ਕੋਚੀ ‘ਚ ਮੋਹਨ ਲਾਲ ਦੀ ਮਾਂ ਦਾ ਅੰਤਿਮ ਸਸਕਾਰ ਕੀਤੇ ਜਾਣ ਦੀ ਉਮੀਦ ਹੈ। ਜਿਸ ‘ਚ ਵੱਡੀ ਗਿਣਤੀ ‘ਚ ਲੋਕਾਂ ਦੇ ਪਹੁੰਚਣ ਦੀ ਉਮੀਦ ਹੈ।

ਮਨੋਰੰਜਨ ਜਗਤ ਤੋਂ ਦੁੱਖਦਾਇਕ ਖ਼ਬਰ, ਮਸ਼ਹੂਰ ਅਦਾਕਾਰ ਕਲਿਆਣ ਚੈਟਰਜੀ ਦਾ ਦਿਹਾਂਤ

Mon, 08 Dec 2025 11:52:36 +0530

ਮਨੋਰੰਜਨ ਜਗਤ ਤੋਂ ਬਹੁਤ ਹੀ ਮੰਦਭਾਗੀ ਖ਼ਬਰ ਸਾਹਮਣੇ ਆਈ ਹੈ।ਮਨੋਰੰਜਨ ਜਗਤ ਦੇ ਮਸ਼ਹੂਰ ਅਦਾਕਾਰ ਕਲਿਆਣ ਚੈਟਰਜੀ ( Kalyan Chatterjee)ਦਾ ਦਿਹਾਂਤ ਹੋ ਗਿਆ।ਉਹ 81ਸਾਲ ਦੇ ਸਨ ।ਉਨ੍ਹਾਂ ਦੇ ਦਿਹਾਂਤ ਤੋਂ ਬਾਅਦ ਇੰਡਸਟਰੀ ‘ਚ ਸੋਗ ਦੀ ਲਹਿਰ ਹੈ।ਅਦਾਕਾਰ ਟਾਈਫਾਈਡ ਬੁਖਾਰ ਦੇ ਨਾਲ ਪੀੜਤ ਸਨ । ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਹਸਪਤਾਲ ‘ਚ ਦਾਖਲ ਕਰਵਾਇਆ ਗਿਆ ਸੀ ।ਬੀਤੀ ਦੇਰ ਰਾਤ ਉਨ੍ਹਾਂ ਨੇ ਆਖਰੀ ਸਾਹ ਲਏ । ਉਨ੍ਹਾਂ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ‘ਅਪੋਨਜੋਨ’ ਦੇ ਨਾਲ ਕੀਤੀ ਸੀ ਅਤੇ ਚਾਰ ਸੌ ਤੋਂ ਵੱਧ ਫ਼ਿਲਮਾਂ ‘ਚ ਕੰਮ ਕੀਤਾ ਸੀ।

ਬੰਗਾਲੀ ਫ਼ਿਲਮਾਂ ‘ਚ ਕੀਤਾ ਸੀ ਕੰਮ

ਕਲਿਆਣ ਚੈਟਰਜੀ ਨੇ ਬੰਗਾਲੀ ਫ਼ਿਲਮਾਂ ‘ਚ ਕੰਮ ਕੀਤਾ ਸੀ । ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਹਿੰਦੀ ਸਿਨੇਮਾ ‘ਚ ਵੀ ਕਈ ਕੰਮ ਕੀਤਾ ਸੀ । ਜਿਸ ‘ਚ ਸੁਜੋਏ ਘੋਸ਼ ਦੀ ਫ਼ਿਲਮ ਸ਼ਾਮਿਲ ਹੈ।। ਉਹ ਸਿਰਫ਼ ਫ਼ਿਲਮਾਂ ‘ਚ ਹੀ ਨਜ਼ਰ ਨਹੀਂ ਆਏ । ਕਈ ਵੈੱਬ ਸੀਰੀਜ਼ ‘ਚ ਵੀ ਉਨ੍ਹਾਂ ਨੇ ਕੰਮ ਕੀਤਾ ਸੀ । ਉਨ੍ਹਾਂ ਦੇ ਦਿਹਾਂਤ ਤੇ ਬੰਗਾਲੀ ਫ਼ਿਲਮ ਅਦਾਕਾਰਾਂ ਦੇ ਨਾਲ-ਨਾਲ ਬਾਲੀਵੁੱਡ ਦੇ ਕਈ ਅਦਾਕਾਰਾਂ ਨੇ ਵੀ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ

ਤਲਾਕ ਤੋਂ ਬਾਅਦ ਮੁੜ ਤੋਂ ਦੁਲਹਨ ਬਣੀ ਸਾਊਥ ਦੀ ਇਹ ਅਦਾਕਾਰਾ, ਵਿਆਹ ਦੀਆਂ ਤਸਵੀਰਾਂ ਕੀਤੀਆਂ ਸਾਂਝੀਆਂ

Mon, 01 Dec 2025 18:02:36 +0530

ਸਾਊਥ ਦੀ ਮਸ਼ਹੂਰ ਅਦਾਕਾਰਾ ਸਾਮੰਥਾ ਰੂਥ ਪ੍ਰਭੂ ਤਲਾਕ ਦੇ ਚਾਰ ਸਾਲਾਂ ਬਾਅਦ ਮੁੜ ਤੋਂ ਦੁਲਹਨ ਬਣ ਗਈ ਹੈ। ਅਦਾਕਾਰਾ ਨੇ ਆਪਣੇ ਦੂਜੇ ਵਿਆਹ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ । ਜਿਸ ਤੋਂ ਬਾਅਦ ਫੈਨਸ ਵੀ ਹੈਰਾਨ ਰਹਿ ਗਏ । ਇਹ ਜੋੜੀ ਲੰਮੇ ਸਮੇਂ ਤੋਂ ਇੱਕ ਦੂਜੇ ਨੂੰ ਡੇਟ ਕਰ ਰਹੀ ਸੀ ।ਜਿਸ ਤੋਂ ਬਾਅਦ ਇੱਕ ਦਸੰਬਰ ਨੂੰ ਇਹ ਜੋੜੀ ਹਮੇਸ਼ਾ ਦੇ ਲਈ ਇੱਕ ਹੋ ਗਈ। ਸਮੰਥਾ ਰੂਥ ਪ੍ਰਭੂ ਨੇ ਰਾਜ ਨਿਦਿਮੋਰੂ ਦੇ ਨਾਲ ਵਿਆਹ ਕਰਵਾਇਆ ਹੈ।

ਅਦਾਕਾਰਾ ਨੇ ਆਪਣੇ ਵਿਆਹ ਦੀਆਂ ਤਸਵੀਰਾਂ ਜਿਉਂ ਹੀ ਸੋਸ਼ਲ ਮੀਡੀਆ ਤੇ ਸਾਂਝੀਆਂ ਕੀਤੀਆਂ ਤਾਂ ਫੈਨਸ ਅਤੇ ਸੈਲੀਬ੍ਰੇਟੀਜ਼ ਨੇ ਵੀ ਇਨ੍ਹਾਂ ਤਸਵੀਰਾਂ ਤੇ ਪਿਆਰ ਲੁਟਾਇਆ ।ਇਸ ਜੋੜੀ ਨੂੰ ਜ਼ਿੰਦਗੀ ਦੀ ਨਵੀਂ ਸ਼ੁਰੂਆਤ ਦੇ ਲਈ ਹਰ ਕੋਈ ਵਧਾਈ ਦੇ ਰਿਹਾ ਹੈ। ਵਿਆਹ ਦੇ ਇਸ ਖ਼ਾਸ ਮੌਕੇ ਦੇ ਲਈ ਅਦਾਕਾਰਾ ਨੇ ਲਾਲ ਸਾੜ੍ਹੀ ਪਹਿਨੀ ਹੋਈ ਸੀ ।

View this post on Instagram

A post shared by Samantha (@samantharuthprabhuoffl)

ਜਦੋਂਕਿ ਲਾੜੇ ਨੇ ਚਿੱਟਾ ਕੁੜਤਾ ਤੇ ਸੁਨਹਿਰੀ ਜੈਕੇਟ ਦੇ ਨਾਲ ਸਿੰਪਲ ਲੁੱਕ ਰੱਖਿਆ ।ਇਹ ਜੋੜੀ ਕਾਫੀ ਖੁਸ਼ ਨਜ਼ਰ ਆ ਰਹੀ ਸੀ ਅਤੇ ਦੋਵਾਂ ਨੇ ਬੜੀ ਸਾਦਗੀ ਦੇ ਨਾਲ ਇੱਕ ਮੰਦਰ ‘ਚ ਵਿਆਹ ਰਚਾਇਆ।ਵਿਆਹ ‘ਚ ਪਰਿਵਾਰਕ ਮੈਂਬਰ ਤੇ ਦੋਸਤ ਹੀ ਸ਼ਾਮਿਲ ਹੋਏ ਸਨ । ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਦੋਵਾਂ ਦੀ ਡੇਟਿੰਗ ਦੀਆਂ ਖ਼ਬਰਾਂ ਸਾਹਮਣੇ ਆ ਰਹੀਆਂ ਸਨ।ਪਰ ਖੁੱਲੇ੍ਹ ਤੌਰ ‘ਤੇ ਦੋਵਾਂ ਨੇ ਇਸ ਬਾਰੇ ਕਦੇ ਵੀ ਹਾਮੀ ਨਹੀਂ ਸੀ ਭਰੀ।ਪਰ ਹੁਣ ਅਚਾਨਕ ਦੋਵਾਂ ਨੇ ਵਿਆਹ ਦੀਆਂ ਤਸਵੀਰਾਂ ਸਾਂਝੀਆਂ ਕਰਕੇ ਹਰ ਕਿਸੇ ਨੂੰ ਹੈਰਾਨ ਕਰ ਦਿੱਤਾ ਹੈ।

ਸਾਊਥ ਇੰਡਸਟਰੀ ਤੋਂ ਮੰਦਭਾਗੀ ਖ਼ਬਰ, ਇਸ ਮਸ਼ਹੂਰ ਅਦਾਕਾਰ ਦਾ ਲੀਵਰ ਦੀ ਬਿਮਾਰੀ ਕਾਰਨ ਦਿਹਾਂਤ

Tue, 11 Nov 2025 18:00:00 +0530

ਸਾਊਥ ਇੰਡਸਟਰੀ ਤੋਂ ਬਹੁਤ ਹੀ ਮੰਦਭਾਗੀ ਖ਼ਬਰ ਸਾਹਮਣੇ ਆ ਰਹੀ ਹੈ। ਸਾਊਥ ਅਦਾਕਾਰ ਅਭਿਨੈ (Abhinay Kinger)ਦਾ ਦਿਹਾਂਤ ਹੋ ਗਿਆ ਹੈ। ਉਹ ਚਤਾਲੀ ਸਾਲਾਂ ਦੇ ਸਨ । ਉਹ ਪਿਛਲੇ ਕਈ ਸਾਲਾਂ ਤੋਂ ਲੀਵਰ ਦੀ ਬਿਮਾਰੀ ਦੇ ਨਾਲ ਜੂਝ ਰਹੇ ਸਨ ।ਇਲਾਜ ਕਰਵਾਉਣ ਦੇ ਬਾਵਜੂਦ ਉਨ੍ਹਾਂ ਦੀ ਹਾਲਤ ਲਗਾਤਾਰ ਵਿਗੜਦੀ ਜਾ ਰਹੀ ਸੀ । ਬਿਮਾਰੀ ਦੇ ਕਾਰਨ ਉਨ੍ਹਾਂ ਦੀ ਹਾਲਤ ਦਿਨ-ਬ-ਦਿਨ ਵਿਗੜਦੀ ਜਾ ਰਹੀ ਸੀ ਅਤੇ ਉਨ੍ਹਾਂ ਦਾ ਵਜ਼ਨ ਵੀ ਬਹੁਤ ਘਟ ਗਿਆ ਸੀ ਅਤੇ ਸਰੀਰ ਹੱਡੀਆਂ ਦੀ ਮੁੱਠ ਬਣ ਕੇ ਰਹਿ ਗਿਆ ਸੀ ।

ਆਪਣੀ ਬਿਮਾਰੀ ਨੂੰ ਲੈ ਕੇ ਵੀਡੀਓ ਕੀਤਾ ਸਾਂਝਾ

ਅਭਿਨੈ ਨੇ ਕੁਝ ਸਮਾਂ ਪਹਿਲਾਂ ਆਪਣੀ ਬਿਮਾਰੀ ਨੂੰ ਲੈ ਕੇ ਖੁੱਲ੍ਹ ਕੇ ਗੱਲਬਾਤ ਕੀਤੀ ਸੀ ।ਉਨ੍ਹਾਂ ਨੇ ਇੱਕ ਵੀਡੀਓ ਵੀ ਸਾਂਝਾ ਕੀਤਾ ਸੀ । ਜਿਸ ‘ਚ ਉਨ੍ਹਾਂ ਨੇ ਦੱਸਿਆ ਸੀ ਕਿ ‘ਮੈਨੂੰ ਨਹੀਂ ਪਤਾ ਕਿ ਮੈਂ ਹੋਰ ਕਿੰਨਾ ਸਮਾਂ ਇੱਥੇ ਰਹਿ ਸਕਾਂਗਾ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਮੇਰੇ ਕੋਲ ਸਿਰਫ਼ ਡੇਢ ਸਾਲ ਦਾ ਸਮਾਂ ਹੈ’।

ਆਰਥਿਕ ਤੰਗੀ ਦਾ ਕਰਨਾ ਪਿਆ ਸਾਹਮਣਾ

ਅਦਾਕਾਰ ਅਭਿਨੈ ਨੂੰ ਬਿਮਾਰੀ ਦੇ ਕਾਰਨ ਕੰਮ ਘੱਟ ਮਿਲ ਰਿਹਾ ਸੀ ਅਤੇ ਬਿਮਾਰ ਹੋਣ ਦੇ ਕਾਰਨ ਉਹ ਕੰਮ ਵੀ ਨਹੀਂ ਸੀ ਕਰ ਪਾ ਰਿਹਾ । ਜਿਸ ਕਾਰਨ ਉਸ ਨੂੰ ਆਰਥਿਕ ਤੌਰ ਤੇ ਤੰਗੀ ਦਾ ਸਾਹਮਣਾ ਕਰਨਾ ਪਿਆ ਸੀ।ਜਿਸ ਲਈ ਅਦਾਕਾਰ ਨੇ ਲੋਕਾਂ ਨੂੰ ਮਦਦ ਦੀ ਅਪੀਲ ਵੀ ਕੀਤੀ ਸੀ ।

ਫ਼ਿਲਮ ਇੰਡਸਟਰੀ ਤੋਂ ਮੰਦਭਾਗੀ ਖ਼ਬਰ ਕੇਜੀਐਫ ਫੇਮ ਅਦਾਕਾਰ ਦਾ ਹੋਇਆ ਦਿਹਾਂਤ

Thu, 06 Nov 2025 18:26:33 +0530

ਸਾਊਥ ਫ਼ਿਲਮ ਇੰਡਸਟਰੀ ਤੋਂ ਦੁਖਦਾਇਕ ਖ਼ਬਰ ਸਾਹਮਣੇ ਆਈ ਹੈ। ਮਸ਼ਹੂਰ ਕੰਨੜ ਅਦਾਕਾਰ ਹਰੀਸ਼ ਰਾਏ (Harish Rai) ਦਾ ਦਿਹਾਂਤ ਹੋ ਗਿਆ ਹੈ। ਉਨ੍ਹਾਂ ਦੇ ਦਿਹਾਂਤ ਤੋਂ ਬਾਅਦ ਸਾਊਥ ਇੰਡਸਟਰੀ ‘ਚ ਸੋਗ ਦੀ ਲਹਿਰ ਹੈ । ਉਨ੍ਹਾਂ ਨੇ ਤਰੇਹਠ ਸਾਲ ਦੀ ਉਮਰ ‘ਚ ਆਖਰੀ ਸਾਹ ਲਏ । ਉਹ ਲੰਮੇ ਸਮੇਂ ਤੋਂ ਕੈਂਸਰ ਦੇ ਨਾਲ ਜੂਝ ਰਹੇ ਸਨ । ਉਹ ਆਪਣੇ ਪਿੱਛੇ ਪਤਨੀ ਤੇ ਦੋ ਪੱਤਰਾਂ ਨੂੰ ਛੱਡ ਗਏ ਹਨ ।

ਇਨ੍ਹਾਂ ਫ਼ਿਲਮਾਂ ਨੇ ਦਿੱਤੀ ਪਛਾਣ

ਅਦਾਕਾਰ ਹਰੀਸ਼ ਰਾਏ ਓਮ ਤੇ ਕੇਜੀਐਫ ਵਰਗੀਆਂ ਫ਼ਿਲਮਾਂ ‘ਚ ਕੰਮ ਕਰ ਚੁੱਕੇ ਸਨ ਅਤੇ ਇਨ੍ਹਾਂ ਫ਼ਿਲਮਾਂ ਦੇ ਰਾਹੀਂ ਹੀ ਉਨ੍ਹਾਂ ਨੂੰ ਪਛਾਣ ਮਿਲੀ ਸੀ । ਇਸ ਤੋਂ ਇਲਾਵਾ ਹਰੀਸ਼ ਰਾਏ ਨੇ ਤਮਿਲ ਤੇ ਤੇਲਗੂ ਫ਼ਿਲਮਾਂ ‘ਚ ਵੀ ਕੰਮ ਕੀਤਾ ਸੀ।ਬਿਮਾਰੀ ਦੇ ਕਾਰਨ ਉਨ੍ਹਾਂ ਦੀ ਸਿਹਤ ਬਹੁਤ ਜ਼ਿਆਦਾ ਵਿਗੜ ਗਈ ਸੀ, ਪਰ ਉਨ੍ਹਾਂ ਨੇ ਹਾਰ ਨਹੀਂ ਮੰਨੀ ਤੇ ਆਖਰੀ ਸਾਹਾਂ ਤੱਕ ਫ਼ਿਲਮਾਂ ‘ਚ ਕੰਮ ਕਰਨ ਦੀ ਇੱੱਛਾ ਜਤਾਈ ਸੀ।

View this post on Instagram

A post shared by Bangalore Times (@bangalore_times)

ਆਰਥਿਕ ਮਦਦ ਦੀ ਵੀ ਕੀਤੀ ਸੀ ਅਪੀਲ

ਅਦਾਕਾਰ ਦਾ ਇੱਕ ਵੀਡੀਓ ਵੀ ਕੁਝ ਸਮਾਂ ਪਹਿਲਾਂ ਸਾਹਮਣੇ ਆਇਆ ਸੀ, ਜਿਸ ‘ਚ ਉਸ ਨੇ ਆਰਥਿਕ ਮਦਦ ਦੀ ਅਪੀਲ ਕੀਤੀ ਸੀ । ਕਿਉਂਕਿ ਬਿਮਾਰੀ ਦੇ ਦੌਰਾਨ ਜੋ ਇੰਜੈਕਸ਼ਨ ਉਨ੍ਹਾਂ ਨੂੰ ਲੱਗਦੇ ਸਨ, ਉਨ੍ਹਾਂ ਦੀ ਕੀਮਤ ਲੱਖਾਂ ‘ਚ ਸੀ ।ਉਨ੍ਹਾਂ ਦੇ ਦਿਹਾਂਤ ਨੇ ਸਾਊਥ ਇੰਡਸਟਰੀ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ।

ਸਾਊਥ ਇੰਡਸਟਰੀ ਦੇ ਮਸ਼ਹੂਰ ਅਦਾਕਾਰ ਰਜਨੀਕਾਂਤ ਤੇ ਧਨੁਸ਼ ਦੇ ਘਰ ਨੂੰ ਬੰਬ ਨਾਲ ਉਡਾਉਣ ਦੀ ਮਿਲੀ ਧਮਕੀ, ਇੰਡਸਟਰੀ ‘ਚ ਦਹਿਸ਼ਤ ਦਾ ਮਹੌਲ

Wed, 29 Oct 2025 14:14:03 +0530

ਸਾਊਥ ਸੁਪਰ ਸਟਾਰ ਰਜਨੀਕਾਂਤ ( Rajinikanth) ਨੂੰ ਇੱਕ ਅਣਪਛਾਤੇ ਸ਼ਖਸ ਦੇ ਵੱਲੋਂ ਧਮਕੀ ਭਰੀ ਈਮੇਲ ਭੇਜੀ ਗਈ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਦੇ ਸਾਬਕਾ ਜਵਾਈ ਤੇ ਅਦਾਕਾਰ ਧਨੁਸ਼ ਨੂੰ ਵੀ ਧਮਕੀ ਮਿਲੀ ਹੈ। ਜਿਸ ਤੋਂ ਬਾਅਦ ਪੁਲਿਸ ਨੇ ਦੋਵਾਂ ਅਦਾਕਾਰਾਂ ਦੇ ਘਰਾਂ ਦੀ ਤਲਾਸ਼ੀ ਲਈ । ਤਾਮਿਲਨਾਡੂ ਪੁਲਿਸ ਮੁਤਾਬਕ ਸੂਬੇ ਦੇ ਡਾਇਰੈਕਟਰ ਜਨਰਲ ਆਫ਼ ਪੁਲਿਸ ਨੂੰ ਈਮੇਲ ਮਿਲੇ ਹਨ । ਜਿਸ ‘ਚ ਦਾਅਵਾ ਕੀਤਾ ਗਿਆ ਹੈ ਕਿ ਰਜਨੀਕਾਂਤ ਤੇ ਧਨੁਸ਼ ਦੇ ਘਰ ਬੰਬ ਫਿੱਟ ਕੀਤੇ ਗਏ ਹਨ।

ਰਜਨੀਕਾਂਤ ਨੂੰ ਪਹਿਲਾਂ ਈਮੇਲ ਸਤਾਈ ਅਕਤੂਬਰ ਨੂੰ ਮਿਲਿਆ ਸੀ । ਜਿਸ ਤੋਂ ਬਾਅਦ ਮੌਕੇ ‘ਤੇ ਪੁਲਿਸ ਪਹੁੰਚੀ ਤਾਂ ਉਨ੍ਹਾਂ ਨੂੰ ਕਿਹਾ ਗਿਆ ਕਿ ਬੰਬ ਨਿਰੋਧਕ ਦਸਤੇ ਦੀ ਲੋੜ ਨਹੀਂ ਹੈ।ਫਿਰ ਉਸੇ ਦਿਨ ਦੂਜੀ ਧਮਕੀ ਭਰੀ ਈਮੇਲ ਭੇਜੀ ਗਈ ਸੀ ।ਜਿਸ ਤੋਂ ਬਾਅਦ ਰਜਨੀਕਾਂਤ ਦੀ ਟੀਮ ਨੇ ਫਿਰ ਸੁਰੱਖਿਆ ਜਾਂਚ ਤੋਂ ਇਨਕਾਰ ਕਰ ਦਿੱਤਾ ਸੀ।

ਮੀਡੀਆ ਰਿਪੋਰਟ ਮੁਤਾਬਕ ਈਮੇਲ ਮਿਲਣ ਤੋਂ ਬਾਅਦ, ਤੇਨਾਮੇਟ ਪੁਲਿਸ ਇੱਕ ਬੰਬ ਨਿਰੋਧਕ ਦਸਤੇ ਦੇ ਨਾਲ ਰਜਨੀਕਾਂਤ ਦੇ ਘਰ ਸੁਰੱਖਿਆ ਜਾਂਚ ਕਰਨ ਦੇ ਲਈ ਪਹੁੰਚੀ ਪਰ ਉਨ੍ਹਾਂ ਦੇ ਸੁਰੱਖਿਆ ਗਾਰਡਾਂ ਨੇ ਇਸ ਤੋਂ ਇਨਕਾਰ ਕਰਦੇ ਹੋਏ ਦੱਸਿਆ ਸੀ ਕਿ ਕੋਈ ਅਨਜਾਣ ਵਿਅਕਤੀ ਘਰ ‘ਚ ਵਿਸਫੋਟਕ ਸਮੱਗਰੀ ਰੱਖਣ ਲਈ ਦਾਖਲ ਨਹੀਂ ਹੋਇਆ ।ਇਹ ਮਹਿਜ਼ ਅਫਵਾਹ ਹੋਵੇਗੀ।ਪੁਲਿਸ ਨੇ ਬੰਬ ਸਕੁਐਡ ਦੇ ਨਾਲ ਈਮੇਲ ‘ਚ ਦੱਸੇ ਗਏ ਹੋਰ ਕਈ ਲੋਕਾਂ ਦੇ ਘਰਾਂ ਦੀ ਵੀ ਜਾਂਚ ਕੀਤੀ ਜੋ ਅਫਵਾਹ ਸਾਬਿਤ ਹੋਈ ।

ਮੁੜ ਤੋਂ ਪਿਤਾ ਬਣਨ ਜਾ ਰਹੇ ਸਾਊਥ ਅਦਾਕਾਰ ਰਾਮ ਚਰਨ, ਪਤਨੀ ਉਪਾਸਨਾ ਨੇ ਸਾਂਝੀ ਕੀਤੀ ਗੁੱਡ ਨਿਊਜ਼

Sat, 25 Oct 2025 11:36:20 +0530

ਸਾਊਥ ਅਦਾਕਾਰ ਰਾਮ ਚਰਨ (Ram Charan) ਦੇ ਘਰ ਇੱਕ ਵਾਰ ਮੁੜ ਤੋਂ ਕਿਲਕਾਰੀਆਂ ਗੂੰਜਣਗੀਆਂ। ਕਿਉਂਕਿ ੳੇਨ੍ਹਾਂ ਦੀ ਪਤਨੀ ਦੇ ਵੱਲੋਂ ਦੂਜੀ ਪ੍ਰੈਗਨੈਂਸੀ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਦੀਵਾਲੀ ਦੇ ਮੌਕੇ ‘ਤੇ ਪਰਿਵਾਰ ਨੂੰ ਇਹ ਖੁਸ਼ਖਬਰੀ ਮਿਲੀ ਹੈ ਅਤੇ ਪੂਰਾ ਪਰਿਵਾਰ ਪੱਬਾਂ ਭਾਰ ਹੈ। ਰਾਮ ਚਰਨ ਦੀ ਪਤਨੀ ਉਪਾਸਨਾ ਦੇ ਵੱਲੋਂ ਇੱਕ ਵੀਡੀਓ ਸਾਂਝਾ ਕੀਤਾ ਗਿਆ ਹੈ।

ਜਿਸ ‘ਚ ਉਸ ਨੂੰ ਮਹਿਮਾਨ ਤੋਹਫੇ ਤੇ ਆਸ਼ੀਰਵਾਦ ਦਿੰਦੇ ਹੋਏ ਨਜ਼ਰ ਆ ਰਹੇ ਹਨ । ਵੀਡੀਓ ਦੇ ਕੈਪਸ਼ਨ ‘ਚ ਉਨ੍ਹਾਂ ਨੇ ਲਿਖਿਆ ‘ਇਸ ਦੀਵਾਲੀ ਤੇ ਦੂਹਰੀ ਖੁਸ਼ੀਆਂ, ਦੂਹਰਾ ਪਿਆਰ ਅਤੇ ਦੂਹਰਾ ਆਸ਼ੀਰਵਾਦ’।ਵੀਡੀਓ ਦੇ ਅਖੀਰ ‘ਚ ‘ਨਵੀਂ ਸ਼ੁਰੂਆਤ’ ਦੇ ਨਾਲ ਇਹ ਵੀ ਦੱਸਿਆ ਗਿਆ ਕਿ ਪਰਿਵਾਰ ‘ਚ ਨਵੀਂ ਖੁਸ਼ਖਬਰੀ ਆਉਣ ਵਾਲੀ ਹੈ।

ਇਸ ਤੋਂ ਇਲਾਵਾ ਇੱਕ ਛੋਟੇ ਬੱਚੇ ਦੇ ਪੈਰ ਵੀ ਬਣਾਏ ਗਏ ਹਨ ।ਜਿਸ ਤੋਂ ਸਪੱਸ਼ਟ ਹੈ ਕਿ ਪਰਿਵਾਰ ‘ਚ ਕੋਈ ਨਵਾਂ ਮਹਿਮਾਨ ਆਉਣ ਵਾਲਾ ਹੈ। ਜਿਉਂ ਹੀ ਉਪਾਸਨਾ ਨੇ ਇਸ ਵੀਡੀਓ ਨੂੰ ਸਾਂਝਾ ਕੀਤਾ ਤਾਂ ਇਸ ਜੋੜੀ ਨੂੰ ਵਧਾਈਆਂ ਦੇਣ ਦਾ ਸਿਲਸਿਲਾ ਸ਼ੁਰੂ ਹੋ ਗਿਆ ।

ਜੂਨ 2023 ‘ਚ ਪਹਿਲੀ ਧੀ ਦਾ ਸੁਆਗਤ

ਦੱਸ ਦਈਏ ਕਿ ਇਸ ਜੋੜੀ ਨੇ ਜੂਨ 2023 ‘ਚ ਆਪਣੀ ਪਹਿਲੀ ਧੀ ਦਾ ਸੁਆਗਤ ਕੀਤਾ ਸੀ । ਧੀ ਦਾ ਨਾਮਕਰਣ ਸਮਾਰੋਹ ਬਹੁਤ ਹੀ ਸ਼ਾਨਦਾਰ ਤਰੀਕੇ ਨਾਲ ਕੀਤਾ ਗਿਆ ਸੀ।

View this post on Instagram

A post shared by Upasana Kamineni Konidela (@upasanakaminenikonidela)

ਰਾਮ ਚਰਨ ਤੇ ਉਪਾਸਨਾ ਨੂੰ ਮਿਲ ਰਹੀ ਵਧਾਈ

ਜਿਉਂ ਹੀ ਉਪਾਸਨਾ ਦੇ ਵੱਲੋਂ ਇਹ ਜਾਣਕਾਰੀ ਸਾਂਝੀ ਕੀਤੀ ਗਈ ਤਾਂ ਫੈਨਸ ਦੇ ਨਾਲ-ਨਾਲ ਸਿਤਾਰਿਆਂ ਨੇ ਵੀ ਜੋੜੀ ਨੂੰ ਵਧਾਈ ਦੇਣੀ ਸ਼ੁਰੂ ਕਰ ਦਿੱਤੀ । ਕਾਜਲ ਅਗਰਵਾਲ ਅਤੇ ਗੁਨੀਤ ਮੋਂਗਾ ਨੇ ਵੀ ਰਾਮਚਰਨ ਤੇ ਉਪਾਸਨਾ ਨੂੰ ਵਧਾਈ ਦਿੱਤੀ ।

ਮਨੋਰੰਜਨ ਜਗਤ ਤੋਂ ਇੱਕ ਹੋਰ ਮੰਦਭਾਗੀ ਖ਼ਬਰ, ਮਸ਼ਹੂਰ ਸਾਊਥ ਅਦਾਕਾਰ ਦਾ ਹੋਇਆ ਦਿਹਾਂਤ

Wed, 15 Oct 2025 12:00:17 +0530

ਮੌਤ ਕਦੋਂ ਕਿੱਥੇ ਅਤੇ ਕਿਸ ਦਿਨ ਆਉਣੀ ਹੈ ਇਹ ਸਭ ਪਹਿਲਾਂ ਤੋਂ ਹੀ ਤੈਅ ਹੈ। ਪੰਜਾਬੀ ਇੰਡਸਟਰੀ ‘ਚ ਸੋਗ ਦੀ ਲਹਿਰ ਹੈ । ਕਿਉਂਕਿ ਪਿਛਲੇ ਕੁਝ ਦਿਨਾਂ ਤੋਂ ਇੱਕ ਤੋਂ ਬਾਅਦ ਇੱਕ ਮੰਦਭਾਗੀਆਂ ਖ਼ਬਰਾਂ ਸਾਹਮਣੇ ਆ ਰਹੀਆਂ ਹਨ ।ਪਹਿਲਾਂ ਅਦਾਕਾਰ ਜਸਵਿੰਦਰ ਭੱਲਾ, ਰਾਜਵੀਰ ਜਵੰਦਾ, ਵਰਿੰਦਰ ਘੁੰਮਣ ਤੇ ਲੋਕ ਗਾਇਕ ਗੁਰਮੀਤ ਮਾਨ ਦੀ ਮੌਤ ਨੇ ਪੂਰੀ ਇੰਡਸਟਰੀ ਨੂੰ ਝੰਜੋੜ ਦਿੱਤਾ ਹੈ। ਹੁਣ ਸਾਊਥ ਇੰਡਸਟਰੀ ਤੋਂ ਬਹੁਤ ਹੀ ਬੁਰੀ ਖ਼ਬਰ ਸਾਹਮਣੇ ਆਈ ਹੈ। ਹੁਣ ਮਸ਼ਹੂਰ ਸਾਊਥ ਅਦਾਕਾਰ ਰਾਜੂ ਤਾਲੀਕੋਟੇ (Raju Talikote )ਦਾ ਬਾਹਠ ਸਾਲਾਂ ਦੀ ਉਮਰ ‘ਚ ਦਿਹਾਂਤ ਹੋ ਗਿਆ ਹੈ। ਉਨ੍ਹਾਂ ਦਾ ਦਿਹਾਂਤ ਦਿਲ ਦਾ ਦੌਰਾ ਪੈਣ ਦੇ ਕਾਰਨ ਹੋਇਆ ਹੈ। ਉਨ੍ਹਾਂ ਨੂੰ ਮੋਢੇ ਦੇ ਦਰਦ ਤੋਂ ਬਾਅਦ ਸਾਹ ਲੈਣ ‘ਚ ਤਕਲੀਫ ਮਹਿਸੂਸ ਹੋਈ । ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਇੱਕ ਨਿੱਜੀ ਹਸਪਤਾਲ ‘ਚ ਲਿਜਾਇਆ ਗਿਆ, ਜਿੱਥੇ ਉਨ੍ਹਾਂ ਦਾ ਦਿਹਾਂਤ ਹੋ ਗਿਆ ।

ਉਡੂਪੀ ‘ਚ ਸ਼ੂਟਿੰਗ ਕਰਨ ਆਏ ਸਨ ਰਾਜੂ ਤਾਲੀਕੋਟੇ

ਕੰਨੜ ਅਦਾਕਾਰ ਰਾਜੂ ਤਾਲੀਕੋਟੇ ਆਪਣੀ ਫ਼ਿਲਮ ਦੀ ਸ਼ੂਟਿੰਗ ਦੇ ਲਈ ਉਡੂਪੀ ਪਹੁੰਚੇ ਸਨ । ਸ਼ੂਟਿੰਗ ਦੇ ਦੌਰਾਨ ਹੀ ਉਨ੍ਹਾਂ ਨੂੰ ਸਾਹ ਲੈਣ ‘ਚ ਤਕਲੀਫ਼ ਮਹਿਸੂਸ ਹੋਈ ਸੀ । ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ ।ਡਾਕਟਰਾਂ ਮੁਤਾਬਕ ਉਨ੍ਹਾਂ ਨੂੰ ਪਹਿਲਾਂ ਵੀ ਦਿਲ ਦਾ ਦੌਰਾ ਪਿਆ ਸੀ ਅਤੇ ਇਸ ਵਾਰ ਇਹ ਦੌਰਾ ਉਨ੍ਹਾਂ ਦੇ ਲਈ ਘਾਤਕ ਸਾਬਿਤ ਹੋਇਆ।ਉਨ੍ਹਾਂ ਦੇ ਦਿਹਾਂਤ ਕਾਰਨ ਟੀਮ ਵੀ ਸਦਮੇ ‘ਚ ਹੈ ਅਤੇ ਉਨ੍ਹਾਂ ਨੂੰ ਇਹ ਵਿਸ਼ਵਾਸ਼ ਨਹੀਂ ਹੋ ਰਿਹਾ ਕਿ ਜਿਸ ਅਦਾਕਾਰ ਦੇ ਨਾਲ ਉਹ ਕੁਝ ਘੰਟੇ ਪਹਿਲਾਂ ਕੰਮ ਕਰ ਰਹੇ ਸਨ, ਉਹ ਉਨ੍ਹਾਂ ਦਰਮਿਆਨ ਨਹੀਂ ਰਿਹਾ। ਰਾਜੂ ਤਾਲੀਕੋਟੇ ਨੇ 2009 ‘ਚ ਆਪਣੇ ਫ਼ਿਲਮੀ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ।